நான் பாத்ரூமுக்குள்ள வரணுமா? வந்தா நடக்குறதே வேற! என்னதான் நடக்கிறது பிக்பாஸ் வீட்டுக்குள்?

அனுமதியில்லாமல் நுழைந்த ஜாக்குலின்

இந்த நிலையில் தான், ஜாக்குலின் ஆண்கள் அணியினர் பக்கத்திற்கு அவர்களின் அனுமதி இல்லாமல் சென்றுள்ளார், இதை கவனித்த ஆண்கள் அணியினர், ஜாக்குலினை நடு வீட்டில் நிற்க வைத்து கேள்வி எழுப்பி வருகின்றனர்.

நிற்க வைத்து கேள்வி கேட்ட ஆண்கள் அணி

முதலில், ஆண்கள் அணியிலுள்ள முத்துக் குமரன், யாரைக் கேட்டு உள்ளே வந்தீங்க ஜாக்குலின் எனக் கேட்கிறார். அதற்கு பதிலளித்த ஜாக்குலின், இங்கு யாரும் இல்லை அதனால் வந்ததாக கூறியுள்ளார். அப்போது, ஆண்கள் அணி பக்கம் உள்ளே வர வேண்டுமானால் அதற்கு அனுமதி அளிக்கும் நபர் எங்கிருக்கிறாரோ அங்கு சென்று அனுமதி கேட்க வேண்டும் என முத்துக்குமரன் வலியுறுத்தினார்.

பாத்ரூமிற்குள் வர வேண்டுமா?

இதைக் கேட்ட ஜாக்குலின் ஆவேசமடைந்து, நீங்க பாத்ரூமில் இருந்தால் கூட அங்கு வந்து அனுமதி கேட்க வேண்டுமா என கேள்வி எழுப்பியதுடன், சமையலறைக்கு செல்ல வேண்டும் என்றால், சிறிது இடமாவது இருக்க வேண்டும். ஆனால், இங்கு எதுவுமே இல்லையே என கோபமாக கேட்கிறார்.

அப்போது பேசிய சௌந்தர்யா, ஆண்கள் அறைக்குள் செல்ல அனுமதி கேட்க வேண்டியவர் இங்கு இல்லை என்றால் வேறொருவரை இங்கு இருக்குமாறு உங்கள் அணியிடம் கூற வேண்டியது தானே என காட்டமாக கேள்வி எழுப்பியுள்ளார்.

இதனால் ஆத்திரமடைந்த முத்துக்குமரன், இதற்காக ஒருவரை ஹாலிலேயே உட்கார வைக்க வேண்டுமா எனக் கேள்வி எழுப்பினார். இதற்கு, உங்களுக்கு அனுமதி தானே கேட்க வேண்டும். நாங்கள் அதற்கு உள்ளேயே வந்து அனுமதி கேட்கிறோம் என சௌந்தர்யா ஆவேசமாக கேட்கிறார்.

இனி நடப்பதே வேறு!

இதுவரை அமைதியாக நடப்பதை பார்த்திருந்த அர்னவ், இது எங்க வீடு. இங்கு எங்களின் அனுமதி இல்லாமல் யாராவது உள்ளே நுழைந்தால் நடப்பதே வேறு என ஆவேசமாக கத்தியுள்ளார்.

இதனால், இந்த வீட்டில் இன்று சண்டைக்கு பஞ்சம் இருக்காது என ரசிகர்கள் கூறி வருகின்றனர்.

ஜாக்குலினுக்கு கட்டம் கட்டிய ஆண்கள்

முன்னதாக, மொத்த போட்டியாளர்களுக்கு சமைப்பது யார் என ஆண்கள் அணி முடிவு செய்ய வேண்டும் என பிக்பாஸ் கூறியுள்ளது. இதையடுத்து, பெண்கள் அணியைச் சேர்ந்த ஜாக்குலினும், சாச்சனாவும் இணைந்து அத்தனை போட்டியாளர்களுக்கும் சமைக்க வேண்டும். அத்துடன் அவர்களே சமைத்த பாத்திரங்களை கழுவியும் வைக்க வேண்டும் என ஆண்கள் அணியினர் கூறியுள்ளனர்.

அதுமட்டுமின்றி, சாச்சனா, எப்படி இத்தனை வேலைகளையும் 2 பெண்களால் செய்ய முடியும் என கேள்வி எழுப்பி, உங்களுக்கு மனசாட்சி இருக்கிறதா என அழுதுகொண்டே புலம்பியுள்ளார்.

இந்த சமயத்தில், தனது கோபத்தை கட்டுப்படுத்த முடியாத ஜாக்குலின் அர்னவ்விடம் இனி பெண்களை மதிக்கிறோம். தாய் குலங்களை மதிக்கிறோம் என இனி பேச வேண்டாம் என காட்டமாக பேசினார்.

கத்திய தர்ஷா

மேலும், ஆண்கள் அணி செய்த தவறுக்காக இப்போது நான் சாப்பிடாமல் இருக்க முடியுமா என பெண்கள் அணியிலிருந்து ஆண்கள் அணிக்கு விளையாட வந்த தர்ஷா கோபமாக கத்தியும் உள்ளார்.

இந்த ப்ரோமோக்களை பார்க்கும் போது, இந்த வாரத்தின் 2வது நாள் பிக்பாஸ் வீட்டில் சண்டையும் சச்சரவுமாக செல்லும் என்பது நன்றாகத் தெரிகிறது.