பக்காவா பிளான் போடும் முத்து.. சூனா பானா போல் மைண்ட் வாய்ஸில் பேசும் ரஞ்சித்.. பரிதாபத்தில் பெண்கள் அணி..

முதல் நாளிலே எலிமினேட்

பிக்பாஸ் தொடங்கிய முதல் நாளில் இருந்தே கலவரத்திற்கும், கண்டெண்ட்டிற்கும பஞ்சம் இல்லாமல் சென்று கொண்டிருக்கிறது. மேலும் மற்ற எந்த சீசனிலும் இல்லாத வகையில் பல விதமான புதிய விதிமுறைகளும் விதிக்கப்பட்டு வருகிறது. போட்டியாளர்கள் ஆண்கள் அணி மற்றும் பெண்கள் அணி எனப் பிரிக்கப்பட்டு உள்ளனர்.

அத்துடன் போட்டி தொடங்கிய 24 மணி நேரத்திற்குள்ளாகவே சாச்சனா வீட்டிலுள்ள போட்டியாளர்களால் அதிக எண்ணிக்கையில் நாமினேட் செய்யப்பட்டதால் வெளியேற்றப்பட்டார்.

ரவீந்தர் எலிமினேட்

இதுதொடர்பாக பல விமர்சனங்கள் எழுந்த நிலையில், வெளியேற்றப்பட்ட 3 நாட்களில் சாச்சனா மீண்டும் பிக்பாஸ் வீட்டிற்குள் வந்தார். இதையடுத்து, அவர் பெண்கள் அணி எப்படி சிறப்பாக விளையாட வேண்டும் என்பதை மக்கள் பார்வையிலிருந்து கூறி வந்தார். இதற்கிடையில், முதல் வார முடிவில், பிராங்க் விளையாட்டு ஆண்கள் அணியில் குழப்பத்தை ஏற்படுத்திய நிலையிலும், பெண்கள் அணியுடன் ஏற்பட்ட கருத்து முரணாலும் தன்னைத் தானே நாமினேட் செய்ததாலும், பேட் மேன் ரவீந்தர் முதல் வாரத்திலேயே எலிமினேட் செய்யப்பட்டார்.

தொடங்கிய நாமினேஷன்

இதையடுத்து, 2ம் வார தொடக்கத்திலேயே நாமினேஷனுக்கான வேலைகள் ஆரம்பித்த நிலையில், வீட்டிலுள்ள பெரும்பாலான நபர்கள் நாமினேஷன் பட்டியலில் இடம் பிடித்துள்ளனர். இதற்கிடையில், ஆண்கள் அணியிலிருந்து தீபக்கும், பெண்கள் அணியிலிருந்து தர்ஷாவும் அணிகள் மாறி விளையாடி வருகின்றனர். இந்த சமயத்தில் தான் பிக்பாஸ் வீட்டிலுள்ள போட்டியாளர்கள் அனைவருக்கும் சமைக்க பெண்கள் அணியிலிருந்து ஜாக்குலின் மற்றும் சாச்சனாவை ஆண்கள் அணியினர் தேர்ந்தெடுத்துள்ளனர். மேலும், இவர்கள் மட்டுமே சமைத்த பாத்திரத்தையும் கழுவ வேண்டும் எனக் கூறியதால், பெண்கள் அணிக்கும் ஆண்கள் அணிக்கும் பிரச்சனை முற்றியது.

முத்துக்குமரனின் மாஸ்டர் பிளான்

இந்த நிலையில், ஜாக்குலினும், சாச்சனாவும் தேர்ந்தெடுக்கப்பட்டதற்காக நடந்த ஆலோசனை வீடியோ இணையத்தில் இப்போது வைரலாகி வருகிறது. அதில், முத்துக் குமரன் இந்த வாரம் முழுவதும் பிக்பாஸ் போட்டியாளர்களுக்கு சமைத்து கொடுக்க ஜாக்குலினையும், சாச்சனாவையும் தேர்ந்தெடுக்கலாம் எனக் கூறியுள்ளார். அத்தோடு அதற்கான காரணத்தையும் ஒவ்வொன்றாக விளக்கி வருகிறார்.

சௌந்தர்யாவுக்கு ஸ்கெட்ச்

இந்த வீட்டில் எந்த டாஸ்கிலும் அதிகம் ஈடுபடாமலும், முழுவதுமாக விளையாட்டில் கவனம் செலுத்தாமலும் இருப்பதாக அதிக போட்டியாளர்களால் கூறப்பட்டவர் சௌந்தர்யா தான். எனவே, அவரை நாம் சமையல் டாஸ்கில் ஈடுபடுத்தாமல் இருக்கலாம். ஏனென்றால் சமையல்கட்டில் வேலை செய்தால் அதிகம் மக்களின் கண்ணில் படுவார். அதனால். அவரை டாஸ்க்கிற்குள் கொண்டு வராமலே ஓரம்கட்ட வேண்டும். அதேசமயம், எதுவுமே செய்யவில்லை என்றாலும் ஜாக்குலின் கேமராவில் அதிகம் தெரிவார், இதனால் மக்கள் கண்ணிற்கு தெரிவார். இந்த சமயத்தில் நாம் அவரை சமையல் செய்ய விட்டு வேறு டாஸ்க்கில் அதிக கவனம் செலுத்த விடாமல் தடுக்கிறோம்.

ஜாக்குலினுக்கு காத்திருக்கும் சம்பவம்

இந்தப் பக்கம் சௌந்தர்யாவை வேலையே கொடுக்காமல் போட்டு பொளக்கிறோம், இந்தப் பக்கம் ஜாக்குலினை வேலை செய்ய வைத்து பொளக்கிறோம் என தனது முடிவின் நியாயத்தை ஆண்கள் அணியிடம் கூறுகிறார். இதைக்கேட்டு அனைவரும் யோசித்து கொண்டே இருக்கின்றனர். அப்போது குறுக்கிட்ட முத்துக் குமரன் ஒன்று ஆமாம் என சொல்லுங்கள், இல்லையென்றால் இல்லை என சொல்லுங்கள் என தனது கருத்து குறித்து பிறர் என்ன நினைக்கிறார்கள் என கேள்வி எழுப்பினார்.

பின்னர், சௌந்தர்யாவை நாம் அனைவரும் ஒன்றாக சேர்ந்து நிகழ்ச்சியிலிருந்து வெளியே அனுப்ப வாக்களித்துள்ளோம், அதனால், அவருக்கு ஆக்டிவிட்டியே கொடுக்காமல் அவரை கட் செய்கிறோம். பின் ஜாக்குலினை போட்டு பொளக்குறோம் என கூட்டாக பேசினர்.

சூனா பானா ரஞ்சித்

அப்போது, ரஞ்சித் எதையோ தீவிரமாக சிந்தித்து வருகிறார். இதை பலரும் சூனா பானா வடிவேலு கேரக்கடருடன் ஒப்பிட்டு விமர்சித்து வருகின்றனர். இவர்களுக்கு மத்தியில் அலெர்ட்டாக இருக்க வேண்டும் எனவும் ரஞ்சித் யோசிப்பது போன்ற டெப்ம்ளேட் இப்போது வைரலாகி வருகிறது.