தமிழ் செய்திகள்  /  தமிழ்நாடு  /  Annamalai: ’அமைச்சர் ஆனால் அண்ணாமலை காலி! மாநில அரசியலில் துடைத்து எரியப்படுவார்!’ இடும்பாவனம் கார்த்திக் எச்சரிக்கை!

Annamalai: ’அமைச்சர் ஆனால் அண்ணாமலை காலி! மாநில அரசியலில் துடைத்து எரியப்படுவார்!’ இடும்பாவனம் கார்த்திக் எச்சரிக்கை!

Kathiravan V HT Tamil
Jun 09, 2024 02:16 PM IST

Modi oath event: ”தமிழ்நாட்டில் மொத்த உள்ள 40 தொகுதிகளிலும் பாஜக கூட்டணி படுதோல்வி அடைந்துள்ள நிலையில், மூன்றாவது முறையாக மோடி இன்று பதவியேற்கிறார். பாஜக மாநிலத் தலைவர் அண்ணாமலை மற்றும் பாஜக முன்னாள் மாநிலத் தலைவர் தமிழிசை சவுந்தராஜன் ஆகியோர் டெல்லியில் முகாமிட்டு உள்ளனர்.”

’மத்திய அமைச்சர் ஆனால் அண்ணாமலை காலி! மாநில அரசியலில் இருந்தே துடைத்து எரியப்படுவார்!’ இடும்பாவனம் கார்த்திக் எச்சரிக்கை!
’மத்திய அமைச்சர் ஆனால் அண்ணாமலை காலி! மாநில அரசியலில் இருந்தே துடைத்து எரியப்படுவார்!’ இடும்பாவனம் கார்த்திக் எச்சரிக்கை!

ட்ரெண்டிங் செய்திகள்

இரவு 7.15 மணிக்கு பதவியேற்பு விழா

நடந்து முடிந்த மக்களவைத் தேர்தலில் தேசிய ஜனநாயகக் கூட்டணி பெரும்பான்மை பெற்றதை அடுத்து, நரேந்திர மோடி தொடர்ந்து மூன்றாவது முறையாக பிரதமராக பதவியேற்கிறார். இந்த மெகா நிகழ்வு தேசிய தலைநகரான டெல்லியில் உள்ள ராஷ்டிரபதி பவனின் ஃபோர்கோர்ட்டில் இரவு 7:15 மணிக்கு தொடங்க உள்ளது.

பதவியேற்பு விழாவில் பல்வேறு தொழில் வல்லுநர்கள் மற்றும் கலாச்சார கலைஞர்கள் உட்பட 8,000 க்கும் மேற்பட்ட விருந்தினர்கள் கலந்து கொள்வார்கள் என்று அதிகாரிகள் தெரிவித்து உள்ளனர்.

30 அமைசர்கள் வரை இடம் பெற வாய்ப்பு

பிரதமர் மோடியின் அமைச்சரவையில் 27 முதல் 30 அமைச்சர்கள் இருப்பார்கள் என்று எதிர்பார்க்கப்படுகிறது. அவர்களில் மூன்றில் ஒரு பகுதியினர் தேசிய ஜனநாயக கூட்டணி கட்சியை சேர்ந்தவர்களாக இருப்பார்கள்.

நான்கு முதல் ஐந்து எம்.பி.க்களுக்கு ஒரு கேபினட் அமைச்சர் மற்றும் இரண்டு எம்.பிக்களுக்கு ஒரு இணை அமைச்சர் என்ற அடிப்படையில் கூட்டணி கட்சிகளுக்கு பதவிகள் ஒதுக்கீடு செய்யப்படும் என எதிர்பார்க்கப்படுகின்றது.

நிதிஷ் குமார் மற்றும் சந்திரபாபு நாயுடுவின் கட்சிகள் மொத்தம் 28 லோக்சபா இடங்களை வென்றுள்ளன. இந்த எண்ணிக்கை மோடி 3.0 அரசாங்கத்தின் இன்றியமையாத எண்ணிக்கை என்பதால், நரேந்திர மோடியின் அமைச்சரவையில் இவ்விரு கட்சிகளின் தலைவர்களுக்கும் பிரதிநிதித்துவம் கிடைக்கும் என எதிர்பார்க்கப்படுகிறது.

முழு அமைச்சரவையின் பலம் 81 வரை இருக்க வாய்ப்பு

30 அமைச்சர்கள் இன்று பதவியேற்பார்கள் என்றும், முழு அமைச்சரவையின் பலம் 78 முதல் 81 வரை இருக்கலாம் என்றும் என்.டி.டிவி தெரிவித்து உள்ளது.

மோடி தலைமையிலான அமைச்சரவையில் பாஜகவின் மூத்த தலைவர்கள் ஆன அமித் ஷா, ராஜ்நாத் சிங், நிதின் கட்கரி, பியூஷ் கோயல், அஸ்வினி வைஷ்ணவ், நிர்மலா சீதாராமன், மன்சுக் மாண்டவியா ஆகியோருக்கு முக்கிய இலாக்காகள் ஒதுக்கப்பட வாய்ப்பு உள்ளதாக தகவல்கள் வெளியாகி உள்ளது. 

