SRH vs RCB Result: ஆறு தோல்விக்கு பிறகு ன் ரைசர்ஸ் கோட்டையில் வெற்றியை சுவாசித்த ஆர்சிபி - ரசிகர்கள் நிம்மதி பெருமூச்சு
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Srh Vs Rcb Result: ஆறு தோல்விக்கு பிறகு ன் ரைசர்ஸ் கோட்டையில் வெற்றியை சுவாசித்த ஆர்சிபி - ரசிகர்கள் நிம்மதி பெருமூச்சு

SRH vs RCB Result: ஆறு தோல்விக்கு பிறகு ன் ரைசர்ஸ் கோட்டையில் வெற்றியை சுவாசித்த ஆர்சிபி - ரசிகர்கள் நிம்மதி பெருமூச்சு

Muthu Vinayagam Kosalairaman HT Tamil Published Apr 25, 2024 11:21 PM IST
Muthu Vinayagam Kosalairaman HT Tamil
Published Apr 25, 2024 11:21 PM IST

பேட்டிங், பவுலிங், பீல்டிங் என அனைத்திலும் ஆர்சிபி வீரர்கள், சன் ரைசர்ஸ் அணிக்கு எதிராக ஆதிக்கம் செலுத்தினார்கள். இதன் விளைவாக ஆறு தொடர் தோல்விகளுக்கு பிறகு வெற்றியின் பக்கம் திரும்பியுள்ளது.

விக்கெட் வீழ்த்திய மகிழ்ச்சியில் ஆர்சிபி வீரர்கள்
விக்கெட் வீழ்த்திய மகிழ்ச்சியில் ஆர்சிபி வீரர்கள் (PTI)
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2024 தொடரின் 41வது போட்டி சன் ரைசர்ஸ் ஹைதராபாத் - ராயல்சேலஞ்சர்ஸ் பெங்களுரு அணிகளுக்கு இடையே ஹைதராபாத் ராஜீவ் காந்தி மைதானத்தில் நடைபெற்றது. இந்த போட்டி தொடங்குவதற்கு முன் சன்ரைசர்ஸ் அணி 7 போட்டிகளில் 5 வெற்றிகளை பெற்று மூன்றாவது இடத்திலும், ராயல் சேலஞ்சர்ஸ் பெங்களுரு 8 போட்டிகளில் ஒரு வெற்றியை மட்டும் பெற்றும் 10வது இடத்திலும் இருந்தது. ஆர்சிபி அணிக்கு மிகவும் முக்கியத்துவம் வாய்ந்த போட்டியாக இது அமைந்திருந்தது.

ஆர்சிபி அதிரடி

இந்த போட்டியில் டாஸ் வென்ற ஆர்சிபி கேப்டன் டூ பிளெசிஸ் பேட்டிங்கை தேர்வு செய்துள்ளார். இதைத்தொடர்ந்து முதலில் பேட் செய்த ஆர்சிபி அணி 20 ஓவரில் 7 விக்கெட் இழப்புக்கு 206 ரன்கள் எடுத்தது.

அதிகபட்சமாக விராட் கோலி 51, ராஜத் பட்டிதார் 50, கேமரூன் க்ரீன் 36, டூ பிளெசிஸ் 25 ரன்கள் எடுத்தனர்.

சன் ரைசர்ஸ் பவுலர்களில் ஜெயதேவ் உனத்கட் 3, நடராஜன் 2 விக்கெட்டுகளை கைப்பற்றினர். மயங்க் மார்கண்டே, பேட் கம்மின்ஸ் ஆகியோர் தலா ஒரு விக்கெட்டை எடுத்தனர்.

சன் ரைசர்ஸ் சேஸிங்

207 ரன்கள் இலக்கை சேஸ் செய்த சன் ரைசர்ஸ் 20 ஓவரில் 8 விக்கெட் இழப்புக்கு 171 ரன்கள் எடுத்துள்ளது. இதனால் ரன்கள் வித்தியாசத்தில் ஆர்சிபி 6 தொடர் தோல்விகளுக்கு பின்னர் வெற்றியின் பக்கம் திரும்பியுள்ளது.

சன் ரைசர்ஸ் அணியில் அதிகபட்சமாக ஷபாஸ் அகமது 40, பேட் கம்மின்ஸ் 31, அபிஷேக் ஷர்மா 31 ரன்கள் எடுத்தனர்.

