சூப்பர் ஸ்டார் ரஜினி ரசிகர்களுக்கு செம நியூஸ்.. காத்திருந்தது போதும்.. வேட்டையன் ஓடிடி ரிலீஸ் தேதி வெளியானது!

இந்த படத்தில் போலீஸ் அதிகாரியாக ரஜினிகாந்த் நடித்திருந்தார். இவர் என்கவுன்ட்டர் ஸ்பெஷலிஸ்ட். கன்னியாகுமரி எஸ்பியாக உள்ளார். வழக்கறிஞர் சத்யதேவாக நடித்த அமிதாப் பச்சன் என்கவுன்ட்டருக்கு எதிரானவர். இந்த படத்தில் தவறு செய்வோரை என்கவுன்ட்டரில் ரஜினி சுட்டு விடுகிறார். அது போல் கன்னியாகுமரி மாவட்டத்தில் அரசு பள்ளியில் கணினி ஆசிரியையாக துஷாரா விஜயன் நடித்துள்ளார்.

விமர்சன அடிப்படையில் கலவையான வரவேற்பைப் பெற்ற வேட்டையன் ரஜினி ரசிகர்களை ஏமாற்றவில்லை. ரஜினி வசனம் பேசிய விதம் ரசிகர்களை கவர்ந்தது. தற்போது தியேட்டர்களில் பார்த்த ரசிகர்கள் மீண்டும் ஓடிடியில் பார்க்க காத்திருக்கின்றனர். எல்லாம் திட்டமிட்டபடி நடந்தால், தீபாவளியை முன்னிட்டு நேற்று (அக்டோபர் 31) வேட்டையன் ஓடிடியில் வருவதாக இருந்தது. ஆனால், சில காரணங்களால் தள்ளிப்போனது. தற்போது அதிகாரப்பூர்வ தேதி வெளியாகியுள்ளது.

வேட்டையன் ஓடிடி ரிலீஸ்

நவம்பர் 8 ஆம் தேதி பிரைம் வீடியோவில் ரஜினிகாந்தின் 'வேட்டையன்' திரையிடப்படும் என்று அமேசான் பிரைம் வீடியோ தனது சமூக ஊடக தளத்தில் அறிவித்துள்ளது. அதாவது, எட்டு நாட்களில் வேட்டையன் தமிழ், தெலுங்கு, கன்னடம், மலையாளம் மற்றும் இந்தி மொழிகளில் ஓடிடி-யில் பார்க்கலாம்.

இதற்கிடையில், பாக்ஸ் ஆபிஸில் ஐந்து மொழிகளில் ஓடிடியில் அறிமுகமாகும் வேட்டையன் ரூ.160 கோடி செலவில் தயாரிக்கப்பட்டது மற்றும் வருவாய் கணக்கீடுகளைப் பார்த்தது, ரூ .250 கோடியை மட்டுமே வசூலித்தது. 'வேட்டையன்' படத்திற்கு அனிருத் ரவிச்சந்தர் இசையமைத்துள்ளார். இப்படத்தை லைகா புரொடக்ஷன்ஸ் சார்பில் சுபாஸ்கரன் தயாரிக்கிறார். ரோபோ 2.0, தர்பார் மற்றும் லால் சலாம் படங்களைத் தொடர்ந்து, லைகா புரொடக்ஷன்ஸ் நான்காவது படமான வேட்டையனையும் தயாரித்துள்ளது.

அமிதாப்புக்கு பிரகாஷ் ராஜ் குரல்?

இந்த படத்தில் ஆரம்பத்தில் அமிதாப்புக்கு பிரகாஷ் ராஜ் குரல் டப் செய்யப்பட்டு வெளியானது. ஆனால் இதற்கு பலர் எதிர்ப்பு தெரிவிக்கவே நடிகர் மணிகண்டனை வைத்து செயற்கை நுண்ணறிவில் அமிதாப்பின் குரல் உருவாக்கப்பட்டது. இதற்கு நிறைய வரவேற்பு கிடைத்துள்ளது.

கூலி படத்தைத் தொடர்ந்து லோகேஷ் கனகராஜ் இயக்கத்தில் மல்டி ஸ்டாரர் 'கூலி' படத்தில் நடித்து வருகிறார் ரஜினிகாந்த். இப்படத்தின் படப்பிடிப்பு ஏற்கனவே தொடங்கியுள்ளது, கன்னட ரியல் ஸ்டார் உபேந்திராவும் படத்தில் ஒரு பகுதியாக உள்ளார்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.