பிக்பாஸில் நடந்த முதல் எலிமினேஷன்.. 24 மணி நேரத்திற்குள்ளாகவே ஆட்டத்தை ஆரம்பித்த பிக்பாஸ்..

பிக்பாஸ் சீசன் 8

தமிழக மக்களிடம் பெரும் வரவேற்பைப் பெற்ற விஜய் டிவியின், பிக்பாஸ் நிகழ்ச்சியின் 8வது புதிய சீசன் இன்று கோலாகலமாக ஆரம்பமானது. இந்த முறை, புதிய தொகுப்பாளர், பெரிய வீடு, எனப் பல புதுமைகளுடன், ஆரம்பமான நிலையில், முதல் எபிஸொடின் முடிவு ரசிகர்களை அதிர்ச்சிக்குள்ளாக்கியுள்ளது.

தமிழின் முன்னணி தொலைக்காட்சியான விஜய் டிவியில், கடந்த 7 வருடங்களாக, ஒவ்வொரு சீசனிலும், பல புதுமைகளோடு, மக்களிடம் வரவேற்பைப் பெற்ற, பிக்பாஸ் நிகழ்ச்சியின் புதிய 8வது சீசன், கோலாகலமாக ஆரம்பமானது. இந்த முறை, நடிகர் விஜய் சேதுபதி தொகுப்பாளராக களமிறங்கி, புதிய போட்டியாளர்களை தன் பாணியில் அறிமுகப்படுத்தி, நிகழ்ச்சியைத் துவக்கினார்.

பாய்ஸ் vs கேர்ள்ஸ்

ஒவ்வொரு போட்டியாளர்களையும் அறிமுகப்படுத்தி, ஆண்களா? பெண்களா? என வீட்டைப் பிரித்து ஆச்சரியம் தந்தவர், எபிஸோடின் முடிவில் மீண்டும் ஒரு அதிர்ச்சியைத் தந்தார்.

நேற்றைய நிகழ்ச்சியின் முடிவில், பார்வையாளர்களிடம் உரையாடிய விஜய் சேதுபதி, “இந்த முறை ஆளும் புதுசு ஆட்டமும் புதுசு” எனும் பிக்பாஸ் தீமுக்கு ஏற்றவாறு, பிக்பாஸ் வரலாற்றில் முதல் முறையாக, பங்கேற்பாளர்களிலிருந்து ஒருவர், 24 மணி நேரத்தில் வெளியேற்றப்படவுள்ளார் என அறிவித்தார்.

இந்த அறிவிப்பு போட்டியாளர்கள் அனைவரையும் பெரும் அதிர்ச்சிக்குள்ளாக்கியது. வீட்டிற்குள் நுழைந்த உடனே அறிவிக்கப்பட்ட எவிக்சன், வீட்டுக்குள் பெரும் விவாதங்களை ஏற்படுத்தியது. போட்டியாளர்கள், ரசிகர்கள் என எவருமே எதிர்பாராத இந்த அறிவிப்பு, பிக்பாஸ் நிகழ்ச்சியின் சுவாரஸ்யத்தை, முதல் எபிஸோடிலேயே உச்சத்திற்குக் கூட்டிச் சென்றுள்ளது.

முதல் எலிமினேஷன்

புதிய விதிகள், புதிய களம், புதிய போட்டியாளர்களுடன், ஆண்களா ? பெண்களா? எனும் விவாதத்துடன் யார் வெளியேறப்போகிறார் என மக்கள் ஆவலுடன் எதிர்பார்த்துக் காத்திருந்தனர். இந்த நிலையில் வெளியேற்றப்பட்ட நபர் குறித்த தகவல் ஒன்று வெளியாகியுள்ளது.

அதன்படி, மஹாராஜா படத்தின் மூலம் பிரபலமடைந்து, பிக்பாஸ் வீட்டிற்குள் நுழைந்த சச்சனா, பிக்பாஸ் வீட்டிலிருந்து வெளியேற்றப்பட்டதாகத் தெரிகிறது. இதுவரை கிடைத்த தகவலின் படி, ஆண்கள் அணியில் உள்ளோரை எலிமினேஷனுக்கு நாமினேட் செய்யக் கூடாது என்ற கோரிக்கையை ஆண்கள் அணி தற்போதே பயன்படுத்தியதால், பலரும் சச்சனாவை நாமினேட் செய்திருக்கலாம் என்ற தகவல் கிடைத்துள்ளது.

எழும் கேள்விகள்

இந்த நிலையில், நிகழ்ச்சியின் முதல் நாளே அதுவும் 24 மணி நேரத்திற்குள்ளாகவே போட்டியாளர்கள் நாமினேட் செய்யப்பட்டு, ஒருவர் எலிமினேட் செய்யப்பட்டுள்ளார். அது எப்படி நடந்தது, என்ன காரணங்களுக்காக சச்சனா வெளியேற்றப்பட்டார், முதல் நாளிலேயே ஒருவர் வெளியேறியது போட்டியாளர்களிடையே எந்த மாதிரியான மனநிலையை ஏற்படுத்தும் என பலரும் பல கேள்விகளை எழுப்பி வருகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.