Indian student stabbed: அமெரிக்காவில் இந்திய மாணவன் மீது கத்தியால் தாக்குதல்

கடந்த வார இறுதியில் வால்பரைசோ நகரில் உள்ள உடற்பயிற்சி கூடத்தில் ஜோர்டான் ஆன்ட்ரேட் என்பவர், இந்திய மாணவர் வருணை கத்தியால் குத்தினார். தாக்குதலுக்கான காரணம் தெரியவில்லை.

ஜோர்டான் கைது செய்யப்பட்டார். "வருண் கத்தியால் தாக்கப்பட்டார். காயத்தின் தீவிரம் காரணமாக அவர் ஃபோர்ட் வெய்ன் மருத்துவமனைக்குக் கொண்டு செல்லப்பட்டார், மேலும் அவர் உயிர் பிழைப்பதற்கான வாய்ப்பு அரிதாகவே இருப்பதாக கூறப்படுகிறது. வருணின் நிலை மோசமாக இருப்பதாகக் கூறப்படுகிறது" என்று NDTV ஒரு ஊடக அறிக்கையை மேற்கோளிட்டுள்ளது.

24 வயதான ஜோர்டான், வருண், "கொஞ்சம் வித்தியாசமானவர்" என்று நினைத்ததாக பொலீஸாரிடம் தெரிவித்தார். வருண் அச்சுறுத்தலாக இருப்பதாக நம்பி, "சரியான வழியில்" செயல்பட முடிவு செய்ததாக அவர் கூறியதாக தகவல்கள் வெளியாகியுள்ளன.

கடந்த பல ஆண்டுகளாக அமெரிக்காவில் இந்திய மாணவர்கள் தாக்கப்பட்ட சில வழக்குகள் உள்ளன. 2019 ஆம் ஆண்டு, அபிஷேக் சுதேஷ் பட் என்ற இந்திய மாணவரைக் கொன்றதற்காக அமெரிக்க நாட்டவர் கைது செய்யப்பட்டார். 42 வயதான எரிக் டர்னர், சான் பெர்னார்டினோவில் நன்றி தினத்தன்று அபிஷேக் (25) சுட்டுக் கொல்லப்பட்டதாக குற்றம் சாட்டப்பட்டார். அபிஷேக் மைசூரைச் சேர்ந்தவர் மற்றும் கலிபோர்னியா மாநில பல்கலைக்கழக சான் பெர்னார்டினோவில் கணினி அறிவியலில் முதுகலைப் பட்டம் பெற்றவர்.

2018ஆம் ஆண்டு தென் அமெரிக்காவின் டென்னசி மாநிலத்தில் இந்திய மாணவர் ஒருவர் அடையாளம் தெரியாத நபர்களால் சுட்டுக் கொல்லப்பட்டார். 22 வயதான புல்லூரி ஷஷாங்க் மிடில் டென்னசி பல்கலைக்கழகத்தில் எம்பிஏ படித்து வந்தார். அவரும் அவரது நண்பர்களும் பயணத்தை முடித்துக்கொண்டு அவர்களது பிளாட்டுக்குள் சென்று கொண்டிருந்த போது இந்த சம்பவம் நடந்துள்ளது. இந்த தாக்குதலில் புல்லூரி உயிர் தப்பினார்.

அமெரிக்காவில் நடந்த சமீபத்திய மாணவி மரணம் ஜாஹ்னவி கந்துலா என்ற 23 வயது பெண்மணி, இந்தியாவின் பெங்களூருவிலிருந்து 2021 இல் முதுகலைப் பட்டம் பெற சியாட்டிலுக்கு வந்திருந்தார். பொறியியல் கல்லூரியில் தகவல் அமைப்புகளில் முதுகலை அறிவியல் பட்டப்படிப்பைப் படித்து வந்தார்.

ஜூலை மாதம் வெளியிடப்பட்ட ஒரு வீடியோ அவரது மரணத்தில் எழுந்த சர்ச்சையை வெளிச்சம் போட்டு காட்டியது; ஜனவரி மாதம், சியாட்டில் அதிகாரி கெவின் டேவ் ஓட்டிச் சென்ற ஒரு போலீஸ் காரால் விபத்து நேரிட்டது தெரியவந்தது. உயிரிழந்தது சாதாரண நபர் தான் என அந்த அதிகாரி உயரதிகாரியிடம் பேசுவது போலீஸாரின் உடலில் பொருத்தப்பட்டிருந்த கேமிரா மூலம் தெரியவந்து அதிர்ச்சியை ஏற்படுத்தியுள்ளது.

தற்போது இண்டியானா மாகாணத்தில் இந்திய மாணவர் கத்தியால் தாக்கப்பட்ட சம்பவம் மேலும் அதிர்ச்சியை ஏற்படுத்தியிருக்கிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.