வாயை கொடுத்து மாட்டிய சாச்சனா.. ஆப்பு வைத்து போட்டியாளர்கள்! - முதல் ஆளாக எலிமினேட் ஆனதற்கான காரணம் என்ன?

இதனையடுத்து கடுப்பான பிக்பாஸ் என்ன எல்லாரும் வெளியே படுக்கிறீர்களா என்று நெருக்கடி கொடுக்க, இறங்கி வந்த ஆண்கள் அணி, நாங்கள் அதிக வசதிகள் கொண்ட பகுதியை பெண்களாகிய உங்களுக்கு விட்டுத்தருகிறோம். ஆனால், ஒரு கண்டிஷன். நாங்க கூறும் ஒரு வாரத்தில் ஆண்கள் யாரையும் நீங்கள் நாமினேட் செய்யக்கூடாது என்று டீல் பேசினர்.

சொகுசுக்கு ஆசைப்பட்ட பெண்கள் ஓகே என்று கூறினர். ஆனால் இறுதியாக வந்த தர்ஷிகாவும், ஜாக்குலினும் சொகுசுக்காக இவ்வளவு பெரிய விஷயத்தையா விட்டுக்கொடுப்பீர்கள் என்று கூறி, தங்களுக்கான மைலேஜை ஏற்ற விவாதம் நடத்தினர்.

வாயைக்கொடுத்து வாங்கி கட்டிய சாச்சனா

அந்த பிரச்சினை வீட்டிற்குள் காரசாரமாக போய்க்கொண்டிருக்கிறது. இதற்கிடையே நேற்றைய தினம் 24 மணி நேரத்தில் ஒருவர் வெளியேறுவார் என்று சேது செக் வைத்து விட்டு சென்ற நிலையில், வீட்டின் குட்டிப்பிள்ளையாக உள்ளே நுழைந்த சாச்சனா தற்போது எலிமினேட் செய்யப்பட்டிருக்கிறார்.

அவரே கேட்டு வாங்கிக் கொண்டது போல தான் தெரிகிறது. இதுகுறித்து அவரை போட்டியாளர்களுடன் பேசியிருக்கிறார்.

இது தொடர்பாக வெளியான வீடியோவில் பேசும் சாச்சனா, பெண்களுக்கு ஆதரவாக முடிவை எடுத்ததில் என்னுடைய பங்கும் இருக்கிறது. அதனால் அந்த முடிவுக்கு நானும் பொறுப்புதான். இந்த சமயத்தில் ஆண்கள் யாரையும் நாம் நாமினேட்டும் செய்ய முடியாது. முடிவை எடுத்த பொறுப்பில் என்னுடைய பங்கும் இருப்பதால், நீங்கள் என்னை வேண்டுமென்றால் நாமினேட் செய்து கொள்ளுங்கள் என்றார். இதைக்கேட்ட அனைவரும் ஏன் இப்படி பேசுகிறாய்.. உள்ளே வருவது எவ்வளவு கஷ்டம் தெரியுமா என்று அட்வைஸ் செய்கிறார்கள். இந்த வீடியோ தற்போது சமூக வலைதளங்களில் வைரலாக பரவி வருகிறது