திருட்டு பழி..தூக்கில் தொங்கிய அம்மா..சாமுண்டீஸ்வரி கதைக்கு பின் கார்த்திக் என்ன செய்கிறார்? கார்த்திகை தீபம் இன்று

அவமானம் தாங்க முடியாமக் சிவகாமி தற்கொலை

கோயிலில் நகை காணாமல் போன நிலையில், அந்த நகையை தேடும் போது சிவகாமி வீட்டின் வாசலில் ஒரு நகை கிடைக்கிறது. இதனால் ராஜா சேதுபதி, சிவகாமி தான் நகை திருடியதாக தவறாக புரிந்து கொள்கிறார்.

சிவகாமியை பார்த்து உனக்கு வேலை போட்டு கொடுத்து வீட்டில் தங்க வைத்தால் இப்படி பண்ணிட்டியேமா என்று கேட்கிறார். இதனால் அவமானம் தாங்காத சிவகாமி வீட்டுக்குள் ஓடிப்போய் தூக்கிட்டு தற்கொலை செய்து கொள்கிறாள்.

அதன் பிறகு நாங்கள் அங்கு தனி மரமாக நின்னுட்டோம். நீயே சொல்லு குடும்பத்துல இப்படி நடந்தா எப்படி இருக்கும்? என சாமுண்டீஸ்வரி கார்த்தியை பார்த்து கேள்வி கேட்கிறாள்.

இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

சிவனான்டி அப்பாவை கொன்றதற்கான காரணத்தை சாமுண்டீஸ்வரி கார்த்திக்கிடம் சொல்லுகிறார். அப்போது பிளாஷ்பேக் காட்சியில், சாமூண்டீஸ்வரியின் அம்மவான சிவகாமி பிரசவ வலியில் ஹாஸ்பிடலில் அனுமதிக்கப்பட்டு இருக்கிறார். அவருக்கு சாமுண்டீஸ்வரி உட்பட ஏற்கனவே மூன்று மகள்கள் இருக்கும் நிலையில், நான்காவதாக பெண் குழந்தை பிறக்கிறது.

இதனால், கடுப்பான சிவகாமியின் கணவர் குழந்தையை தூக்கி வீசி கொன்று விட்டு வீட்டையும் கொளுத்துகிறான். இதனால், இவர்கள் செல்ல இடம் இல்லாமல் தவிக்கின்றனர். இந்த சமயத்தில் சாமுண்டீஸ்வரியின் குடும்பத்தை அழைத்துச் செல்லும் பரமேஸ்வரி, கோயிலுக்கு சொந்தமான ஒரு வீட்டில் தங்க வைக்கின்றனர். இதையடுத்து, சாமுண்டீஸ்வரி குடும்பம் மொத்தமும் அங்கேயே செட்டிலாக சில வருடங்களாக வாழ்ந்து வருகின்றனர்.

இந்த நேரத்தில் தான் பெரிய மனுஷி ஆனேன், என் சடங்கை அம்மா எல்லாரையும் கூட்டி செய்ய வேண்டும் என்று ஆசைப்பட்டார்கள். இதனால், அனைவரையும் வீட்டுக்கு அழைத்து இருந்தார்கள். அப்போது, ராஜசேதுபதி மாமா, என் கணவரின் அப்பா தான் எனக்கு எல்லாத்தையும் செய்து என் குடும்பத்தையும் பார்த்துக்கொண்டு இருந்தார்.

சிவகாமி மீது விழுந்த திருட்டு பழி

இந்த நேரத்தில் தான் கோயிலில் நகைகள் திருட்டு போனது. அந்த நகையை யார் எடுத்து இருப்பார்கள் என்று பஞ்சாயத்து போய் கொண்டு இருந்தது. ஒரு பக்கம் நகைகளை தேடும் பணிகள் தீவிரமாக நடக்க, என் வீட்டில் சடங்குக்கான வேலை நடந்துக்கிட்டு இருந்தது. அப்போது, எங்க வீட்டில் கோவிலில் திருடு போன நகை இருந்ததை பார்த்த ஒரு பெண், அதை ராஜ சேதுபதியிடம் கொடுத்தார்.

ஒரு நகை இங்கே இருக்கிறது என்றால், மற்ற நகையும் இங்கே தான் இருக்கும் என்று பஞ்சாயத்தை கூட்டி என் குடும்பத்தை அசிங்கப்படுத்தினார்கள். இதனால்,என் குடும்பத்தின் மீது திருட்டுப்பழி வந்து விழுந்துவிட்டது என்கிறாள்.

இதைத்தொடர்ந்து இன்றைய எபிசோடில் நகை திருட்டு பழி அவமானம் தாங்காமல் சிவகாமி இறந்துவிடுவது போன்ற காட்சிகள் இடம்பிடிக்கின்றன.