சூட்சுமத்தை பிடித்துக் கொண்டு ஹிந்தி பிக்பாஸிற்கு பறந்த விஜய் டிவி பிரபலம்.. இவர்தான் ஃப்ர்ஸ்ட்டாம்..

இந்த நிகழ்ச்சி மக்கள் மத்தியில் செல்வாக்கு பெற்றிருந்தாலும், அந்த நிகழ்ச்சியில் பங்கேற்கும் அனைவருக்கும் அவ்வளவு எளிதில் நல்ல பெயர் கிடைத்துவிடுவதில்லை.

ஒவ்வொரு செயலும், வார்த்தையும், விளையாட்டில் பயன்படுத்தும் உத்திகளும் முக்கியம்.

இந்தி தான் ஆரம்பமே

இப்படி, பல விஷயங்களை தன்னுள் கொண்டுள்ள இந்த பிக்பாஸ் நிகழ்ச்சியை அறிமுகப்படுத்தியதே ஹிந்தி மொழியில் தான், தற்போது தமிழில் 7 சீசன்கள் முடிந்து நேற்று 8வது சீசன் தொடங்கியதைப் போல, ஹிந்தியில் 17 சீசன் முடிந்து 18வது சீசன் நேற்று தொடங்கியது. இந்த 18 சீசன்களையும் நடிகர் சல்மான் கான் தான் தொகுத்து வழங்கி வருகிறார்.

இந்தி பிக்பாஸ் சென்ற விஜய் டிவி பிரபலம்

அப்படி நேற்று தொடங்கப்பட்ட பிக்பாஸ் நிகழ்ச்சியில், தமிழ்நாட்டைச் சேர்ந்த நடிகையும், விஜய் டிவி பிரபலமுமான நபர் ஒருவர் போட்டியாளராக இறக்கப்பட்டுள்ளார் என்பது தெரியுமா?

மறைந்த பழம்பெரும் நடிகர் தேங்காய் சீனிவாசனின் பேத்தியாக தமிழ் சினிமாவிற்கு அறிமுகமானவர் ஸ்ருதிகா. இவர், தனது 14 வயதில் சினிமாவிற்குள் நடிக்க வந்தார். முதல் படத்திலேயே நடிகர் சூர்யாவிற்கு ஜோடியாக ஸ்ரீ எனும் படத்தில் நடித்தார்.

பின், ஆல்பம், தித்திக்குதே போன்ற படத்தில் நடித்தார். இதைத்தொடர்ந்து அவருக்கு சரியான படங்கள் அமையாததால், அவர் சினிமாவை விட்டு விலகினார்.

குக் வித் கோமாளி டைட்டில் வின்னர்

பின், திருமணம் குடும்பம் என செட்டில் ஆன ஸ்ருதிகா, தொழில் முனைவோராகவும் மாறினார். அப்படி சாதாரணமாக சென்று கொண்டிருந்த இவரின் வாழ்க்கை, விஜய் டிவி மூலம் மீண்டும் புகழ் வெளிச்சத்திற்கு வந்தது. விஜய் டிவியில் ஒளிபரப்பான குக் வித் கோமாளி சீசன் 3 நிகழ்ச்சியில் பங்கேற்ற இவர், அசத்தலான சமையலால் நடுவர்களை கவர்ந்தார், 

ஆனால், அவரது ஸ்டைலாலும் வெகுளியான பேச்சாலும் அரங்கத்தை மட்டுமின்றி, மக்களையும் வெகுவாக கவர்ந்தார். இவர் குக்கா அல்லது கோமாளியா என தெரியாத அளவிற்கு ரகளை செய்து வந்தார். அதுமட்டுமின்றி இவர் அந்த சீசனின் டைட்டில் வின்னராகவும் தேர்ந்தெடுக்கப்பட்டார்.

தொழில் முனைவோர் ஸ்ருதிகா

பின்னர், இவர், இவரது கணவர் மற்றும் தாயுடன் கொடுத்த பேட்டி, நேர்காணல் எல்லாம் மிகவும் வைரலானது. இப்படி, ஒரே நிகழ்ச்சியில் ஓஹோ என சென்ற இவரது வாழ்க்கையில் மேலும் ஒரு படியாக புதிய தொழில் ஒன்றையும் தொடங்கி இருந்தார். இந்நிலையில், அவர் இந்தி பிக்பாஸ் நிகழ்ச்சியில் பங்கேற்றுள்ளதாக தகவல்கள் வெளியாகியுள்ளது.

சூட்சமம் தெரிந்தது

இது உண்மையா என விசாரித்து பார்த்தால் அத்தனையும் உண்மையே. சில நாட்களுக்கு முன் அவர் அளித்த பேட்டி ஒன்றில், 14 வயதில் நடிக்க வந்ததால், எனது கெரியரை எப்படி வெற்றிகரமாக கொண்டு செல்வது என தெரியவில்லை. ஆனால், அதை இப்போது கண்டுபிடித்துவிட்டேன் எனக் கூறியிருந்தார்.

இந்த நிலையில் தான் அவர் ஹிந்தியில் தொடங்கப்பட்ட பிக்பாஸ் 18வது சீசனில் பங்கேற்றுள்ளார். இதுவரை இந்தி மொழியில் வெளியான பிக்பாஸ் நிகழ்சசியில் எந்த தமிழ் போட்டியாளரும் பங்கேற்றது இல்லையாம். இதனால், இந்தி பிக்பாஸ் நிகழ்ச்சியில் பங்கேற்ற முதல் தமிழ்நாட்டை சேர்ந்த நபராக உள்ளார்.

இவரது தாய், வடநாட்டைச் சேர்ந்தவர் என்பதால், இவருக்கு பெரிதாக மொழி பிரச்சை வர வாய்ப்பில்லை. அதே சமயம், சமையல், மற்றவர்களுடன் பழகுவது போன்றவற்றிலும் இவருக்கு பெரிதாக பிரச்சனை இருக்காது என்றே தோன்றுகிறது.

இந்தி பிக்பாஸில் பங்கேற்ற ஸ்ருதிகா, குக் வித் கோமாளி டைட்டிலை வென்றது போல, பிக்பாஸ் டைட்டலையும் வெல்வாரா என்பதை பார்க்கலாம்.