டாப் 10 சினிமா.. கதாநாயகனான கூல் சுரேஷ் முதல்.. பல மொழிகளில் பேசும் சூர்யா வரை.. கோலிவுட்டின் முக்கிய செய்திகள்

4. தமிழ் உள்ளிட்ட தென்னிந்திய மொழி திரைப்படங்களில் தனது ஆதிக்கத்தை செலுத்தி வந்த நடிகை ஸ்ரீதேவி, பாலிவுட் திரைப்படங்களில் நடிக்கத் தொடங்கி பின் தயாரிப்பாளர் போனி கபூரை திருமணம் செய்துகொண்டார். இவர் இந்திய சினிமாவில் மிகுந்த செல்வாக்குடன் இருந்த சமயத்தில் தான் நட்சத்திர விடுதியில் உயிரிழந்தார். இதைத் தொடர்ந்து, அவரின் நடிப்புத் திறமையை பார்ட்டி விருதுகள் வழங்கப்பட்டு வந்த நிலையில் மும்பை மாநகராட்சி, ஸ்ரீதேவி வாழ்ந்த இடத்தின் சாலைக்கு அவரது பெயரை சூட்டி பெருமைப்படுத்தியுள்ளது. ஸ்ரீதேவி கபூர் சௌக் எனப் பெயரிடப்பட்ட அந்த சாலையின் பெயர் திறப்பு விழாவில் அவரது கணவர் மற்றும் மகள் கலந்து கொண்டனர். முன்னதாக, ஸ்ரீதேவியின் மூத்த மகள் ஜான்வி கபூர், தேவாரா 1 படத்தின் மூலம் தென்னிந்த திரையுலகில் தனது திரைப்பயணத்தை தொடங்கியுள்ளது குறிப்பிடத்தக்கது.

5. கிரிக்கெட்டை மையமாக வைத்து தமிழரசன் பச்சமுத்து இயக்கத்தில் உருவான லப்பர் பந்து திரைப்படம் வெளியாகி இன்றுடன் 25 நாட்கள் ஆகிறது. இதனை கொண்டாடும் விதமாக படக்குழு புதிய போஸ்டர் ஒன்றை வெளியிட்டுள்ளது. கிரிக்கெட், குடும்பம், காதல் பின்னணியில் உருவான லப்பர் பந்து திரைப்படத்தில், அட்டகத்தி தினேஷ், ஹரிஷ் கல்யான், சுவாசிகா, சஞ்சனா உள்ளிட்டோர் நடித்திருந்தனர். கிராமத்து கதைக்களத்தை மையமாக உருவாக்கப்பட்ட இந்தப் படம் மக்களின் வாழ்க்கை முறையோடு ஒன்றிப்போய் இருந்ததால், அனைவரின் கவனத்தையும் ஈர்த்து பாராட்டை பெற்றதுடன், வசூல் ரீதியாகவும் வெற்றி பெற்றது. இதனை படக்குழு கொண்டாடி வந்த நிலையில், 25ம் நாளுக்கான போஸ்டரை வெளியிட்டுள்ளது.

6. நடிகை ஓவியாவின் அந்தரங்க வீடியோ வெளியாகி பேசுபொருளான நிலையில், இதுகுறித்து அவர் திரிச்சூர் போலீசில் புகார் அளித்துள்ளார் என தகவல் கிடைத்துள்ளது. தாரிக் என்ற நபருடன் ஓவியா நட்பில் இருந்ததாகவும் அவரின் செயல்கள் பிடிக்காததால், அவர் மார்பிங் செய்யப்பட்ட வீடியோ வெளியிட்டுள்ளார் என்றும் தகவல்கள் வெளியாகியுள்ளது. இந்நிலையிஸ், இவ்விவகாரம் குறித்து 2 நாட்களுக்குப் பின் ஓவியா புகரளித்துள்ளதால், விரைவில் நடவடிக்கை எடுக்கப்படும் எனவும் கூறப்படுகிறது.

7. தெலுங்கு திரைப்பட இயக்குநர் சேகர் கம்முல்லா இயக்கி வரும் குபேரா திரைப்படத்தில் நடிகர் தனுஷ் நடித்து வந்தார். இந்தப் படத்தில் தனுஷுடன் ராஷ்மிகா மந்தனா, நாகார்ஜூனா உள்ளிட்டோர் முக்கிய கதாப்பாத்திரத்தில் நடித்துள்ளனர். தனுஷின் 51வது படமாக உருவாகியுள்ள குபேரா வரும் பிப்ரவரி மாதம் ரிலீஸாகலாம் என தகவல்கள் வெளியாகி உள்ளது.

8. சின்னத்திரை நடிகை சித்ரா கடந்த 2020ம் ஆண்டு டிசம்பர் மாதம் திருவள்ளூர் மாவட்டம் நாசரத்பேட்டையில் உள்ள ஹோட்டல் ஒன்றின் அறையில் சடலமாக மீட்கப்பட்டார். இதுகுறித்து நடைபெற்று வந்த வழக்கிலிருந்து அவரது கணவர் ஹேம்நாத் விடுதலை செய்யப்பட்டார். இதற்கு எதிர்ப்பு தெரிவித்து, சித்ராவின் தந்தை சென்னை உயர் நீதிமன்றத்தில் மேலமுறையீட்டு மனு தாக்கல் செய்துள்ளார். இதையடுத்து, இந்த விவகாரம் குறித்து ஹேம்நாத் பதிலளிக்க நீதிமன்றம் உத்தரவிட்டுள்ளது.

9.தமிழில் வெளியாகும் புது திரைப்படங்களை சிலர் திருட்டுத் தனமாக பதிவு செய்து இணையத்தில் வெளியிட்டு வந்த வண்ணமே இருந்தனர். இந்நிலையில், நடிகர் ரஜினி காந்த்தின் வேட்டையன் திரைப்படத்தை போர்வைக்குள் கேமரா வைத்து பதிவு செய்து வெளியிட்டதாக ஐடி ஊழியர்கள் இருவர் கைது செய்யப்பட்டுள்ளனர். இவர்கள் இவ்வாறு படத்தை பதிவிடுவதால் சுமார் 40 ரூபாய் முதல் வருமானம் வரும் என தகவலளித்துள்ளனர்.

10. முன்னாள் மனைவி மற்றும் மகளுக்கு தொடர்ந்து தொந்தரவு கொடுத்து வருவதாக சிறுத்தை சிவாவின் தம்பி நடிகர் பாலாவை போலீசார் கைது செய்துள்ளனர். முன்னதாக, பாலா தனது மகளை பற்றி பல இடங்களில் பேசி வந்த நிலையில், அவரது மகள் அவருக்கு பதிலடி கொடுத்து வீடியோ ஒன்று வெளியிட்டிருந்தார். இந்நிலையில், பாலாவின் முன்னாள் மனைவி அம்ருதா இதுகுறித்து அளித்த புகாரின் பேரில் பாலா கைது செய்யப்பட்டுள்ளார்.