ஆர்சிபி பவுலர்களில் கரன் ஷர்மா, கேமரூன் க்ரீன், ஸ்வனில் சிங் ஆகியோர் தலா 2 விக்கெட்டுகளை வீழ்த்தினர். யஷ் தயாள், வில் ஜேக்ஸ் ஆகியோர் தலா ஒரு விக்கெட்டை எடுத்தனர்.

பேட்டிங், பவுலிங், பீல்டிங் என அனைத்திலும் சிறப்பாக செயல்பட்ட ஆர்சிபி, சன் ரைசர்ஸ் அணிக்கு எதிராக அவர்களது சொந்த மண்ணில் ஆதிக்கம் மிக்க வெற்றியை பெற்றுள்ளது.

ஆர்சிபி பவுலிங்கில் சரிந்த சன் ரைசர்ஸ் டாப் ஆர்டர்

இந்த சீசனில் பலம் மிக்க பேட்டிங் அணியாக சன் ரைசர்ஸ் இருந்து வருகிறது. அதிரடியான தொடக்கம் என பினிஷிங் என இருந்து வந்த பேட்டிங் வரிசையை ஆர்சிபி பவுலர்கள் அற்புதமான பவுலிங்கால் காலி செய்தனர்.

பார்மில் இருந்து வரும் ட்ராவிஸ் ஹெட் 1, ஐடன் மார்க்ரம் 7, நிதிஷ் குமார் ரெட்டி 13, ஹென்ரிச் கிளாசன் 7 என அடுத்தடுத்து அவுட்டானார்கள்.

வழக்கம் போல் அதிரடியான தொடக்கத்தை தந்த அபிஷேக் ஷர்மா 13 பந்துகளில் 31 ரன்கள் விரைவாக அடித்துவிட்டு அவுட்டானார்.

9.1 ஓவரில் 85 ரன்கள் அடித்தபோதிலும் 6 முக்கிய விக்கெட்டுகளை இழந்து சன் ரைசர்ஸ் தடுமாறியது

ஷபாஸ் அகமது நிதானம்

ஒரு பக்கம் விக்கெட்டுகள் வீழ்ந்தபோதிலும் பொறுமையாக பேட் செய்து ரன்களை குவித்து வந்த ஷபாஸ் அகமது. இதற்கிடையே அப்துல் ஷமாத் 10, அதிரடியான ஆட்டத்தை வெளிப்படுத்திய கேப்டன் பேட் கம்மின்ஸ் 15 பந்துகளில் 31 ரன்கள் அடித்து வெளியேறினர்.

கடைசி வரை பேட் செய்த ஷமாத் 40 ரன்கள் எடுத்து அவுட்டாகாமல் இருந்தார்.

கேமரூன் க்ரீன் கலக்கல்

பேட்டிங்கில் 37 ரன்கள் எடுத்த கேமரூன் க்ரீன், பவுலிங்கில் 2 ஓவர்கள் வீசி 12 ரன்கள் விட்டுக்கொடுத்து 2 விக்கெட்டுகளை சாய்த்தார். ஸ்பின்னர் கரன் ஷர்மா 4 ஓவரில் 29 ரன்கள் மட்டும் விட்டுக்கொடுத்து 2 விக்கெட்டுகளை எடுத்தார்.

இம்பேக்ட் வீரராக களமிறக்கப்பட்ட ஸ்வப்னில் சிங் 3 ஓவரில் 40 ரன்கள் வாரி வழங்கியபோதிலும் 2 விக்கெட்டுகளை கைப்பற்றினார்.

அதேபோல் விக்கெட்டுகள் வீழ்த்திவில்லை என்றாலும் 4 ஓவரில் 20 ரன்கள் மட்டும் விட்டுக்கொடுத்து சிக்கனமாக பந்து வீசி சன் ரைசர்ஸ் பேட்ஸ்மேன்களுக்கு நெருக்கடி கொடுத்தார்.

எஞ்சிய 6 போட்டிகளிலும் கட்டாயம் வெற்றி பெற்றாக வேண்டிய நிலையில் களமிறங்கிய ஆர்சிபி அணிக்கு இந்த வெற்றி நிம்மதி பெருமூச்சாக அமைந்துள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.