51 Years of Anbu Sagotharargal: அண்ணன், தம்பி உறவுக்கு சிறந்த எடுத்துக்காட்டு 'அன்புச் சகோதரர்கள்' ரிலீஸான நாள் இன்று!

தமிழ் சினிமா டிஜிட்டல் தொழில்நுட்பத்தால் இன்றைக்கு பல்வேறு வளர்ச்சி அடைந்திருந்தாலும், பழைய திரைப்படங்களுக்கு ரசிகர்கள் மத்தியில் இருக்கும் மவுசு குறையவில்லை என்றே சொல்லலாம். மறக்க முடியாத பாடல்கள், நகைச்சுவை காட்சிகள், வாழ்க்கை தத்துவங்கள் என ஏதோ ஒன்றின் மூலம் பழைய திரைப்படங்கள் நம்மை பின்னோக்கி இழுத்துச் செல்கின்றன.

அந்தவகையில் 1973 ஆம் ஆண்டு மே 4-ல் வெளியான 'அன்பு சகோதரர்கள்'படத்தில் இடம் பெற்றிருந்த 'முத்துக்கு முத்தாக, சொத்துக்கு சொத்தாக, அண்ணன் தம்பி பிறந்து வந்தோம் கண்ணுக்கு கண்ணாக.. என பாடி குணச்சித்திர நடிப்பால் நம்மை கண்கலங்கச் செய்த நடிகர் எஸ்.வி.ரங்காராவை யாரும் மறந்திருக்க முடியாது. அந்தளவிற்கு பாசமானஅண்ணனாக அவ்வளவு சிறப்பாக நடித்திருந்தார்.

இயக்குனர் லட்சுமி தீபக் இயக்கத்தில் வெளி வந்த இந்தப் படத்தில் நடிகர்கள் ஜெய்சங்கர், மேஜர் சுந்தர்ராஜன், ஏ.வி.எம்.ராஜன், நடிகைகள் ஜமுனா, தேவிகா வெண்ணிற ஆடை நிர்மலா உள்ளிட்டோர் மற்ற கதாபாத்திரங்களில் நடித்திருந்தனர். மேஜர் சுந்தரராஜனின் மனைவியாக லட்சுமி என்கிற கதாபாத்திரம் அனுதாபத்துக்குரியது. செல்வ சீமாட்டி ஜமுனாவைக் காதலித்து சந்தர்ப்ப சூழ்நிலை காரணமாக கை விடுவார் மேஜர் சுந்தர்ராஜன். அவரை ஜமுனா பழி வாங்க நினைத்து, ஒட்டு மொத்தக் குடும்பத்தையும் வறுமையில் வாட்டி வதைப்பதே திரைக்கதை.

என் கணவரை ஏதும் செய்து விடாதே. அவர் செய்த தவறை மன்னித்து எங்களை நிம்மதியாக வாழவிடு.. என்று ஜமுனாவிடம் தேவிகா கெஞ்சி கதறும் காட்சிகள் தாய்க்குலங்களின் கண்கணில் இருந்து கண்ணீரை வரவழைத்தன. அன்பு சகோதரர்கள் வெற்றிக்கு தேவிகாவின் குணசித்திர நடிப்பும் தீனி போட்டது. குணச்சித்திர நடிப்பால் கண்கலங்க வைத்த எஸ்வி ரங்காராவ் தமிழில் கடைசியாக நடித்த திரைப்படமும் இதுதான்.

தமிழ் சினிமா ரசிகர்களிடம் தனக்கான ஒரு இடத்தை விட்டுச்சென்ற 'அன்பு சகோதரர்கள்' திரைப்படம் 1973 ஆம் ஆண்டு இதே மே 4 ஆம் நாளில் வெளியாகியது.  இத்திரைப்படம் வெளியாகி இன்றோடு 51 ஆண்டுகளாகின்றன. ஆனால், நேற்று ரிலீஸானது போல் உள்ளது. நாட்கள் உருண்டோடினாலும் ரசிகர்கள் மனங்களில் நீங்கா இடம்பிடித்தது ‘அன்பச் சகோதரர்கள்’. காலங்கள் உருண்டோடி 50 ஆண்டுகளை கடந்திருந்தாலும் காலத்தை வென்ற காவியம் 'அன்பு சகோதரர்கள்'

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews  

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.