வகையினம்

தமிழ் செய்திகள் / தமிழ்நாடு / Tamil Top 10 News: முதல்வர் ஸ்டாலின் அமெரிக்கா பயணம் முதல் இபிஎஸ் இன்று நீதிமன்றத்தில் ஆஜர் வரை - டாப் 10 செய்திகள்!

Tamil Top 10 News: முதல்வர் ஸ்டாலின் அமெரிக்கா பயணம் முதல் இபிஎஸ் இன்று நீதிமன்றத்தில் ஆஜர் வரை - டாப் 10 செய்திகள்!

Karthikeyan S HT Tamil Published Aug 27, 2024 07:26 AM IST

எங்களை பின் தொடரலாம்

Karthikeyan S HT Tamil

Published Aug 27, 2024 07:26 AM IST

Tamil Top 10 News: முதல்வர் மு.க.ஸ்டாலின் அமெரிக்கா பயணம், தமிழக மீனவர்கள் 8 பேர் கைது, இபிஎஸ் நீதிமன்றத்தில் ஆஜராகிறார் உள்ளிட்ட காலை டாப் 10 செய்திகளை இந்த தொகுப்பில் காணலாம்.

Tamil Top 10 News: முதல்வர் ஸ்டாலின் அமெரிக்கா பயணம் முதல் இபிஎஸ் இன்று நீதிமன்றத்தில் ஆஜர் வரை - டாப் 10 செய்திகள்!

எங்களை பின் தொடரலாம்

Morning Tamil Top 10 News: உள்ளூர் முதல் உலகம் வரை, தமிழகம் முதல் தேசம் வரையிலான அனைத்துவிதமான முக்கிய செய்திகளை இந்தத் தொகுப்பில் தெரிந்துகொள்ளலாம்.

முதல்வர் ஸ்டாலின் இன்று அமெரிக்கா பயணம்

தமிழ்நாட்டிற்கு முதலீடுகளை ஈர்ப்பதற்காக முதலமைச்சர் மு.க.ஸ்டாலின் இன்று (ஆகஸ்ட் 27) அமெரிக்கா புறப்படுகிறார். இந்த பயணத்தின்போது உலகின் முன்னணி நிறுவனங்களுடன், பல்வேறு முதலீட்டு ஒப்பந்தங்கள் கையெழுத்தாக உள்ளதாக தகவல் வெளியாகி உள்ளது.

தமிழக மீனவர்கள் 8 பேர் கைது

எல்லைத்தாண்டி மீன் பிடித்ததாகக் கூறி தமிழ்நாடு மீனவர்கள் 8 பேரை இலங்கை கடற்படை கைது செய்தது. ராமேஸ்வரத்தைச் சேர்ந்த மீனவர்கள் தனுஷ்கோடிக்கும் தலைமன்னாருக்கும் இடைப்பட்ட பகுதியில் மீன்பிடித்துக் கொண்டிருந்த போது கைது செய்யப்பட்டனர். மீனவர்கள் சென்ற விசைப்படகையும் பறிமுதல் செய்து, அனைவரையும் மன்னார் கடற்படை முகாமுக்கு அழைத்துச் சென்றனர்.

மதுரை - தாம்பரம் இடையே இன்று சிறப்பு ரயில்

மதுரை- தாம்பரம் இடையே இன்று சிறப்பு ரயில் இயக்கப்படுவதாக தெற்கு ரயில்வே மதுரை கோட்டம் அறிவித்துள்ளது. மதுரையில் இருந்து இரவு 8.50 மணிக்கு புறப்படும் சிறப்பு ரயில் திண்டுக்கல், திருச்சி, தஞ்சாவூர், கும்பகோணம், மயிலாடுதுறை, விழுப்புரம் வழியாக தாம்பரம் வந்தடையும் என தெரிவிக்கப்பட்டுள்ளது.

லடாக்கில் 5 மாவட்டங்கள் உருவாக்கப்படும்

லடாக்கில் 5 புதிய மாவட்டங்களை உருவாக்க மத்திய உள்துறை அமைச்சகம் முடிவு செய்துள்ளது. சன்ஸ்கர், டிராஸ், ஷாம், நுப்ரா மற்றும் சாங்தாங் பெயரில் புதிய மாவட்டங்கள் உருவாக உள்ளன. ஒவ்வொரு மூலை முடுக்கிலும் ஆட்சியை வலுப்படுத்துவதன் மூலம் மக்களுக்கான நன்மைகளை அவர்களின் வீட்டு வாசலுக்கே இவை கொண்டு செல்லும். லடாக் மக்களின் வளர்ச்சிக்காக ஏராளமான வாய்ப்புகளை உருவாக்க மோடி அரசு உறுதிபூண்டுள்ளதாக மத்திய உள்துறை அமைச்சர் அமித் ஷா தெரிவித்துள்ளார்.

தென்காசியில் அனைத்து கட்சி கூட்டம்

தென்காசியில் நடந்த அனைத்து கட்சி கூட்டத்தில் பழைய குற்றால அருவியை வனத்துறை கட்டுப்பாட்டின் கீழ் கொண்டு செல்ல எதிர்ப்பு தெரிவிக்கப்பட்டது. அரசு உரிய நடவடிக்கை எடுக்க விட்டால் போராட்டம் நடத்தப்படும் என தீர்மானம் நிறைவேற்றப்பட்டுள்ளது.

வானிலை அப்டேட்

தேனி, திண்டுக்கல், திருப்பூர், கோவை, நீலகிரி ஆகிய 5 மாவட்டங்களில் காலை 10 மணி வரை மிதமான மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

தங்க கட்டிகள் பறிமுதல்

ஷார்ஜாவில் இருந்து கோவைக்கு வந்த ஏர் அரேபியா விமானத்தில் கடத்தி வரப்பட்ட ரூ.1 கோடி மதிப்பிலான தங்கக் கட்டிகள் பறிமுதல் செய்யப்பட்டன.

ஓய்வூதியதாரர்கள் இன்று போராட்டம்

ஓய்வூதியம் உள்ளிட்ட கோரிக்கைகளுக்காக, அரசுப் போக்குவரத்துக் கழக ஓய்வூதியதாரர்கள் இன்று மாநிலம் முழுவதும் போராட்டத்தில் ஈடுபட உள்ளனர்.

குறைந்த காற்றழுத்த தாழ்வு பகுதி

வங்கக் கடலில் உருவாகிறது குறைந்த காற்றழுத்த தாழ்வு மண்டலம் வரும் 29ஆம் தேதி தாழ்வு பகுதியாக உருவாக வாய்ப்பு மத்திய கிழக்கு மற்றும் அதனை ஒட்டிய வடக்கு வங்கக்கடல் குறைந்த காற்றழுத்த தாழ்வு பகுதி உருவாக வாய்ப்பு சென்னை மண்டல வானிலை ஆய்வு மையம் தகவல்.

அவதூறு வழக்கு - இபிஎஸ் இன்று ஆஜராகிறார்

மத்திய சென்னை திமுக எம்.பி. தயாநிதிமாறன் தொடர்ந்த அவதூறு வழக்கில் அதிமுக பொதுச்செயலாளர் எடப்பாடி பழனிசாமி இன்று ஆஜராகிறார். தொகுதி நிதியை தயாநிதி மாறன் முறையாக பயன்படுத்தவில்லை என பேசியது தொடர்பான வழக்கில், எம்பி, எம்.எல்.ஏக்களுக்கான சிறப்பு நீதிமன்றத்தில் எடப்பாடி பழனிசாமி இன்று ஆஜராகிறார்.