புஷ்பா பட நடிகர் மீது பாலியல் வழக்கு..பாரம்பரிய முறையில் ஸ்டார் தம்பதி இரண்டாவது திருமணம்! டாப் சினிமா செய்திகள் இன்று
புஷ்பா பட நடிகர் மீது பாலியல் வழக்கு, பாரம்பரிய முறையில் ஸ்டார் தம்பதி இரண்டாவது திருமணம், தனுஷுக்கு சாதகமாக வந்த இரண்டு வழக்குகளின் தீர்ப்பு உள்பட டாப் சினிமா செய்திகள் இன்று எவையெல்லாம் என்பதை பார்க்கலாம்.
தனுஷ் தொடர்பான இரண்டு வழக்குகளில் இன்று அவருக்கு சாதகமான தீர்ப்பு வந்துள்ளது. இது கோலிவுட்டில் ஹாட் செய்தியாக இருந்து வருகிறது. இதனுடன் தமிழ் சினிமாவில் இன்றைய டாப் சினிமா செய்திகளை பார்க்கலாம்
பிரமாண்டமாக நடந்த குணசேகரன் வீட்டு திருமணம்
திருநெல்வேலியை சேர்ந்த தொழிலதிபர் ஆர் எஸ் முருகனின் மகனுக்கும் பிரபல நடிகர், எழுத்தாளர் மற்றும் எதிர்நீச்சல் சீரியலில் குணசேகரன் கதாபாத்திரத்தில் தோன்றி ரசிகர்களை கவர்ந்த வேல ராம மூர்த்தியின் பேதி வைஷ்னவி என்பவருக்கும் திருமணம் நடைபெற்றது. தங்க பூவால் செய்யப்பட்ட மாலையை மணமக்கள் அணிந்திருந்தனர். மணமகள் தன்னுடைய தலையில் தங்கத்தால் ஆன முல்லை பூவை சூடி இருந்தார். அத்துடன் மணமக்கள் கிட்டத்தட்ட 600 சவரன் நகையை அணிந்திருந்தார்கள். திருமணம் மிகவும் பிரமாண்டமாக. ஆட்டம் - பாட்டம் கொண்டாட்டத்தோடு நடந்து முடிந்துள்ளது. திருநெல்வேலியில் உள்ள ட்ரேட் சென்டர் பல லட்சம் செலவு செய்து ஒரு திருமண மண்டபத்தையே செட்டாக அமைத்து நடத்தப்பட்ட இந்த திருமணத்தில் சுமார் 25 ஆயிரம் பேர் பங்கேற்றதாக கூறப்படுகிறது.
பாரம்பரிய முறைப்படி சித்தார்த் - அதிதி இரண்டாவது முறையாக திருமணம்
கடந்த மார்ச் மாதம் நடிகர் சித்தார்த் - நடிகை அதிதி ஆகியோர் தங்களுக்கு நிச்சயதார்த்தம் நடைபெற்றதாக தங்களது சமூக வலைதள பக்கத்தில் தெரிவித்தனர். இதனைத்தொடர்ந்து இருவருக்கும் தெலுங்கானாவில், 400 ஆண்டுகள் பழமை வாய்ந்த கோயிலில் கடந்த செப்டம்பர் மாதம் திருமணம் நடைபெற்றது. இருவரும் தங்களது நெருங்கிய சொந்தங்கள் மத்தியில் எளிமையான திருமணம் செய்து கொண்டனர். இதன் பின்னர் தற்போது ராஜஸ்தான் பாரம்பரிய முறைப்படி அங்குள்ள பிசான்கார் பகுதியில் உள்ள அரண்மனையில் இரண்டாவது முறையாக திருமணம் செய்து கொண்டனர். இதுதொடர்பான புகைப்படங்கள் சமூக வலைத்தளங்களில் வைரலாகியுள்ளது