Robo Shankar: குடும்பத்தோடு ஜிம்மில் முகாமிட்ட ரோபோ ஷங்கர்! ஏன் தெரியுமா?
நடிகரும், டிவி பிரபலமுமான ரோபோ ஷங்கர் தனது மனைவி, மகள், மருமகன் என குடும்பத்தினர் அனைவருடனும் ஜிம்மில் முகாமிட்டுள்ளார். இதுதொடர்பாக விடியோ ஒன்றையும் ரோபோ ஷங்கர் மகள் இந்திரஜா இன்ஸ்டாவில் பகிர்ந்துள்ளார்.
தமிழ் சினிமாக்களில் காமெடி நடிகராகவும், டிவி பிரபலமாகவும் இருந்து வருபவர் ரோபோ ஷங்கர், இவரது மகள் இந்திரஜா ஷங்கர் பிகில் படம் மூலம் நடிகையாக அறிமுகமானார். மிமிக்ரி கலைஞரான ரோபோ ஷங்கர் டிவியில் பிரபலமாவதற்கு முன்னர் ஜிம்மில் பணியாற்றி வந்ததோடு, ஆணழகன், வெயிட் லிப்டிங் போட்டிகளிலும் பங்கேற்றுள்ளார்.
ட்ரெண்டிங் செய்திகள்
இதையடுத்து விஜய் டிவியில் ஒளிபரப்பான கலக்கப்போவது யாரு உள்பட பல்வேறு டிவி நிகழ்ச்சிகளில் பிரபமான பின்னர் சினிமாவில் காமெடி வேடங்களில் நடித்து வந்தார். இதைத்தொடர்ந்து குடிப்பழக்கத்தினால் உடல்நலம் கடுமையாக பாதிக்கப்பட்டார்.
பின்னர் அதிலிருந்து மெல்ல மீண்டு வந்த அவர் உடல் எடை குறைந்து மிகவும் ஒல்லியாக காணப்பாட்டார். தற்போது தனது உடல் நலத்தில் அதிக கவனம் செலுத்தி வரும் இவர் ஜிம்மில் களமிறங்கி உடல் எடையை கட்டுக்கோப்பாக வைக்க முயற்சி செய்துள்ளார்.
அந்த வகையில் ரோபோ ஷங்கர் மட்டுமில்லாமல், தனது மனைவி பிரியா, மகள் இந்திரஜா, மருமகன் கார்த்திக் என ஒட்டுமொத்த குடும்பத்தினருடன் ஜிம்மிக்கு சென்று பயிற்சியில் ஈடுபட தொடங்கியுள்ளார். அனைவரும் தீவிர பயிற்சியில் ஈடுபட்ட உடல் எடையை குறைக்க முயற்சித்து வருகிறார்களாம்.
இதுதொடர்பாக இந்திரஜா தனது இன்ஸ்டாவில் பகிர்ந்த பதிவில், "துணிந்தவன் முன் வந்தால் விதிகளை மதி வெல்லும். ஒட்டு மொத்த குடும்பத்தினரும் ஜிம்மில் இருக்கும் போது எங்களை ட்ரெயின் பண்ற கஷ்டம் ஜிம் மாஸ்டருக்கு மட்டும் தான் தெரியும்" என்று குறிப்பிட்டு ஜிம்மில் அனைவரும் பயிற்சி மேற்கொள்ளும் விடியோவை பகிர்ந்துள்ளார்.
இந்த விடியோவை பார்த்த ரசிகர்கள் பலரும் பயர் விட்டிருப்பதுடன், ரோபோ ஷங்கருக்கு வாழ்த்தும், பாசிடிவ்வான கருத்துகளையும் பதிவிட்டுள்ளனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்