காரில் கஞ்சாவுடன் நடிகர் கைது..நயன்தாரா டாக்குமென்டரியில் சர்ச்சை காட்சி! டாப் சினிமா செய்திகள் இன்று

ஏ.ஆர். ரஹ்மானுக்கு சிறந்த இயக்குநர் விருது

லே மஸ்க் என்ற விர்ச்சுவல் ரியாலிட்டி (மெய்நிகர்) படத்தை இயக்கியிருக்கும் இசைப்புயல் ஏ.ஆர். ரஹ்மானுக்கு, சென்னை ஐஐடி சார்பில் புதுமைக்கான விருது வழங்கி கெளரவிக்கப்பட்டுள்ளது. இதுபற்றி ஏ.ஆர்.ரஹ்மான் கூறும்போது, "சென்னையில் விருது வாங்குவது சிறப்பானது. விர்ச்சுவல் ரியாலிட்டி படங்களை இயக்கிய மற்றவர்கள் செய்த தவறை இந்த படத்தில் செய்யக்கூடாது என தெளிவாக இருந்தோம்" என்று கூறினார்.

கஸ்தூரிக்கு நீதிமன்ற காவல்

தெலுங்கர்கள் குறித்து அவதூறாக பேசிய வழக்கில் தலைமறைவாக இருந்த நடிகை கஸ்தூரி போலீசாரால் கைது செய்யப்பட்ட நிலையில், சென்னை எழும்பூர் நீதிமன்றத்தில் ஆஜர்படுத்தப்பட்டார். அப்போது நீதிபதி, அவருக்கு நவம்பர் 29ஆம் தேதி வரை காவல் விதித்து உத்தரவிட்டார்.

முன்னதாக, நீதிமன்றத்தில் நடிகை கஸ்தூரியை ஆஜர்படுத்த போலீசார் அழைத்து சென்றபோது, வேனில் ஏறுவதற்கு முன் காவல் நிலைய வளாகத்தில் கூடியிருந்த பத்திரிகையாளர்களை பார்த்து அரசியல் அராஜகம் ஒழிக. நீதி வெல்லட்டும் என முழக்கமிட்டார்.

உடல் எடை குறைந்து ஸ்லிம்மாக மாறிய அஞ்சலி

சினிமாவில் அறிமுகமான புதிதில் ஸ்லிம்மாக இருந்த நடிகை அஞ்சலி, பின்னர் முன்னணி நடிகையாக உருவெடுத்த பிறகு கொஞ்சம் போட்டார். இடையில் எடை குறைத்த அவர், மீண்டும் வெயிட் அதிகரித்தார். இதைத்தொடர்ந்து தற்போது அவர் மீண்டும் உடல் எடை குறைத்து ஸ்லிம் தோற்றத்துக்கு மாறியுள்ளார். பிரமாண்ட இயக்குநர் ஷங்கர் இயக்கத்தில் கேம் சேஞ்சர் படத்தில் முக்கிய வேடத்தில் நடித்துள்ளார் அஞ்சலி. இந்த படம் வரும் பொங்கலுக்கு திரைக்கு வருகிறது

