MS Dhoni fan: காதலியைப் பிரிந்த விஷயத்தை ஸ்டேடியத்தில் அறிவித்த தீவிர தோனி ரசிகர்-காரணம் என்னன்னு பாருங்களேன்!

சென்னை சூப்பர் கிங்ஸ் மஞ்சள் நிற ஜெர்சி அணிந்த எம்.எஸ்.தோனி ரசிகரான அவர், "என் காதலியுடனான உறவை முறித்துக் கொண்டேன், ஏனெனில் அவரது பெயரில் ஏழு எழுத்துக்கள் இல்லை" என்று கையால் எழுதப்பட்ட மஞ்சள் நிற அட்டையைக் காண்பித்தார்.

தோனி சின்னமான 7 ஆம் எண் ஜெர்சியை அந்த ரசிகர் அணிந்துள்ளார்.

சிஎஸ்கே ரசிகர்களின் பதாகையை இங்கே காண்க:

கடந்த ஆண்டு, தோனி சர்வதேச கிரிக்கெட்டில் இருந்து ஓய்வு பெற்ற பின்னர் மூன்று ஆண்டுகளில் அவரது எண் 7 ஜெர்சியை ரிட்டையர் என அறிவிக்க பிசிசிஐ முடிவு செய்தது, அதாவது இனி எந்த இந்திய கிரிக்கெட் வீரரின் ஜெர்சிக்கும் இந்த எண் வழங்கப்படாது. ஒரு கிரிக்கெட் வீரர் இந்தியாவில் அறிமுகமாவதற்கு முன்பு தங்களுக்கு விருப்பமான ஜெர்சி எண்ணை தேர்வு செய்ய அனுமதிக்கப்படுகிறார்.

இருப்பினும், சிஎஸ்கேவுக்காக தோனி ஐபிஎல்லில் 7 ஆம் எண் ஜெர்சியை தொடர்ந்து அணிந்து வருகிறார்.

சன்ரைசர்ஸ் ஹைதராபாத் அணியை 78 ரன்கள் வித்தியாசத்தில் வீழ்த்தி சென்னை சூப்பர் கிங்ஸ் அணி ஐந்தாவது வெற்றியை பதிவு செய்தது. சென்னை சூப்பர் கிங்ஸ் கேப்டன் ருதுராஜ் கெய்க்வாட் மைக்கேல் ஹஸ்ஸியை முந்தி அணியின் வரலாற்றில் அதிக ரன்கள் எடுத்த நான்காவது வீரர் என்ற பெருமையைப் பெற்றார். அவர் 54 பந்துகளில் 10 பவுண்டரிகள் 3 சிக்ஸர்களுடன் 98 ரன்கள் குவித்தார்.

ஐபிஎல் 2024 பாயிண்ட் டேபிள்

ஐபிஎல் 2024 தரவரிசையில் சென்னை தற்போது மூன்றாவது இடத்திலும், ஹைதராபாத் ஞாயிற்றுக்கிழமை நான்காவது தோல்வியால் நான்காவது இடத்திலும் உள்ளன.

சென்னை சூப்பர் கிங்ஸ் அணி தனது அடுத்த இரண்டு போட்டிகளில் மே 1 மற்றும் மே 5 ஆகிய தேதிகளில் பஞ்சாப் கிங்ஸை எதிர்கொள்கிறது.

நேற்று ஐபிஎல் 2024 இல் இரண்டு போட்டிகள் நடைபெற்றன. முதல் போட்டி ஆர்சிபி மற்றும் ஜிடி அணிகளுக்கு இடையேயும், அடுத்த போட்டி சென்னை மற்றும் ஹைதராபாத் அணிகளுக்கு இடையேயும் நடைபெற்றது. முதல் போட்டியின் முடிவு புள்ளிகள் அட்டவணையை பாதிக்கவில்லை என்றாலும், இரண்டாவது போட்டி புள்ளிகள் அட்டவணையை மாற்றியது.

ஐபிஎல் 2024 தொடரின் 46-வது லீக் ஆட்டத்தில் சென்னை சூப்பர் கிங்ஸ் அணியும், சன்ரைசர்ஸ் ஹைதராபாத் அணியும் மோதின. இந்த போட்டி சென்னை சேப்பாக்கம் எம்.ஏ.சிதம்பரம் ஸ்டேடியத்தில் நடைபெற்றது. எம்.ஏ.சிதம்பரம் ஸ்டேடியத்தில் நடைபெற்ற இப்போட்டியில் டாஸ் வென்ற சன்ரைசர்ஸ் ஹைதராபாத் அணியின் கேப்டன் பாட் கம்மின்ஸ் முதலில் பந்துவீச்சை தேர்வு செய்தார். சென்னை சூப்பர் கிங்ஸ் அணி 78 ரன்கள் வித்தியாசத்தில் வெற்றி பெற்றது.

இந்த வெற்றியின் மூலம் சென்னை சூப்பர் கிங்ஸ் அணி லீக் புள்ளி பட்டியலில் இடம் பிடித்துள்ளது. சென்னை ஆறாவது இடத்தில் இருந்து மூன்றாவது இடத்திற்கு முன்னேறியது. இந்த போட்டிக்கு முன்பு, சென்னை அணி 8 போட்டிகளில் விளையாடி 8 புள்ளிகளுடன் லீக் அட்டவணையில் ஆறாவது இடத்தில் இருந்தது. இந்த வெற்றியின் மூலம் சென்னை சூப்பர் கிங்ஸ் அணி 9 போட்டிகளில் விளையாடி 10 புள்ளிகளுடன் லீக் பட்டியலில் 3-வது இடத்திற்கு முன்னேறியது.