Cauvery water: தமிழ்நாட்டுக்கு தண்ணீர் தர முடியாது! கர்நாடக முதல்வர் சித்தராமையா! அனைத்து கட்சி கூட்டத்திற்கும் அழைப்பு!
கர்நாடக - தமிழக எல்லை பகுதியான பிலிகுண்டுலுவுக்கு கபினி அணைக்கு வரும் நீர்வரத்துக்கு இணையான 5000 கன அடி தண்ணீர் தமிழகத்திற்கு திறந்து விடப்படுகிறது என்று கூறிய சித்தராமையா, காவிரிப் படுகையில் உள்ள 4 நீர்த்தேக்கங்களிலும் மொத்தம் 60 டிஎம்சி அடி நீர் மட்டுமே இருப்பு உள்ளதாக கூறினார்.
தமிழ்நாட்டுக்கு ஒரு டிஎம்சி காவிரி நீரை கூட திறந்து விட முடியாது என கர்நாடக முதலமைச்சர் சித்தராமையா தெரிவித்து உள்ளார்.
காவிரி நதிநீர் பிரச்னை
காவிரி நதிநீர் பங்கீடு தொடர்பாக தமிழகம் மற்றும் கர்நாடக அரசுகளுக்கு இடையே நீண்ட நெடுங்காலமாக பிரச்னைகள் நிலவி வருகிறது. இரு மாநில மக்களுக்கும் முக்கிய ஆதாரமாக இந்த காவிரி விளங்குகின்றது.
தமிழகத்துக்கு தினமும் 1 ஆயிரம் மில்லியன் கனஅடி தண்ணீர் திறந்துவிட கர்நாடகாவுக்கு காவிரி நீர் ஒழுங்காற்றுக் குழு நேற்றைய தினம் உத்தரவிட்டது.
கர்நாடக முதலமைச்சர் ஆலோசனை
இதையடுத்து, கர்நாடக முதல்வர் சித்தராமையா வீட்டில், நீர்வளத் துறையின் அவசரக் கூட்டம் கூட்டப்பட்டது. இந்த கூட்டத்தில், கர்நாடக துணை முதல்வரும் நீர்வளத்துறை அமைச்சருமான டி.கே.சிவக்குமார் மற்றும் காவிரி ஆற்றுப்படுகை பகுதியை சேர்ந்த அமைச்சர்கள் மற்றும் அதிகாரிகளுடன் கர்நாடக முதலமைச்சர் சித்தராமையா ஆலோசனை நடத்தினார்.
எதிர்பார்த்த மழை பெய்யவில்லை
பின்னர் செய்தியாளர்களை சந்தித்த அவர், காவிரி நதிநீர் பங்கீடு விவகாரத்தில் மாநிலத்தின் அடுத்த கட்டம் குறித்து முடிவெடுக்க ஜூலை 14ஆம் தேதி அனைத்துக் கட்சிக் கூட்டம் நடைபெறும் என்று தெரிவித்தார். தொடர் நடவடிக்கை. “இம்முறை இயல்பான மழை பெய்யும் என்று கணித்திருந்தாலும், இதுவரை 28 சதவீத நீர்வரத்து பற்றாக்குறை உள்ளது. இது காவிரி ஒழுங்காற்று குழு முன் எங்களின் நிலைப்பாட்டில் தெளிவாகக் கூறப்பட்டுள்ளது.
ஜூலை வரை முடிவு எடுக்க வேண்டாம் என அறிவுறுத்தினோம்!
மேலும், ஜூலை இறுதி வரை எந்த முடிவையும் எடுக்க வேண்டாம் என்று கேட்டுக் கொண்டோம். இன்னும் ஜூலை 12 முதல் தினமும் ஒரு டிஎம்சி தண்ணீர் திறக்க காவிரி ஒருங்காற்றுக் குழு கேட்டுக் கொண்டுள்ளது" என்று சித்தராமையா கூறினார்.
கர்நாடகாவில் அனைத்துக் கட்சிக்கூட்டம்
இந்த உத்தரவை எதிர்த்து காவிரி நீர் மேலாண்மை ஆணையத்தில் அரசு மேல்முறையீடு செய்ய வேண்டும் என்று இன்றைய கூட்டத்தில் கருத்து தெரிவிக்கப்பட்டது. "கர்நாடகாவின் தண்ணீர் பிரச்னையில் அனைத்துக் கட்சிகளும் ஒன்றாக உள்ளன. எனவே, அனைத்துக் கட்சிக் கூட்டம் (ஜூலை 14-ஆம் தேதி) நடைபெறும்" என்று சித்தராமையா கூறினார்.
கபினிக்கு இணையான நீரை கொடுக்கின்றோம்!
மத்திய அமைச்சர்கள், மாநிலத்தைச் சேர்ந்த மக்களவை, ராஜ்யசபா உறுப்பினர்கள், காவிரிப் படுகையில் உள்ள எம்எல்ஏக்களும் இந்தக் கூட்டத்திற்கு அழைக்கப்படுவர். கர்நாடக - தமிழக எல்லை பகுதியான பிலிகுண்டுலுவுக்கு கபினி அணைக்கு வரும் நீர்வரத்துக்கு இணையான 5000 கன அடி தண்ணீர் தமிழகத்திற்கு திறந்து விடப்படுகிறது என்று கூறிய சித்தராமையா, காவிரிப் படுகையில் உள்ள 4 நீர்த்தேக்கங்களிலும் மொத்தம் 60 டிஎம்சி அடி நீர் மட்டுமே இருப்பு உள்ளதாக கூறினார். “விவசாய நடவடிக்கைகளுக்கும் தண்ணீர் வழங்க வேண்டும். எனவே, பற்றாக்குறை மழையை மனதில் கொண்டு, ஜூலை இறுதி வரை காத்திருக்க வேண்டும் என்றும் அவர் தெரிவித்தார்.
இது தொடர்பாக செய்தியாளர்களை சந்தித்த கர்நாடக துணை முதலமைச்சர் டி.கே.சிவக்குமார், , "எங்கள் வழக்கறிஞர் குழுவுடன் எதிர்கால நடவடிக்கை குறித்து ஆலோசித்துள்ளோம், விரைவில் நீர்ப்பாசனத் துறை அதிகாரிகளுடன் பேச்சுவார்த்தை நடத்துவோம்" என்றார்.