நயன்தாரா டாக்குமென்டரியில் சர்ச்சைக்குரிய காட்சிகள்

நயன்தாராவின் திருமணம் மற்றும் அவரது வாழ்க்கை பற்றி கூறும் விதமாக அமைந்திருக்கும் நயன்தாரா பியாண்ட் டே பேரிடேல் ட்ரெய்லரில் இடம்பிடித்திருந்த 3 விநாடி காட்சிகளால் சர்ச்சை எழுந்துள்ளது. நயன்தாரா - விக்னேஷ் சிவன் காதல் மலர்ந்த நானும் ரெளடிதான் பட செட்டில் இருந்து எடுக்கப்பட்ட அந்த விடியோ காட்சிகளை பயன்படுத்த அந்த படத்தை தயாரித்த நடிகர் தனுஷ் அனுமதி அளிக்கவில்லை என கூறி நயன்தாரா குற்றச்சாட்டு முன் வைத்தார். அத்துடன் அந்த காட்சிகளை பயன்படுத்தியதற்காக ரூ. 10 கோடி நஷ்ட ஈடு கேட்டும் நோட்டீஸ் அனுப்பியுள்ளார். இந்த விவகாரம் கோலிவுட்டில் ஹாட் டாப்பிக்காக இருந்து வரும் நிலையில், நயன்தாரா டாக்குமென்டரி அவரது பிறந்தநாளை முன்னிட்டு நாளை வெளியாக இருக்கும் நிலையில், பத்திரிகையாளர்களுக்கான சிறப்பு காட்சி இன்று திரையிடப்பட்டது. இதில் சர்ச்சைக்குரிய காட்சிகள் இடம்பிடித்திருந்தன. அத்துடன் சிறப்பு காட்சியாக திரையிடப்பட்டதில் இடம்பெற்ற எல்லா காட்சிகளும் நாளை பிற்பகல் 1.30 மணியளவில் வெளியிட்ப்படும் ஆவணப்படத்திலும் இருக்கும் என இதை வெளியிடும் நெட்பிளிக்ஸ் தரப்பில் தெரிவிக்கப்பட்டுள்ளது.

கோவாவில் நடிகை கீர்த்தி சுரேஷ் திருமணம்

பெற்றோர் பார்த்திருக்கும் உறவுக்கார பையனுக்கு ஒகே சொன்ன கீர்த்தி சுரேஷுக்கு, கோவாவில் வைத்து கோலாகலமாக திருமணம் நடக்க இருப்பதாக ஊடகங்களில் தகவல்கள் உலா வருகின்றன. பேபி ஜான் மூலம் பாலிவுட் என்டரி ஆகும் நேரத்தில் கீர்த்தி சுரேஷ் திருமணம் செய்து கொள்ளப்போவதாக வெளியாகியிருக்கும் தகவல் ரசிகர்களு்குக ஷாக்காக அமைந்துள்ளது.

காரில் கஞ்சா வைத்திருந்த நடிகர் கைது

மலையாள சினிமாவில் நடிகராகவும், பாடகராகவும் இருந்து வருபவர் பி.எஸ். பரிதுதீன். இவர் இடுக்கி மாவட்டம் புள்ளிக்கன்னம் பகுதியில் காரில் சென்றுள்ளார். அப்போது போலீசார் வழிமறித்து சோதனையில் ஈடுபட்டனர். அப்போது அவரது காரில் கஞ்சா மற்றும் சில போதை பொருள்கள் இருந்தது கண்டறியப்பட்டது. இதையடுத்து நடிகர் பரிதுதீன் மற்றும் காரில் அவருடன் பயணித்த நண்பரை போலீசார் கைது செய்து விசாரித்து வருகின்றனர்.

டிவி நிகழ்ச்சியில் ஜட்ஜ் ஆன பாடகி சைந்தவி

பிரபல பாடகியான சைந்தவி, இசையமைப்பாளர் ஜி.வி. பிரகாஷ் குமாரை காதலித்து திருமணம் செய்து கொண்ட நிலையில், கடந்த சில மாதங்களுக்கு முன் கருத்து வேறுபாடு காரணமாக இருவரும் பிரிவதாக அறிவித்துள்ளனர்.

இதையடுத்து பாடகி சைந்தவி தர்போது ஜீ தமிழ் டிவியில் ஒளிபரப்பாகும் சரிகமப லிட்டில் சாம்ப்ஸ் 4 நிகழ்ச்சியில் ஜட்ஜ் ஆக பங்கேற்றுள்ளார். இதுதொடர்பான புரொமோ விடியோக்கள் தற்போது வெளியாகியுள்ளது

கங்குவா ஹீரோயின் திஷா பதானி வீட்டில் திருட்டு

கங்குவா படத்தின் கதாநாயகி திஷா பதானி அப்பாவிடம் ஒரு கும்பல் ரூ. 25 லட்சத்தை ஆசை வார்த்தைக் கூறி ஏமாற்றி மோசடி செய்துள்ளது. திஷா பதானியின் தந்தை ஜகதீஷ் சிங் பதானி ஒரு ஓய்வு பெற்ற துணை காவல் கண்காணிப்பாளர்.

