Foods To Avoid: உடல் எடையை குறைக்கணுமா? அப்போ இந்த 5 உணவுகளை சாப்பிடாதீங்க!

ஜங்க் ஃபுட்

நொய்டாவில் உள்ள யதார்த் மருத்துவமனையின் ஊட்டச்சத்து மற்றும் சுகாதாரத் துறைத் தலைவர் டாக்டர் கிரண் சோனி, தனது நோயாளிகளை 'உணவுப் பழக்கவழக்கங்களைக் கவனத்தில் கொள்ள வேண்டும் மற்றும் அவர்களின் எடை இழப்பு முயற்சிகளைத் தடுக்கக்கூடிய குறிப்பிட்ட பொருட்களைத் தவிர்க்க வேண்டும்' என்று அறிவுறுத்துகிறார். இது குறித்து அவர் கூறுகையில், "சிப்ஸ், குக்கீஸ்கள் மற்றும் துரித உணவுகளை சாப்பிடுவதைத் தவிர்க்க வேண்டும். அவைகளில் பெரும்பாலும் ஆரோக்கியமற்ற கொழுப்புகள் மற்றும் செறிவூட்டப்பட்ட சர்க்கரை அதிகமாக இருக்கும், இதுவே எடையை அதிகரிக்கிறது."

குறிப்பாக, கடந்த 2011 ஆம் ஆண்டில் நடத்தப்பட்ட ஒரு ஆய்வில், உருளைக்கிழங்கு சிப்ஸ் மற்ற எந்த உணவையும் விட அதிக எடை அதிகரிப்புக்கு பங்களிக்கக்கூடும் என்று கண்டறியப்பட்டது. எனவே, சமச்சீர் உணவின் ஒரு பகுதியாக இந்த உணவுகளை தவிர்ப்பது நல்லது எனத் தெரிவித்தார். 

சர்க்கரை பானங்கள்

சோடா போன்ற சர்க்கரை பானங்களில் கலோரிகள் அதிகம் மற்றும் சர்க்கரை சேர்க்கப்படுகிறது. 2022 ஆய்வின்படி, அவை எடை அதிகரிப்புடன் வலுவாக தொடர்புடையவை மற்றும் சரிபார்க்கப்படாமல் உட்கொண்டால் ஆரோக்கியத்தை எதிர்மறையாக பாதிக்கும் என நிரூபணம் ஆகியுள்ளது' என அவர் தெரிவித்தார். 

ஃப்ரை செய்யப்பட்ட உணவுகள் 

உருளைக் கிழங்கு பொரியல், வறுத்த கோழிக்கறி மற்றும் பிற எண்ணெயில் பொறித்த உணவுகள் தவிர்க்கபபட வேண்டும். அவை பொதுவாக அதிக கலோரிகள் மற்றும் ஆரோக்கியமற்ற கொழுப்புகள் மற்றும் எடை அதிகரிப்பு மற்றும் பிற உடல்நலப் பிரச்சினைகளுக்கு பங்களிக்கின்றன," என்று அவர் மேலும் கூறினார்.

பிரட் மற்றும் பாஸ்தா

பிரட் மற்றும் பாஸ்தா போன்றவை சுத்திகரிக்கப்பட்டவையாகும்.  மேலும் இவைகளில் பெரும்பாலும் அதிக சர்க்கரை சேர்க்கப்படும். ஒரு நாளைக்கு இரண்டு துண்டுகள் (120 கிராம்) பிரட் சாப்பிடுவது 40 சதவிகிதம் உடல் எடையை அதிகரிக்கும் என 2014 ஆம் ஆண்டு நடத்தப்பட்ட ஆய்வில் கண்டறியப்பட்டுள்ளது. மேலும் இது போன்ற உணவுகளுக்கு பதிலாக தானியங்களை சாப்பிடலாம் என மருத்துவர் கிரண் பரிந்துரைக்கிறார். 

அதிக கொழுப்பு இறைச்சிகள்

"சிவப்பு இறைச்சி மற்றும் வறுத்த இறைச்சியின் கொழுப்புகளில் நிறைவுற்ற கொழுப்புகள் மற்றும் கலோரிகள் அதிகம் உள்ளன, இதனால் எடை இழப்பு மிகவும் கடினமாகிறது," என்று அவர் மேலும் கூறினார். பல ஆய்வுகள் இறைச்சி நுகர்வு மற்றும் எடை அதிகரிப்பு ஆகியவற்றுக்கு இடையே ஒரு தொடர்பைக் கண்டறிந்துள்ளன, ஆனால் முடிவுகள் கலவையானவை மற்றும் இறைச்சி நுகர்வு மட்டுமே காரணமா என்பது தெளிவாக இல்லை. 2019 ஆம் ஆண்டின் ஒரு ஆய்வில், அதிக சிவப்பு இறைச்சி உட்கொள்ளல் எடை அதிகரிக்கும் அபாயத்துடன் தொடர்புடையது என்று கண்டறியப்பட்டது.