National Protein Day: உடல் வளர்ச்சியில் புரதம்-இந்த உணவுகளை மிஸ் பண்ணாதீங்க!
Feb 27, 2023, 12:00 PM IST
இன்று தேசிய புரதச்சத்து தினம் (பிப்.27) ஆகும். புரதச் சத்து என்பது மிகவும் அவசியமான ஒன்றாகும்.
போதுமான புரதத்தை உட்கொள்வது முக்கியம் என்றாலும், புரதத்தின் ஆதாரங்கள் ஆரோக்கியமானதாகவும் சத்தானதாகவும் இருப்பதை உறுதி செய்வதும் முக்கியம். இன்று தேசிய புரதச்சத்து தினம் (பிப்.27) ஆகும். இந்நாளில் ஆரோக்கியமான புரதம் நிறைந்த உணவகளை தேர்வு செய்வதற்கான சில டிப்ஸுகளை பார்ப்போம்.
Late Night Eating Problems : நட்டநடு ராத்திரியில் உணவு சாப்பிடுபவரா? அச்சச்சோ அதனால் ஏற்படும் பாதிப்புகளை பாருங்கள்!
Mango Aviyal : மாங்காயில் வித்யாசமான அவியல் குழம்பு செய்வது எப்படி என்று தெரிந்துகொள்ளுங்கள்!
Benefits of Gulkand : தினமும் ஒரு ஸ்பூன் ரோஜா குல்கந்து! ஆற்றல், அமைதி, பாலியல் உணர்வு அதிகரிப்பு என எத்தனை நன்மைகள்!
Dry Fruits Laddu : தினமும் இதை மட்டும் ஒரு உருண்டை சாப்பிடுங்க! 15 நாளில் முடி உதிர்வது முற்றிலும் சரியாகும்!
நமது நோயெதிர்ப்பு மண்டலத்திற்கு உதவுவதுடன், எலும்பு, தசைகள், தோல், முடி ஆகியவற்றின் பராமரிப்புக்கும் புரோட்டீன் எனப்படும் புரதம் மிக முக்கியப் பங்கை வகிக்கிறது.
திசுக்களை உருவாக்குவதிலும், ஹார்மோன்களை ஒழுங்குப்படுத்துவதிலும் புரதச் சத்து முக்கியப் பங்காற்றுகிறது.
தினமும் சரியான அளவு புரதச் சத்தை எடுத்துக் கொள்ளத் தவறுவதால் பல்வேறு உடல்நலப் பிரச்னைகளுக்கு மக்கள் ஆளாகின்றனர்.
தேசிய புரத தினத்தில் நாம் புரதச் சத்தை வழங்கும் உணவுகள் குறித்து பார்ப்போம். நீங்கள் சைவ உணவு மட்டும் அல்லது அசைவ உணவு உண்பவர்கள் என்றாலும் புரதம் நிறைந்த உணவுகள் நிறைய இருக்கின்றன.
HT Lifestyle பகுதிக்காக BUILD, சிஇஓ செளமவா சென்குப்தா அளித்த சில டிப்ஸ்களை பார்ப்போம்.
சிக்கன், மீன், பருப்பு வகைகள் ஆகியவற்றில் புரதச் சத்து அதிகம் நிறைந்துள்ளது. அவற்றில் கொழுப்பு குறைவாகவே உள்ளது. அதேநேரம், இரும்பு, துத்தநாகம், வைட்டமின் பி 12 போன்ற முக்கியமான ஊட்டச்சத்துகள் உள்ளன.
டோஃபு, டெம்பே மற்றும் விதைகள் போன்ற தாவர அடிப்படையிலான புரதங்கள் சைவ உணவை நேசிப்பவர்களுக்கு சிறந்த ஒன்றாக திகழ்கிறது.
முட்டையில் அதிக புரதம் நிறைந்துள்ளது. அத்துடன், வைட்டமின் டி, வைட்டமின் பி12, கோலின் ஆகியவை உள்ளன. எனவே, தினசரி உணவில் முட்டையை எடுத்துக் கொள்ளுங்கள்.
புரோட்டீன் பவுடர்/whey proteins உங்கள் டயட்டில் எடுத்துக் கொள்ளலாம். ஆனால், அவை நல்ல தரமானதாக இருக்குமாறு பார்த்துக் கொள்ளுங்கள்.
தினசரி உணவு தயார் செய்வதற்கு திட்டமிடும்போதே புரதச்சத்து நிறைந்த உணவை சேர்க்க திட்டமிடுங்கள்.
கிரீக் யோகர்ட், ஸ்டிரிங் சீஸ் போன் ஸ்னாக்ஸை சாப்பிடுவதன் மூலமாகவும் கூடுதலாக புரதச் சத்தை நாம் பெற முடியும்.
போதிய அளவு தண்ணீர் குடிப்பதும் மிகவும் அவசியம் ஆகும். அப்போதுதான் சரியாக ஜெரிமானம் நடந்து புரோட்டீன் போன்ற சத்துகள் உடலுக்கு முழுமையாக சென்றுசேரும். குறைந்தது தினமும் 8 கப் தண்ணீர் குடியுங்கள்.
டாபிக்ஸ்