உத்தரப் பிரதேச மாநிலம் பரேலியில் உள்ள சிவில் லைன் பகுதியில் வசித்து வருகிறார். இவர், துணை காவல் கண்காணிப்பாளராக இருந்த சமயத்தில் அரசியல் பின்புலம் உள்ளதாக தங்களை அடையாளப்படுத்திக் கொண்ட சிலரிடம் பழக்கம் வைத்துள்ளார். சிவேந்திர பிரதாப் சிங், திவாகர் கர்க், ஜெயப்பிரகாஷ் ஆகியோர் சேர்ந்து திஷா பதானியின் தந்தை ஜகதீஷிக்கு பதிவி ஆசை காட்டி, தங்களிடம் உள்ள அரசியல் செல்வாக்கைப் பயன்படுத்தி உத்தரப் பிரதேச அரசாங்க ஆணையத்தில் உயர் பதவி வாங்கித் தருகிறோம். அதற்கு கொஞ்சம் செலவு மட்டும் செய்தால் போதும் என தெரிவித்துள்ளனர்.

இவர்களது வார்த்தைகள் அனைத்தும் உண்மை என நம்பிய ஜகதீஷ் சிங், பணமாக ரூ. 5 லட்சம், வெவ்வேறு வங்கிக் கணக்குகளில் ரூ. 20 லட்சமும் கொடுத்துள்ளார். ஆனால், பணம் வாங்கிய பின், இவருக்கு ஆசை காட்டிய கும்பல் இவரைத் தொடர்புகொள்ளவே இல்லை. பின் 3 மாத காலமாகியும் தன் வேலை குறித்து எந்த ஒரு தகவலும் கிடைக்காததால், ஜகதீஷ் பதானி சுதாரித்துக் கொண்டு வேலை வாங்கித் தருவதாக கூறியவர்களை கண்டுபிடித்து அவர்களிடம் பணத்தை திருப்பி அளிக்குமாறு எச்சரித்துள்ளார்.

ஆனால், பணம் வாங்கிய 3 பேரும் ஜகதீஷ் பதானியை மிரட்ட ஆரம்பித்துள்ளனர், இதன் பிறகே ஜகதீஷ் தன்னிடம் பணத்தை வாங்கி 3 பேரு் ஏமாற்றி வருவதாக பரேலி கோட்வாலி பகுதி காவல் நிலையத்தில் புகாரளித்துள்ளார்.இந்தப் புகார் குறித்து வழக்குப் பதிவு செய்து போலீசார் விசாரித்து வருகின்றனர்

கங்குவா எதிர்மறை விமர்சனத்துக்கு ஜோதிகா பதிலடி

சூர்யா நடிப்பில் வெளியாகியிருக்கும் கங்குவா படத்துக்கு தொடர்ந்து எதிர்மறை விமர்சனங்கள் வந்து கொண்டிருக்கின்றன. இதையடுத்து படம் குறித்து நடிகை ஜோதிகா பகிர்ந்த பதிவில், "இந்தப்பதிவை நான் சூர்யாவின் மனைவியாக எழுத வில்லை. மாறாக ஜோதிகாவாகவும், சினிமா காதலிப்பவளாகவும் எழுதுகிறேன். கங்குவா திரைப்படம் ஒரு சிறந்த சினிமா. சூர்யாவை நினைத்து பெருமை படுகிறேன். சினிமாவை முன்னோக்கி கொண்டு செல்லும் நடிகராக நீங்கள் இருக்கிறீர்கள். உண்மையாகச் சொல்கிறேன். படத்தின் முதல் அரைமணிநேரம் வொர்க் அவுட் ஆகவில்லைதான். சவுண்டும் அதிகமாக இருந்தது.பெரும்பான்மையான இந்திய திரைப்படங்களில் தவறுகள் நடப்பது என்பது ஒரு அங்கமாக இருக்கிறது.

