உடல் எடையைக் குறைக்கும் பாதாம் துளசி பானமும் ப்ராக்கோலி சாலட்டும்
Weight Loss Tips: உடல் எடையைக் குறைக்கும் பாதாம் துளசி பானமும் ப்ராக்கோலி சாலட்டும் செய்வது எப்படி என்பது குறித்து இங்கு அறிந்து கொள்ளுங்கள்.
அதிக உடல் எடையினால் ஏற்படும் பல்வேறு பிரச்னைகளின் தீவிரத்தை உணர்ந்து கொண்டு இப்போது உடற்பயிற்சிகளையும், சமச்சீரான உணவு உண்ணும் பழக்கத்தையும் மக்கள் தங்கள் வழக்கத்தில் சேர்த்துக் கொள்ளத் தொடங்கிவிட்டனர்.
ட்ரெண்டிங் செய்திகள்
இது ஒரு நல்லதொரு விஷயம். எளிய நடைப்பயிற்சிகூட உடல் எடையைக் கணிசமாகக் குறைக்கிறது. அத்துடன் உடல் எடையிழப்பில் உணவு முறைகள் முக்கிய இடத்தைப் பிடிக்கிறது. இன்றைக்கு ஆரோக்கியமான காய்கறிகள் சாலட்டும், ஊட்டச் சத்துகள் நிறைந்த பானம் ஒன்றையும் செய்வது குறித்து இனி பார்க்கலாம்.
கொழுப்பைக் குறைத்து சருமத்தின் பொலிவைத் தூண்டும் பண்பு பாதாமுக்கு உள்ளது. நெஞ்சுச்சளியைக் குறைத்து நோய் எதிர்ப்புச் சக்தியை அதிகரிக்கும் ஆற்றல் துளசிக்கு உள்ளது. இவை இரண்டையும் வைத்து ஒரு ஆரோக்கிய பானம் செய்யலாம்.
பச்சையிலை காய்கறிகளில் ப்ராக்கோலி குறைந்த கலோரியைக் கொண்டுள்ளது. அதேவேளையில் நிறைந்த ஊட்டச்சத்துகளையும் கொண்டுள்ளது. இதை வைத்து ஒரு சாலட் செய்யலாம்.
காலை அல்லது மாலையில் உடற்பயிற்சியை முடித்துவிட்டு சிற்றுண்டியாக இவற்றை சாப்பிடலாம்.
பாதாம் துளசி பானம் செய்யத் தேவையான பொருட்கள்-
ஊறவைத்து தோல் நீக்கப்பட்ட பாதாம் - 2 மேசைக்கரண்டி
ஊறவைத்த முலாம்பழம் விதைகள் - 2 மேசைக்கரண்டி
ஊறவைத்த கசகசா விதைகள் - 1 மேசைக்கரண்டி
பாதாம் இழைகள்- அரை கப்
சர்க்கரை - கால் கப்
குங்குமப்பூ இழைகள் - 2 பிஞ்ச்
புதிய துளசி இலைகள் - 4
பால் - 2 கப்
பச்சை ஏலக்காய் தூள் - அரை மேசைக்கரண்டி
கருப்பு மிளகுத்தூள் - அரை தேக்கரண்டி
ஊறவைத்த பெருஞ்சீரகம் விதைகள் - கால் கப்
பாதாம் துளசி பானம் செய்முறை:
பெருஞ்சீரகம் விதைகள், கசகசா விதைகள், பாதாம் ஆகியவற்றை
மென்மையாக சாந்து போல அரைத்துக் கொள்ளுங்கள்
ஒரு கனமான பாத்திரத்தில் பால், குங்குமப்பூ இழைகளை கொதிக்க
வைக்கவும். பாலில் சர்க்கரையை கரைக்கவும்.
புதிய துளசி இலைகள், கருப்பு மிளகுத்தூள் ஆகியவற்றை ஒரு சாந்து போல அரைத்து பாலில் சேர்க்கவும்.
பாலில் ஏலக்காய் தூள், பாதாம், கசகசா, பெருஞ்சீரகம் ஆகியவற்றை விழுதுபோல அரைத்து சேர்த்து 2-3 நிமிடங்கள் வேகவைக்கவும்.
இந்த பானத்தை குளிர்ச்சியாகப் பரிமாறவும்.
ஆரோக்கியமான ப்ராக்கோலி சாலட் செய்யத் தேவையானவை:
பிராக்கோலி பூக்கள் - 200 கி
வடித்த தயிர் - 100 கி
ஃப்ரெஷ் கிரீம் - 25 கி
முந்திரி பேஸ்ட் - 20 கி
வெள்ளை மிளகு தூள் - 5 கி
பொடியாக்கிய சர்க்கரை - 5 கி
சாலட் ஆயில் - 25 மிலி
சீஸ் - 25 கி துருவியது
ஏலக்காய் பொடி - 2 கி
இஞ்சி நறுக்கியது - 10 கி
பச்சை சட்னி - - 20 கி
உப்பு - தேவைக்கேற்ப,
ப்ராக்கோலி சாலட் செய்முறை:
பிராக்கொலி பூக்களை, கொதிக்கும் நீரில் கழுவிக்கொள்ளவும், பிறகு அவற்றை உடனடியாக குளிர்ந்த நீரில் அழுத்தி, பச்சை நிறம் மாறாமல் பார்த்துக் கொள்ளவும்.
மாரினேட் சமைக்க, தயிர், முந்திரி பேஸ்ட், கிரீம், பொடியாக்கிய சர்க்கரை, துருவிய சீஸ், நறுக்கிய இஞ்சி, ஏலக்காய் பொடி, சாலட் ஆயில் மற்றும் உப்பு ஆகியவற்றைக் கலந்து, நன்கு கலக்கிக் கொள்ளவும்.
மாரினேடை, பிராக்கோலியில் பூசி, அவற்றை ஸ்கீவர்களில் செருகி வைக்கவும்.
பொன்னிறமாகும் வரை, தந்தூரில் சமைக்கவும்.
பச்சை சட்னியுடன் பரிமாறவும்.
டாபிக்ஸ்