வேட்டையன் முதல் காட்சி டூ இட்லி கடை ஷுட்டிங் ஸ்பாட்..பரபரப்பாக இயங்கும் தனுஷ் - லீக்கான விடியோ

இட்லி கடை விடியோ லீக்

ராயன் படத்தின் வெற்றியை தொடர்ந்து தான் அடுத்த இயக்க இருக்கும் இட்லி கடை படம் குறித்து கடந்த சில வாரங்களுக்கு முன்னர் நடிகர் தனுஷ் அறிவித்தார். இதையடுத்து படத்தின் படப்பிடிப்பு தேனி மற்றும் அதன் சுற்றுவட்டார பகுதிகளில் விறுவிறுப்பாக நடைபற்று வருகிறது.

இதைத்தொடர்ந்து இந்த படத்தின் ஷெட்டில் நடிகர் தனுஷ் பரபரப்பாக டைரக்ட் செய்யும் காட்சிகள் தற்போது லீக் ஆகியுள்ளது.

அண்மையில் அஜித்குமார் நடிப்பில் உருவாகி வரும் குட் பேட் அக்லி படத்தின் காட்சிகள் லீக்காகி பரபரப்பை கிளப்பியது. இதற்கு முன் சூப்பர் ஸ்டார் ரஜினிகாந்த் நடித்து வரும் கூலி படத்தில் நாகார்ஜூனா நடித்த காட்சிகளும் லீக் ஆகின.

இந்த வரிசையில் தற்போது தனுஷ் இட்லி கடை படக்குழுவினர்களோடு ஷாட் குறித்து விவாதிக்கும் இந்த விடியோவை அதிகமாக பகிரும் தனுஷ் ரசிகர்கள், அவரது பன்முக திறமையை கொண்டாடும் விதமாக பதிவுகளை பகிர்கிறார்கள்.

வேட்டையன் படத்தின் முதல் நாள் காட்சியை பார்த்து விட்டு தேனிக்கு விரைந்த தனுஷ், தனது இட்லிகடை படத்தின் பணிகளில் ஈடுபட்டு வருகிறார். இட்லி கடை தனுஷ் இயக்கத்தில் உருவாகும் நான்காவது படமாக உள்ளது.

இட்லி கடை படம்

கடந்த செப்டம்பர் மாதம் இட்லி கடை படம் குறித்து நடிகர் தனுஷ் தனது சமூக வலைத்தளபக்கத்தில் அறிவித்தார். அப்போது படத்தின் டைட்டில் மட்டும் இடம்பிடித்திருந்த போஸ்டரை பகிர்ந்திருந்தார். அத்துடன் படத்தில் யாரெல்லாம் நடிக்கிறார்கள், தொழில்நுட்ப கலைஞர்கள் குறித்த தகவல் எதுவும் தெரிவிக்கவில்லை.

தற்போது படத்தில் நித்யா மேனன், பிரகாஷ் ராஜ், அர்ஜுன் ரெட்டி புகழ் ஷாலினி பாண்டே ஆகியோர் முக்கிய கதாபாத்திரத்தில் நடிப்பதாக தகவல்கல் உலா வருகின்றன. கிராமத்து பின்னணி உருவாகும் இந்த படத்தில் அருண் விஜய் முக்கிய கேரக்டரில் நடிப்பதாகவும் கூறப்படுகிறது.

நடிகர் தனுஷ் இட்லி கடை படத்தை இயக்கி வருவதுடன், தெலுங்கு சினிமா இயக்குநர் சேகர் கம்மூலா இயக்கி வரும் குபேரா படத்திலும் நடித்தும் வருகிறார். குபேரா படத்தில் தெலுங்கு சினிமா ஹீரோ நாகார்ஜூனா, ராஷ்மிகா மந்தனா பிரதான கதாபாத்திரங்களில் நடிக்கிறார்கள். தற்போது இந்த படம் இறுதிகட்டத்தை எட்டியுள்ளது.

தனுஷ் இயக்கிய படங்கள்

தமிழ் சினிமாவில் முன்னணி ஹீரோவாக இருந்து வரும் தனுஷ் பா. பாண்டி படம் மூலம் இயக்குநராக உருவெடுத்தார். பீல் குட் எமோஷனல் ட்ராமா பாணியில் உருவாகியிருந்த இந்த படம் ரசிகர்களை கவர்ந்து சூப்பர் ஹிட்டானது.

இதன் பின்னர் தனது 50வது படமான ராயன் படத்தை தானே இயக்கியிருந்தார். கடந்த ஜூலை மாதம் வெளியான ஆக்சன் த்ரில்லர் படமான ராயன் பாக்ஸ் ஆபிஸ் வசூலில் பட்டையை கிளப்பியது. அத்துடன் தனுஷ் நடிப்பில் அதிக வசூல் ஈட்டிய படமாகவும் ராயன் உள்ளது.