Bay Leaves Benefits: சர்க்கரை முதல் புற்று நோய் வரை இத்தனை பிரச்சனைகளுக்கு தீர்வு தருமா பிரியாணி இலை?

பொடுகுத் தொல்லையால் பாதிக்கப்பட்டிருந்தால் பிரியாணி இலையை வைத்து தீர்வு காணலாம். அதற்கு சில பிரியாணி இலைகளை தண்ணீரில் கொதிக்க வைக்க வேண்டும். அந்த நீர் குளிர்ந்த பிறகு, அதை தலையில் தேய்த்து கழுவ வேண்டும். பின்னர் மைல்டான ஷாம்பு தேய்த்து குளிக்கலாம். தலையில் அடிக்கடி அரிப்பு பிரச்சனை உள்ளவர்கள் இந்த இலைகளை அரைத்து தலையில் மாஸ்க் போல தடவி அரை மணி நேரம் கழித்து வெதுவெதுப்பான நீரில் தலையை அலச வேண்டும். அப்படி அடிக்கடி செய்து வருவதன் மூலம் அரிப்பு பிரச்சனை குணமாகும்.

பிரியாணி இலைகளை ஒரு நாளைக்கு இரண்டு முறை உட்கொள்பவர்கள் உடலில் சர்க்கரை அளவைக் கட்டுப்படுத்தலாம். டைப் 2 நீரிழிவு நோயாளியை கட்டுப்படுத்துவதில் பிரியாணி இலை மிகவும் பயனுள்ளதாக இருக்கும் என்று ஆய்வுகள் தெரிவிக்கின்றன. வயிற்றுப்போக்கு, அடிக்கடி சிறுநீர் கழித்தல் போன்ற பிரச்சனைகளுக்கு பிரியாணி இலை மருந்தாக பயன்படுகிறது. இது உடலில் இருந்து நச்சுகளை வெளியேற்ற உதவுகிறது. செரிமானக் கோளாறுகளைச் சரிசெய்து, சரியாகச் செயல்பட வைக்கிறது.

புற்றுநோய் செல்களை கட்டுக்குள் வைத்திருக்க இலவங்கப்பட்டை இலை பயனுள்ளதாக இருப்பதாக ஆய்வுகள் தெரிவிக்கின்றன. இந்த இலையில் ஏ, சி, பி6 போன்ற வைட்டமின்கள் உள்ளன. இரும்பு, பொட்டாசியம், மாங்கனீசு, உணவு நார்ச்சத்து மற்றும் ஃபோலிக் அமிலம் உள்ளன. ஆன்டிஆக்ஸிடன்ட்கள் அதிகம். அதனால்தான் உணவில் இதைப் பயன்படுத்துவது ஆரோக்கிய நன்மைகளை வழங்குகிறது.

நம் உணவில் பிரியாணி இலையை தவறாமல் சேர்ப்பது உடலில் நரம்பு மண்டலத்தின் செயல்பாட்டை மேம்படுத்துகிறது. இதனால் நமது மூளை மிகவும் சிறப்பாக செயல்படும். இதன் அழற்சி எதிர்ப்பு பண்புகள் வீக்கம் மற்றும் வலியைக் குறைக்கின்றன. அது மட்டும் இல்லாமல் பிரியாணி இலை முதுகு வலி மற்றும் மூட்டுவலியைக் குறைக்க உதவுகிறது.

சளி, இருமல், தொண்டை வலி போன்ற சுவாச பிரச்சனைகளால் அவதிப்படுபவர்கள் இந்த இலைகளை பயன்படுத்தி டீ தயாரித்து குடித்து வந்தால் நிவாரணம் கிடைக்கும். கர்ப்பிணிப் பெண்களுக்கு ஃபோலிக் அமிலம் தேவை. இது இந்த இலையில் காணப்படுகிறது. பத்து கிராம் பிரியாணி இலையில் 18 கிராம் ஃபோலிக் அமிலம் உள்ளது. கர்ப்பிணிகள் தினசரி கறிகளில் இந்த இலைகளை சேர்த்துக்கொள்ளலாம்.

உடல் எடையை குறைக்க விரும்புவோருக்கு இந்த இலைகள் நன்றாக வேலை செய்யும். இவற்றை வைத்து தயாரிக்கப்படும் டீயை தினமும் குடிப்பதால் உடல் பருமன் மற்றும் அதிக எடை பிரச்சனைகள் குறைகிறது. இந்த இலைகளை தண்ணீரில் கொதிக்க வைத்து டீயாகக் குடிப்பதால், உண்ட உணவு விரைவில் ஜீரணமாகும். உயிர்ச்சக்தி மேம்படும். பிரியாணி இலையில் உள்ள ரூட்டின், காஃபிக் அமிலம் போன்றவை இரத்த ஓட்டத்தை மேம்படுத்தி உயர் இரத்த அழுத்தத்தைத் தடுக்கின்றன.

நாள்பட்ட நோயால் பாதிக்கப்பட்டவர்கள் எந்த புதிய உணவையும் எடுத்துக்கொள்ளும் முன் மருத்துவரிடம் ஆலோசிப்பது நல்லது.