தனுஷின் குபேரா படம் ரீலிஸ் எப்போது? வெளியான புதிய தகவல்!
பிரபல தெலுங்கு இயக்குனர் சேகர் கம்முலா இயக்கத்தில் தனுஷ் மற்றும் நாகார்ஜுனா நடித்துள்ள குபேரா திரைப்படம் ரீலிஸ் தேதி குறித்து தகவல் வெளியாகியுள்ளது.
தமிழ் சினிமாவின் முன்னணி ஹீரோக்களில் ஒருவரான தனுஷின் படங்கள் குறித்து தொடர்ந்து அப்டேட் வந்த வண்ணம் உள்ளன. இந்நிலையில் தனுசின் 50 ஆவது படமான ராயன் படத்தை அவரே இயக்கி இருந்தார். இப்படம் வெளியாகி கலவையான விமர்சனங்களை பெற்றது. தனுஷ் இயக்கிய முதல் படமான ப. பாண்டி நல்ல வரவேற்பை பெற்ற நிலையில் தொடர்ந்து இயக்கத்திலும் கவனம் செலுத்தி வருகிறார். தற்போது நிலவுக்கு என்மேல் என்னடி கோபம் என்ற படத்தை இயக்கி முடித்துள்ளார். இப்படம் வரும் கிறிஸ்துமஸ்க்கு வெளிவரும் எனக் கூறப்பட்டுள்ளது. அதனைத் தொடர்ந்து இட்லி கடை என்ற படத்தையும் இயக்கி வருகிறார். இந்த படத்தில் திருச்சிற்றம்பலம் படத்திற்கு பின் மீண்டும் நித்யா மேனன் உடன் இப்படத்தில் பணியாற்றவும் உள்ளார்.
குபேரா ரீலிஸ்
தொடர்ந்து இயக்கத்தில் பிஸியாக இருந்தாலும் நடிப்பிலும் அனைத்து படங்களையும் நடித்து வருகிறார். அந்த வரிசையில் பிரபல தெலுங்கு இயக்குனர் சேகர் கம்முலா இயக்கத்தில் குபேரா எனும் திரைப்படத்தில் நடிப்பதற்கு கமிட்டாகி இருந்தார். அதன்படி ஸ்ரீ வெங்கடேஸ்வரா சினிமாஸ் நிறுவனம் தயாரிக்கும் இந்த படத்தின் படப்பிடிப்பு திருப்பதி, மும்பை, ஐதராபாத் போன்ற பகுதிகளில் நடைபெற்று வந்தது. கிட்டத்தட்ட இதன் படப்பிடிப்பு நிறைவடைந்ததாக தகவல் வெளியாகியுள்ளது. இந்த படம் அடுத்த ஆண்டு ரிலீசாகலாம் என கோலிவுட் வட்டாரத்தில் பேசப்பட்டது வந்தது. இதனை அடுத்து இது அடுத்த ஆண்டின் மகா சிவராத்திரி அன்று வெளியாகும் எனவும் தகவல் வெளியாகியுள்ளது.
அதாவது இந்த குபேரா படம் அடுத்த ஆண்டு பிப்ரவரி மாதம் 27ஆம் தேதி மகா சிவராத்திரி தினத்தை முன்னிட்டு திரையிடப்பட படக் குழுவினரால் திட்டமிடப்பட்டு வருவதாக தற்போதைய தகவல்கள் தெரிவிக்கின்றன. விரைவில் இது தொடர்பான அதிகாரப்பூர்வ அறிவிப்பு வெளியாகும் என்று நம்பப்படுகிறது.
மேலும் இந்த படத்தில் தனுஷுடன் இணைந்து நாகார்ஜுனா, ராஷ்மிகா மந்தனா உள்ளிட்டோர் முக்கிய கதாபாத்திரங்களில் நடிக்கின்றனர். இந்த படத்திற்கு தேவி ஸ்ரீ பிரசாத் இசையமைக்கிறார் என்பது குறிப்பிடத்தக்கது.vசமீபத்தில் வெளியான தகவலின் படி சேகர கம்முலா இயக்கத்தில் உருவாகி வரும் ’குபேரா’ படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வரும் நிலையில் தனுஷ் மற்றும் நாகார்ஜுனா ஸ்டண்ட் காட்சிகள் படமாக்கப்பட்டு இருப்பதாகவும் இந்த ஸ்டண்ட் காட்சி படத்தின் ஹைலைட்டாக இருக்கும் எனவும் தெரியவந்துள்ளது.
பொறுப்புத் துறப்பு:
இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.பொறுப்புத் துறப்பு:
இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.
டாபிக்ஸ்