தமிழ் செய்திகள்  /  தேசம் மற்றும் உலகம்  /  Rajiv Gandhi Death Anniversary: ’இந்திராவின் மகன் முதல் இந்தியாவின் பிரதமர் வரை!’ ராஜீவ் காந்தியின் நினைவலைகள்!

Rajiv Gandhi death anniversary: ’இந்திராவின் மகன் முதல் இந்தியாவின் பிரதமர் வரை!’ ராஜீவ் காந்தியின் நினைவலைகள்!

Kathiravan V HT Tamil
May 21, 2024 06:00 AM IST

”Rajiv Gandhi death anniversary: இந்திராவின் மகனாக பிறந்து இந்தியாவின் பிரதமராக இருந்தது வரையிலான முன்னாள் பிரதமர் ராஜீவ் காந்தியின் நினைவலைகள்”

’இந்திராவின் மகன் முதல் இந்தியாவின் பிரதமர் வரை!’ ராஜீவ் காந்தியின் நினைவலைகள்!
’இந்திராவின் மகன் முதல் இந்தியாவின் பிரதமர் வரை!’ ராஜீவ் காந்தியின் நினைவலைகள்!

ட்ரெண்டிங் செய்திகள்

ராஜீவ் காந்தியின் பிறப்பும் படிப்பும்!

ராஜீவ் காந்தி ஆகஸ்ட் 20, 1944 அன்று பம்பாயில் பிறந்தார். இந்தியா சுதந்திரம் அடைந்தபோது அவருக்கு வெறும் மூன்று வயது இருந்த காலத்தில் அவரது தாத்தா ஜவஹர்லால் நேரு இந்தியாவின் பிரதமரானார்.

டெஹ்ரா டன்னில் உள்ள வெல்ஹாம் ப்ரெப்பில் பள்ளிக்குச் சென்றார். அதற்கு பின்னர் இமயமலை அடிவாரத்தில் உள்ள டூன் பள்ளிக்குச் சென்றார். பின்னர் காந்தி கேம்பிரிட்ஜில் உள்ள டிரினிட்டி கல்லூரிக்குச் சென்றார், ஆனால் விரைவில் லண்டனில் உள்ள இம்பீரியல் கல்லூரிக்கு மாறி மெக்கானிக்கல் இன்ஜினியரிங் படிப்பு படித்தார். 

இந்துஸ்தானி இசையும் புத்தகங்களும்!

அவரது வகுப்பு தோழர்களின் கூற்றுப்படி, அவரது புத்தக அலமாரிகள் முழுவதும் அறிவியல் மற்றும் பொறியியல் புத்தகங்கள் அணி வகுத்து இருந்தன. இசை பிரியரான ராஜீவ் காந்தி, மேற்கத்திய மற்றும் ஹிந்துஸ்தானி கிளாசிக்கல் இசைகளை விரும்பி கேட்டார். 

வானில் பறப்பதில் ஆர்வம் 

புகைப்படம் எடுத்தல், அமெச்சூர் வானொலி ஆகியவைகள் மீது அவருக்கு ஆர்வம் இருந்தாலும், அவரது மிகப்பெரிய ஆர்வம் பறப்பதுதான். டெல்லி ஃப்ளையிங் கிளப் நுழைவுத் தேர்வில் தேர்ச்சி பெற்று, வணிக விமானி உரிமம் பெற சென்றார். விரைவில், அவர் உள்நாட்டு தேசிய விமான நிறுவனமான இந்தியன் ஏர்லைன்ஸில் விமானியாகவும் ஆனார்.

சகோதரர் சஞ்சய் காந்தி மரணத்திற்கு பின் அரசியல் 

இருப்பினும், காந்தியின் சகோதரர் சஞ்சய் 1980 ஆம் ஆண்டு விமான விபத்தில் இறந்த பிறகு, ராஜீவ் காந்தி விமானம் பறப்பதை விட்டுவிட்டு படிப்படியாக அரசியலில் நுழைந்தார்.

தாயின் மரணத்திற்கு பின் பிரதமர் 

மேலும், 31 அக்டோபர் 1984 அன்று அவரது தாயார் இந்திரா காந்தி படுகொலை செய்யப்பட்ட பிறகு, ராஜீவ் காந்தி காங்கிரஸ் கட்சியின் தேசிய பொறுப்பை ஏற்க முடிவு செய்தார். இந்திரா காந்தியின் மரணத்திற்குப் பிறகு நடைபெற்ற தேர்தலில் 401 இடங்களைக் கைப்பற்றி இந்தியாவின் இந்தியாவின் ஆறாவது பிரதமர் ஆனார். அப்போது அவருக்கு 40தான். 

ராஜீவ் காந்தி படுகொலை

டிசம்பர் 2, 1989 வரை இந்தியாவின் பிரதமராகப் பணியாற்றிய நிலையில் அந்த ஆண்டு நடந்த தேர்தலில் காங்கிரஸ் கட்சியால் பெரும்பான்மை இடங்களை பெற முடியவில்லை. 

1991ஆம் ஆண்டு நடைபெற்ற நாடாளுமன்றத் தேர்தல் பரப்புரையின் போது ஸ்ரீபெரும்புதூரில் மே 21 அன்று படுகொலை செய்யப்பட்டார். 

விடுதலைப் புலிகள் இயக்கத்தைச் சேர்ந்த பெண்ணான தனு என்கிற தேன்மொழி ராஜரத்தினம் என்பவர் ராஜீவ்  காந்தியின் கால்களைத் தொட்டு, வணங்கும் போது தனது ஆடைக்குக் கீழே வைத்திருந்த ஆர்டிஎக்ஸ் வெடிகுண்டு நிரப்பப்பட்ட பெல்ட்டை அந்தப் பெண் வெடிக்கச் செய்தார் என்பது விசாரணையில் தெரிய வந்தது. இந்த கொடூரமான சதியில் ராஜீவ் காந்தி படுகொலை செய்யப்பட்டபோது அவருக்கு வயது 46ஆகும். 

இந்தியாவில் அந்நிய முதலீட்டையும் சுதந்திரமான பொருளாதாரத்தையும் ஊக்குவிக்க தொடக்கமாக அமைந்ததில் ராஜீவ் காந்திக்கு முக்கிய பங்கு உண்டு. 

டி20 உலகக் கோப்பை 2024