Coco Gauff: பிரான்ஸ் வீராங்கனையை வீழ்த்தி மியாமி ஓபன் டென்னிஸில் அடுத்த சுற்றுக்கு முன்னேறிய கோகோ காஃப்

முதல் செட்டில் டோடின் 4-2 என்ற கணக்கில் முன்னிலை பெற்ற பிறகு காஃப் தொடர்ந்து 10 கேம்களை வென்றார், முக்கியமான தருணங்களில் டோடின் செய்த ஒன்பது டபுள் எரர்ஸ் கோகோவுக்கு சாதகமாக அமைந்தது.

அமெரிக்காவில் கடந்த 23 போட்டிகளில் கோகோ காஃப் ஒரேயொரு தோல்வியை மட்டுமே சந்தித்துள்ளார். இந்த மாத தொடக்கத்தில் இந்தியன் வெல்ஸ் போட்டியில் மரியா சக்காரிக்கு எதிராக அந்த தோல்வி ஏற்பட்டது.

மார்ச் 13 அன்று 20 வயதை எட்டிய கோகோ காஃப், மியாமியில் முதல் மூன்று இடங்களைப் பிடித்த இளைய அமெரிக்க வீராங்கனை ஆவார். நடப்பு யு.எஸ்., ஓபன் சாம்பியனான தெற்கு புளோரிடாவைச் சேர்ந்த கோகோ காஃப், இந்த போட்டியில் கலந்து கொண்டு, அங்கு ஒரு பட்டத்தை கைப்பற்றுவது சிறப்பு என்று கூறினார்.

புளோரிடாவின் டெல்ரே பீச்சில் பிறந்த காஃப், "சொந்த மண்ணில் இங்கு வெற்றி பெறுவது மிகவும் அருமையாக இருக்கும்" என்று கூறினார். “இங்கு வெற்றி பெறுவதில் சிறந்த பகுதி கோப்பையுடன் வீட்டிற்கு செல்ல முடியும், பறந்து பறந்து பேக் செய்ய வேண்டியதில்லை என்று நான் நினைக்கிறேன். நான் ஒரு டால்பின்ஸ் ரசிகை, எனவே நான் இங்கு வென்றால், அவர்கள் சூப்பர் பவுலில் மற்றொரு கோப்பையை வெல்ல முடியும்” என்றார் கோகோ காஃப்.

நவாமி ஒசாகா தோல்வி

ஞாயிற்றுக்கிழமை நடைபெற்ற ஆட்டத்தில் 27-ம் நிலை வீராங்கனையான கரோலின் கார்சியா 7-6 (4), 7-5 என்ற நேர் செட்களில் ஜப்பான் வீராங்கனை நவோமி ஒசாகாவை வீழ்த்தினார். நான்கு முறை கிராண்ட்ஸ்லாம் சாம்பியனான ஒசாகா, மியாமியில் இந்த சீசனின் சிறந்த டென்னிஸ் விளையாடிய போதிலும் தோல்வியடைந்தார். தரவரிசையில் 17-வது இடத்தில் உள்ள எலினா ஸ்விடோலினாவை 6-2, 7-6 (5) என்ற நேர் செட்களில் வீழ்த்தி 2-வது வெற்றியை பதிவு செய்தார். ஆனால், கார்சியாவிடம் தோற்றார்.

மற்ற ஆட்டங்களில் தரவரிசையில் முதலிடத்தில் உள்ள இகா ஸ்வியாடெக் 6-7 (7), 6-4, 6-4 என்ற செட் கணக்கில் 31-ம் நிலை வீராங்கனை லிண்டா நோஸ்கோவாவை வீழ்த்தினார். 5-ம் நிலை வீராங்கனையான ஜெசிகா பெகுலா 7-5, 6-4 என்ற நேர் செட்களில் 35-ம் நிலை வீராங்கனையான லெய்லா பெர்னாண்டஸை வீழ்த்தி தொடர்ந்து 3-வது ஆண்டாக ரவுண்ட் ஆஃப் 16 சுற்றுக்கு முன்னேறினார். 24-ம் நிலை வீராங்கனையான சொரானா செர்ஸ்டியா 7-5, 6-2 என்ற நேர் செட்களில் 11-ம் நிலை வீராங்கனை டாரியா கசட்கினாவை வீழ்த்தினார்.

ஆண்கள் பிரிவில், கடந்த ஆண்டு மியாமி ஓபன் ரன்னர்-அப் மற்றும் 3-ம் நிலை வீரரான ஜானிக் சின்னர் முதல் செட்டை இழந்து 5-7, 7-5, 6-1 என்ற செட் கணக்கில் 26-ம் நிலை வீரரான டாலன் கிரீக்ஸ்பூரை வீழ்த்தி 4-வது சுற்றுக்கு முன்னேறினார். லேசான மழை பெய்ததால் கிரீக்ஸ்பூர் 7-5, 3-3 என்ற செட் கணக்கில் முன்னிலை பெற்றார், ஆனால் தாமதத்திற்குப் பிறகு சின்னர் போட்டியின் கட்டுப்பாட்டைக் கைப்பற்றினார்.