Bomb threat in Delhi: பதிவாளர் ஜெனரலுக்கு வெடிகுண்டு மிரட்டல்: டெல்லி உயர்நீதிமன்றத்தில் பாதுகாப்பு அதிகரிப்பு

பிப்ரவரி 12 அன்று பாலவந்த் தேசாய் என்பவர் டெல்லி உயர்நீதிமன்ற பதிவாளர் ஜெனரலுக்கு அனுப்பிய மின்னஞ்சலில் வியாழக்கிழமை ஒரு குண்டுவெடிப்பு நடக்கும் என்றும் அது டெல்லியில் மிகப்பெரிய குண்டுவெடிப்பாக இருக்கும் என்றும் குறிப்பிடப்பட்டிருந்ததாக கூறப்படுகிறது.

டெல்லியில் நடந்த மிகப்பெரிய குண்டுவெடிப்பு இதுவாகத்தான் இருக்கும். அமைச்சரையும் கூப்பிடுங்க, எல்லாம் வெடிக்கும்" என்று அந்த மெயிலில் எழுதப்பட்டிருந்தது.

இந்த மின்னஞ்சலை தீவிரமாக கவனித்த அதிகாரிகள், பாதுகாப்பை அதிகரித்துள்ளனர். இந்த மின்னஞ்சலைத் தொடர்ந்து, உயர் நீதிமன்ற அதிகாரிகள் டெல்லி போலீஸ் கமிஷனர் சஞ்சய் அரோராவுக்கு கடிதம் எழுதியுள்ளனர்.

உயர் நீதிமன்றத்தின் தகுதிவாய்ந்த அதிகாரி இந்த விஷயத்தை தீவிரமாக கவனித்துள்ளதாகவும், உயர் நீதிமன்ற வளாகத்திலும் அதைச் சுற்றியுள்ள பகுதிகளிலும் பாதுகாப்பு ஏற்பாடுகளையும் உடனடியாக அதிகரிக்குமாறு ஆணையரைக் கேட்டுக் கொண்டதாகவும் அந்தக் கடிதத்தில் கூறப்பட்டுள்ளது.

இந்த விவகாரம் குறித்து விரிவான விசாரணை நடத்தி விரைவில் அறிக்கை சமர்ப்பிக்க வேண்டும் என்று உயர் நீதிமன்ற அதிகாரிகள் கோரிக்கை விடுத்துள்ளனர்.

டெல்லி உயர் நீதிமன்ற பார் அசோசியேஷன் தலைவரும் மூத்த வழக்கறிஞருமான மோஹித் மாத்தூர் கூறுகையில், முன்னதாக உயர் நீதிமன்றத்திற்கு வெளியே குண்டுவெடிப்பு நடந்ததை மனதில் வைத்து, அதிகாரிகள் ரிஸ்க் எடுக்க விரும்பவில்லை மற்றும் பாதுகாப்பு பலப்படுத்தப்பட்டுள்ளது.

நீதிமன்ற பணிகளில் எந்த இடையூறும் இல்லை என்றும் பார் உறுப்பினர்கள் ஒத்துழைத்து வருவதாகவும் அவர் கூறினார்.

வளாகத்திற்குள் நுழைபவர்களின் அடையாள அட்டைகள் சரிபார்க்கப்பட்டு வருவதாகவும், பார் உறுப்பினர்களை அடையாளம் காண பார் அசோசியேஷன் ஊழியர்களும் வாயில்களில் நிற்கிறார்கள் என்றும் அவர் கூறினார்.

இந்த விவகாரம் டெல்லியில் பரபரப்பை ஏற்படுத்தியுள்ளது.