மிகச்சிறந்த அனுபவம். படத்தின் ஒளிப்பதிவும், அதனை மெருகேற்றிய விதமும், இதுவரை தமிழ் சினிமா பார்க்காத ஒன்று. ஆனால், பார்வையாளர்கள் மற்றும் விமர்சகர்களின் எதிர்மறையான விமர்சனங்கள் எனக்கு ஆச்சரியத்தை அளித்துள்ளன. காரணம், இதற்கு முன்னதாக ஒரு பெண்ணை பின் தொடர்ந்து தொந்தரவு செய்தல், இரட்டை அர்த்த வசனங்களில் பேசுதல், அளவுக்கு அதிகமான ஆக்‌ஷன் காட்சிகள் இடம் பெறச்செய்தல் உள்ளிட்டவை இடம் பெற்ற அறிவற்ற பெரிய பட்ஜெட் திரைப்படங்களுக்கு இந்த அளவிலான நெகட்டிவ் விமர்சனங்கள் வரவில்லை.

கங்குவாவின் பாசிட்டிவான விஷயங்களை பார்க்கும் போது, 2 ஆம் பாதியில் இடம் பெற்ற பெண்களின் ஆக்‌ஷன் காட்சி, கங்குவாவிடம் சிறுவன் செலுத்தும் அன்பு மற்றும் இழைக்கும் துரோகம் உள்ளிட்டவற்றை விமர்சனத்தில் சொல்ல மறந்து விட்டார்கள். முதல் நாளிலேயே கங்குவா திரைப்படத்திற்கு இப்படியான நெகட்டிவிட்டியை பார்க்கும் போது மிகவும் வருத்தமாக இருக்கிறது. எதிர்மறையான கருத்துக்களை வெளியிடுபவர்கள் சினிமாவுக்காக வேறு எதனையும் செய்யவில்லை" என குறிப்பிட்டுள்ளார்.

வெளியானது நாக சைதன்யா - சோபிதா திருமண பத்திரிகை

ரசிகர்கள் நீண்ட நாட்களாக எதிர்பார்த்து வந்த நாக சைதன்யா திருமணம் குறித்த அறிவிப்பு வெளியாகியுள்ளது. அதன்படி இவரது திருமண பத்திரிகை ஒன்றுல சோஷியல் மீடியாவில் வைரலாகி வருகிறது. இந்தத் திருமண பத்திரிக்கையில் இந்தியாவின் தென்மாநிலங்களின் பாரம்பரியங்கள் இடம்பெற்றிருந்தன. அந்த பத்திரிக்கையில் ஒரு கோயில், விளக்குகள், மாடுகள், மணிகள் போன்றவை இடம் பெற்றுள்ளன. மணமகன் மற்றும் மணமகளின் பெயர்களுடன் அவர்களின் குடும்ப விவரங்களும் இடம்பெற்றன. திருமண தேதி டிசம்பர் 4, 2024 ஆகும். இது ஹைதராபாத்தில் உள்ள அன்னபூர்ணா ஸ்டுடியோவில் நடைபெறும் எனக் குறிப்பிடப்பட்டுள்ளது.

திருமண பத்திரிகையுடன், ஒரு பரிசுக் கூடையும் விருந்தினர்களுக்கு வழங்கப்பட்டது. அதில் உணவுப் பொட்டலங்கள், ஆடைகள், பூக்கள் போன்ற பொருட்கள் இடம் பெற்றிருக்கின்றன. இவை நாக சைதன்யா- சோபிதா துலிபாலா குடும்பத்தினரால் உருவாக்கப்பட்ட பத்திரிகையா அல்லது ரசிகர்களால் உருவாக்கப்பட்ட பத்திரிகையா என்பது குறித்து உறுதியான தகவல் தெரியவில்லை