Spicy Potato Fry Recipe: ரசம் வச்சா இந்த உருளைக்கிழங்கு பொரியல் மட்டும் வைங்க! சாப்பாடு மிச்சம் ஆகாது!

முதலில் உருளைக்கிழங்கை நன்கு வேக வைத்து தோல் உரித்துக் எடுத்து வைத்துக் கொள்ள வேண்டும். பின்னர் வெங்காயத்தை பொடியாக நறுக்கி கொள்ள வேண்டும். இஞ்சி பூண்டை நன்கு இடித்து வைத்துக் கொள்ளவும்.  இப்போது ஒரு கடாயில் எண்ணெயை சூடாக்கி, அது சூடானதும், கடுகு, உளுத்தம் பருப்பு, கறிவேப்பிலை மற்றும் வெங்காயத்தை வரிசையாக சேர்க்க வேண்டும். வெங்காயம் பொன்னிறமானதும், பச்சை மிளகாய் மற்றும் இஞ்சி பூண்டு விழுது சேர்த்து வதக்க வேண்டும். பின்னர் தக்காளியை சேர்த்து 5 நிமிடம் மிதமான  தீயில் வதக்க வேண்டும். 

இதில் புதிதாக அரைத்த மசாலா, மஞ்சள்தூள், மிளகாய் தூள், கொத்தமல்லி தூள் மற்றும் உப்பு சேர்த்து நன்கு கலக்க வேண்டும். மசாலாவின் பச்சை வாசனை போகும் வரை மிதமான தீயில் வதக்க வேண்டும். தேவைப்பட்டால், தண்ணீர் சேர்க்க வேண்டும்.   இப்போது வேகவைத்து, தோலுரித்த உருளைக்கிழங்கு சேர்த்து காய்ந்ததும் வதக்க வேண்டும். இந்த உருளைக் கிழங்கு பொரியலை மேலே கொத்தமல்லி இலைகளால் தூவி, சாதத்துடன் சூடாகப் பரிமாற வேண்டும் குழம்பு தேவை இல்லை. இதையே சாதத்தில் பிசைந்து சாப்பிட ருசியாக இருக்கும். அனைவரும் விரும்பி சப்பிடுவர்.