‘துப்பாக்கியை கைல வாங்கிட்டார்ல’ சிவகார்த்திகேயன் உடன்இணைவது எப்போது? - அமரன் மேடையில் லோகேஷ் கனகராஜ் பதில்!

அவர் எனக்கு சீனியராக இருக்கிறார். அப்படி இருக்கும் போது, நீங்கள் அப்படி செய்யுங்கள், இப்படி செய்யுங்கள் என்று அட்வைஸ் செய்து விட்டு, சென்று இருக்கலாம். ஆனால் அவர் அப்படி செய்யவில்லை. அவர் பேசியதில் இருந்து நான் புரிந்து கொண்டது என்னவென்றால், ஒரு விமர்சனம் நம் மீது வைக்கப்பட்டால், முதலில் அதற்குள் இருக்கும் அர்த்ததை பார்க்க வேண்டும் என்பதுதான். படம் சரியாக இல்லை என்று விமர்சனம் செய்தால், படத்தை சரியாக கொடுக்க வேண்டும் என்று அர்த்தம். ஆனால், நம்மையே காலி.. என்று விமர்சனம் வருகிறது என்றால், அதை நம்ப கூடாது. அதை நான் அன்றைக்குதான் புரிந்து கொண்டேன்.” என்று பேசினார்.

இதற்கிடையே கோட் திரைப்படத்தில் நடித்ததற்காக நடிகர் விஜய் சிவகார்த்திகேயனுக்கு வாட்ச் ஒன்றை பரிசாக வழங்கினார். இந்த நிலையில் நேற்றைய தினம் சென்னையில் நடந்த அமரன் ஆடியோ வெளியீட்டு விழாவில், அவரிடம் கோட் படத்தின் போது விஜய் கொடுத்த துப்பாக்கி அல்லது வாட்ச் இதில் உங்களின் ஸ்பெஷல் எது என்று தொகுப்பாளர் கேட்டார். அதற்கு சிவகார்த்திகேயன் ‘தளபதி கொடுத்த அன்பு ஸ்பெஷல்’ என்று பதிலளித்தார்.

சிவகார்த்திகேயன் நடிப்பில், ‘ரங்கூன்’ புகழ் ராஜ்குமார் பெரியசாமி இயக்கத்தில் உருவாகி இருக்கும் திரைப்படம் அமரன். India's Most Fearless: True Stories of Modern Millitary புத்தகத்தில் இடம் பெற்ற மேஜர் முகுந்த் வரதராஜன் வாழ்க்கை வரலாற்று அடிப்படையாகக்கொண்டு இந்தப்படம் உருவாக்கப்பட்டு இருக்கிறது.

மலேசியாவில் நடந்த ‘அமரன்’ புரோமோஷன் நிகழ்வில், இந்தக்கதைக்கு சிவகார்த்திகேயனை கதாநாயகனாக தேர்ந்தெடுத்தது ஏன் என்பதற்கான காரணத்தை ராஜ்குமார் பெரியசாமி பேசி இருந்தார். 

ஏன் சிவகார்த்திகேயன்?

அவர் பேசும் போது, “ முகுந்த் வரதராஜன் கதாபாத்திரத்தில் நான் யாரை வேண்டுமென்றாலும் நடிக்க வைத்திருக்கலாம். ஆனால் எனக்கு ஒரு சராசரி மனிதனின் முகம் தேவைப்பட்டது. அவர் ஒரு சராசரி மனிதனுக்கான அடையாளத்தை அவர் பிரதிபலித்ததால் அவரை அந்த கதாபாத்திரத்திற்கு தேர்ந்தெடுத்தேன். இன்னும் 10 வருடம் கழித்து, இன்னும் பெரிய நட்சத்திர அந்தஸ்தில் சிவா இருந்தாலும் கூட, அவருக்கு அந்த சராசரி மனிதனுக்கான அடையாளம் இருக்கும்.” என்று பேசினார்.

இப்படத்தை கமல்ஹாசனின் ராஜ்கமல் ஃபிலிம்ஸ் இண்டர் நேஷனல் தயாரிப்பு நிறுவனத்தோடு சேர்த்து, சோனி பிக்சர்ஸ் இன்டர்நேஷனல் நிறுவனம் தயாரித்துள்ளது. சோனி பிக்சர்ஸ் இன்டர்நேஷனல் புரொடக்ஷன்ஸ், நிறுவனம் தமிழ் சினிமாவில் அறிமுகமாகும் படம் இது என்பது குறிப்பிடத்தக்கது. பிரபல இசையமைப்பாளர் ஜிவி பிரகாஷ் குமார் இந்தப்படத்திற்கு இசையமைக்கிறார்.படத்தின் பெரும்பாலான காட்சிகள் காஷ்மீரிலும், சில காட்சிகள் சென்னை, புதுச்சேரி மற்றும் கேரளாவிலும் எடுக்கப்பட்டதாகத் தெரிகிறது.