பாவத்தால் பார்வை இழந்த மன்னன்.. ஒரு கண்பார்வை தந்த கவுமாரியம்மன்.. முழு பார்வையும் தந்த கண்ணீஸ்வரமுடையார்

அந்த வரிசையில் இருக்கக்கூடிய சிறப்பு மிக்க கோயில்களில் ஒன்றுதான் தேனி மாவட்டம் வீரபாண்டி அருள்மிகு கண்ணீஸ்வரமுடையார் திருக்கோயில். இந்த கோயிலில் வீற்றிருக்கக்கூடிய மூலவர் கண்ணீஸ்வரமுடையார் எனவும் தாயார் அறம்வளர்த்த நாயகி என்று திருநாமத்தோடு அழைக்கப்பட்டு வருகின்றனர்.

தல சிறப்பு

மேற்கு தொடர்ச்சி மலையில் உருவாக்கக்கூடிய முல்லையாற்றில் நோய்களை தீர்க்கும் மூலிகை சக்தி அதிகம் நிறைந்து காணப்படுகிறது. அந்த முல்லையாற்றின் கரையில் தான் இந்த கோயில் அமைந்துள்ளது என்பது மிகவும் சிறப்பாக கருதப்படுகிறது.

இந்த கோயிலில் கௌமாரியம்மன் திருக்கோயில் அமைந்திருப்பது மிகப்பெரிய சிறப்பாக கருதப்படுகிறது. பார்வை இல்லாதவர்கள் மற்றும் பார்வை குறைவு உள்ளவர்கள் இங்கு வந்து வீற்றிருக்கக்கூடிய இறைவனை வழிபட்டால் அது விரைவில் குணமடையும் என்பது பக்தர்களின் நம்பிக்கையாக இருந்து வருகிறது.

மிகப்பெரிய முல்லையாறு இந்த கோயிலின் தீர்த்தமாக கருதப்படுகிறது. இந்த நதியில் மூலிகை சக்தி அதிகம் நிறைந்து காணப்படுகிறது. இங்கு தீர்த்தம் ஆடி வழிபட்டால் நோய்கள் விரைவில் நிவர்த்தி அடையும் என்பது நம்பிக்கையாக இருந்து வருகிறது.

தல வரலாறு

இந்த பகுதியை வீரபாண்டியன் என்ற பாண்டிய மன்னன் ஆண்டு வந்தார். முன்வினை பயன் காரணமாக அந்த மன்னனுக்கு பார்வை குறைபாடு இருந்துள்ளது. சிறிது காலம் தாண்ட தாண்ட அவருடைய பார்வை பறிபோனது. இதனால் மன்னன் மிகுந்த மன வருத்தம் அடைந்து வந்துள்ளார்.

பார்வையில்லாத காரணத்தினால் மன்னன் கஷ்டத்தில் அனைத்து கடவுள்களையும் நினைத்து வழிபட்டு வந்துள்ளார். குறிப்பாக சிவபெருமானை உணர்ச்சி பெருக்கோடு வழிபாடு செய்து வந்துள்ளார். அதன் பின்னர் அரண்மனையில் இருக்கக்கூடிய மூத்தவர்களின் ஆலோசனையின் படி முல்லை ஆற்றங்கரையில் இருக்கக்கூடிய கௌமாரி அம்மனை வணங்கச் சென்றுள்ளார்.

கருணை கடவுளாக விளங்கக்கூடிய கௌமாரியம்மன் வீரபாண்டிய மன்னனின் வேண்டுதலை கண்டு மகிழ்ச்சி அடைந்து அவருக்கு ஒரு கண்ணின் பார்வையை மட்டும் கொடுத்துள்ளார். மறு கண்ணின் பார்வையை பெற வேண்டும் என்றால் சிவ லிங்கத்தில் வழிபடும்படி அவர் மன்னனிடம் கூறியுள்ளார்.

மாரியம்மனின் ஆலோசனையை ஏற்று வீரபாண்டிய மன்னன் அவ்வாறு அங்கு இருந்த சிவலிங்கத்தை வழிபட்டுள்ளார். மன்னனின் வேண்டுதலை ஏற்ற சிவபெருமான் தனக்கு ஒரு கோயிலை கட்டும்படி கேட்டுக்கொண்டார். உடனே வீரபாண்டிய மன்னன் சிவபெருமானுக்கு கோயில் எழுப்பு வழிபட்டார். அதன் பின்னர் வீரபாண்டிய மன்னனுக்கு கண்பார்வை தெரிய தொடங்கியது. அதன் காரணமாகவே இங்கு வீற்றிருக்கக்கூடிய சிவபெருமானுக்கு கண்ணீஸ்வரமுடையார் என்ற திருநாமம் வழங்கப்பட்டது.