மேலும் பாஜக தலைவர்கள் மனோகர் லால் கட்டார், சிவராஜ் சிங் சவுகான், பண்டி சஞ்சய் குமார், ரவ்னீத் சிங் பிட்டு ஆகியோர் புதிய முகங்களாக பங்கெடுக்க உள்ளனர். 

சிவசேனாவின் பிரதாப்ராவ் ஜாதவ், பாஜகவின் குஜராத் பிரிவின் தலைவர் சி.ஆர்.பாட்டீல், ஜோதிராதித்ய சிந்தியா, ராவ் இந்தர்ஜித் சிங், நித்யானந்த் ராய், பகீரத் சவுத்ரி மற்றும் ஹர்ஷ் மல்ஹோத்ரா ஆகியோரும் அமைச்சர்களாக சேர்க்கப்படலாம் என்று வட்டாரங்கள் தெரிக்கின்றன. 

டெல்லியில் முகாம் இட்டுள்ள தமிழிசை, அண்ணாமலை

தமிழ்நாட்டில் மொத்த உள்ள 40 தொகுதிகளிலும் பாஜக கூட்டணி படுதோல்வி அடைந்துள்ள நிலையில், பாஜக மாநிலத் தலைவர் அண்ணாமலை மற்றும் பாஜக முன்னாள் மாநிலத் தலைவர் தமிழிசை சவுந்தராஜன் ஆகியோர் டெல்லியில் முகாமிட்டு உள்ளனர். 

இருவரில் ஒருவருக்கு மத்திய அமைச்சரவையில் இடம் கிடைக்க வாய்ப்பு உள்ளதாக கூறப்பட்ட நிலையில், பிரதமர் மோடி நடத்திய தேனீர் விருந்து நிகழ்ச்சியில் அவர்கள் யாரும் கலந்து கொள்ளாததன் மூலம் இன்று பதவியேற்கும் முதற்கட்ட அமைச்சரவையில் அவர்கள் இடம்பெற வாய்ப்பில்லை என்று தெரிகிறது. 

இருப்பினும், தமிழ்நாட்டின் வாக்கு சதவீதம் அதிகரித்து உள்ளதாக பிரதமர் மோடியே பேசி உள்ள நிலையில், தமிழ்நாட்டுக்கு அமைச்சரவையில் பிரதிநிதித்துவம் அளிக்கும் வண்ணம், யாரெனும் ஒருவருக்கு மத்திய இணையமைச்சர் பதவி வழங்க வாய்ப்பு உள்ளதாக பாஜக வட்டாரங்கள் தெரிவிக்கின்றன. 

இந்த நிலையில், மத்திய அமைச்சரவையில் அண்ணாமலை இடம்பெற்றால், ஒருவருக்கு ஒரு பதவி என்ற கட்சி விதிப்படி, மாநிலத் தலைவர் பதவியை வேறு ஒருவருக்கு விட்டுக்கொடுக்க வேண்டும்.

இதனால் தமிழக பாஜக மாநிலத் தலைவர் பதவிக்கு வானதி சீனிவாசன், தமிழிசை சவுந்தராஜன் அல்லது நயினார் நாகேந்திரன் உள்ளிட்ட முக்கிய தலைவர்களில் யாரேனும் ஒருவரை அகில பாரத தலைமை தேர்வு செய்ய வாய்ப்பு உள்ளதாக கூறப்படுகிறது. 

இன்னும் இரண்டே ஆண்டில் வரவுள்ள 2026 சட்டமன்றத் தேர்தலுக்கு தமிழக பாஜக தயாராக வேண்டிய கட்டாயம் உள்ளதால் அதற்கு ஏற்றார்போல் மாநிலத் தலைவரை பாஜக அகில பாரத தலைமை நியமிக்கும்  என எதிர்பார்க்கப்படுகின்றது. 

அண்ணாமலைக்கு இடும்பாவனம் கார்த்தி எச்சரிக்கை

இந்த நிலையில், பாஜக மாநிலத் தலைவர் அண்ணாமலை தொடர்பாக நாம் தமிழர் கட்சி நிர்வாகி இடும்பாவனம் கார்த்தி ட்வீட் செய்துள்ளார். அதில், ”அண்ணாமலை மத்திய அமைச்சரானால், மாநிலத் தலைவர் பதவியைப் பறிகொடுக்க நேரிடும்; மாநில அரசியலிலிருந்தே விலக நேரிடும். ஏற்கனவே இருக்கிற டஜன் கணக்குக்கு மேலான பாஜக தலைவர்களுள் ஒருவராக பத்தோடு பதினொன்றாக மாறிப் போவார்.

ஆழ்ந்த அனுதாபங்கள்!” என பதிவிட்டுள்ளார். 

டி20 உலகக் கோப்பை 2024