கறி விருந்து.. கலை நிகழ்ச்சி.. களைகட்டும் பிக்பாஸ் வீட்டு தீபாவளி.. அமர்களம் செய்யும் போட்டியாளர்கள்..

தீபாவளி கொண்டாட்டம்

இந்நிலையில், பிக்பாஸ் வீட்டில் போட்டியாளர்கள் தீபாவளி கொண்டாடியதன் வீடியோவை ப்ரோமாவாக வெளியிட்டுள்ளது விஜய் டிவி. பின்னணியில் இன்பம் பொங்கும் வெண்ணிலா என பாடல் ஒலித்துக் கொண்டிருக்க பிக்பாஸ் போட்டியாளர்களோ குதூகலத்திற்கு தயாராகிக் கொண்டிருக்கின்றனர்.

போட்டியாளர்கள் ஒருவர் மீது ஒருவர் மஞ்சள் நீர் ஊற்றி விளையாடிக் கொண்டிருக்கின்றனர். அதனுடனேயே பிக்பாஸ் கார்டன் ஏரியாவில் நடனமாடியும் மகிழ்ந்துள்ளனர்.

வண்ண வண்ண கோலம், தோரணத்தில் அழகான வீடு

தீபாவளிக்காக பிக்பாஸ் வீட்டை கோலமிட்டு அலங்கரிக்க வண்ண வண்ண கோலமாவும், பூக்கள் தோரணமும் பிக்பாஸ் வழங்கியுள்ளது. மேலும், போட்டியாளர்கள் பாரம்பரிய முறைப்படி எண்ணெய் தேய்த்து குளிக்க நல்லெண்ணெய்யையும் வழங்கி உள்ளது. அதுமட்டுமின்றி, பிக்பாஸ் போட்டியாளர்கள் அனைவருக்கும் பிக்பாஸ் சார்பில் தாம்பூலத் தட்டுடன் புத்தாடைகளும் வழங்கப்பட்டுள்ளது.

கலை நிகழ்ச்சிகள்

அதைத் தொடர்ந்து, குளித்து புத்தாடை உடுத்தி தயாரான போட்டியாளர்கள் ஆடல் பாடலுடன் கலை நிகழ்ச்சிகளை தொடங்கி உள்ளனர். அந்த சமயத்தில் சௌந்தர்யா, விஜே விஷாலுக்கு போட்டியாளர்கள் மாலை அணிவித்து போட்டி ஒன்றை நடத்தி உள்ளனர். இதையடுத்து, போட்டியாளர்கள் தலையில், இரண்டு சொம்புகளை வைத்து நடந்துவரும் போட்டியும் நடந்தது.

சிறப்பு விருந்தினராக வந்த கவின்

மேலும், தீபாவளி கொண்டாட்டத்தை சிறப்பிக்க சிறப்பு விருந்தினர்களும் பிக்பாஸ் வீட்டிற்குள் அனுப்பப்பட்டனர். நடிகர் கவின் ஏற்கனவே பிக்பாஸ் நிகழ்ச்சியில் பங்கேற்று மக்கள் மனதை கொள்ளையடித்த நிலையில், அவரது பிளடி பெக்கர் திரைப்படம் தீபாவளியை முன்னிட்டு இன்று வெளியானது. அதன் புரொமோஷனுக்காகவும் கவின் பிக்பாஸ் வீட்டிற்குள் சிறப்பு விருந்தினராக சென்றார்.

சிறப்பு விருந்து

கலை நிகழ்ச்சிகள், போட்டிகள் என களைகட்டிய பிக்பாஸ் வீட்டில், தீபாவளி ஸ்பெஷலாக சிறப்பு அசைவ உணவுகளும் வழங்கப்பட்டது. பிரியாணி, சிக்கன், மட்டன் கிரேவி, பட்டர் நான், இனிப்பு என போட்டியாளர்கள் சிறப்பு விருந்தை வெளுத்துக் கட்டினர்.

25 நாட்கள் நிறைவு செய்த போட்டியாளர்கள்

பின், கவினுடன் இணைந்து பிக்பாஸ் வீட்டில் 25 நாட்களை நிறைவு செய்ததை போட்டியாளர்கள் கேக் வெட்டி கொண்டாடி மகிழந்தனர். பின்னர், பிக்பாஸ் வீட்டில் பட்டாசு வெடித்து கொண்டாடி மக்களுக்கு தங்களின் தீபாவளி வாழ்த்துகளைத் தெரிவித்துள்ளனர்.

பிக்பாஸ் வீட்டில் கடந்த 3 நாட்களாக போட்டியாளர்கள் அனைவரும் ஒருவர் போல் ஒருவர் நடித்துக் காட்டி ஆள் மாறாட்டம் எனும் போட்டியை சிறப்பாக விளையாடி வந்தனர். அந்தப் போட்டியில் தாங்கள் கூற நினைக்கும் பல கருத்துகளை வெளிப்படுத்தினர். இந்நிலையில், பிக்பாஸ் போட்டியாளர்கள் அனைவரும் இன்று தீபாவளி பண்டிகையை மிகச் சிறப்பாக கொண்டாடியுள்ளனர். 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.