Rajinikanth : ரஜினி உடல்நிலை.. கூலி படத்திற்கு ஏதேனும் சிக்கல் வருமா.. படப்பிடிப்பை திட்டமிட்டபடி நடத்துவாரா லோகேஷ்!

அடிவயிறுப் பகுதியில் ஏற்பட்ட வீக்கம்

இந்தநிலையில் ரஜினிகாந்த் உடல்நலக் குறைவு காரணமாக நேற்று முன்தினம் சென்னையில் உள்ள ஆயிரம் விளக்கு அப்பல்லோ மருத்துவமனையில் அனுமதிக்கப்பட்டார். நடிகர் ரஜினிகாந்த் அவரது அடிவயிறுப் பகுதியில் ஏற்பட்ட வீக்கம் காரணமாக சென்னை அப்பல்லோ மருத்துவமனையில் அனுமதிக்கப்பட்டார் என்று கூறப்பட்டது. 

அதேபோல பரிசோதனைக்காக இதய சிகிச்சை நிபுணரிடம் அனுமதி கேட்டிருக்கும் காரணத்தால் முன்கூட்டியே அனுமதிக்கப்பட்டார் என்றும் தகவல் வெளியானது. இந்தநிலையில் ரஜினிகாந்த் உடல்நிலை குறித்து அப்பல்லோ மருத்துவமனை நிர்வாகம் அறிக்கை வெளியிட்டுள்ளது.

அப்பல்லோ மருத்துவமனை நிர்வாகம் அறிக்கை

நடிகர் ரஜினிகாந்த் 30 ஆம் தேதி சென்னை கிரீம்ஸ் ரோட்டில் உள்ள அப்பல்லோ மருத்துவமனையில் அனுமதிக்கப்பட்டார். அவரது இதயத்தை விட்டு வெளியேறும் பிரதான இரத்த நாளத்தில் அவருக்கு வீக்கம் ஏற்பட்டது. இது அறுவை சிகிச்சை அல்லாத, டிரான்ஸ்காதெட்டர் முறை மூலம் சிகிச்சையளிக்கப்பட்டது. 

மூத்த இருதயவியல் மருத்துவர் சாய் சதீஷ் ரஜினிகாந்தின் ரத்தக் குழாயில் ஸ்டண்ட் வைத்து வீக்கத்தை முழுவதுமாக சரி செய்தார். ரஜினிகாந்துக்கான சிகிச்சை திட்டமிட்டப்படி நடந்துள்ளது என்பதை ரஜினிகாந்த் நலம் விரும்பிகள் மற்றும் ரசிகர்களிடம் தெரிவித்துக் கொள்கிறோம். ரஜினிகாந்த் உடல்நிலை சீராக உள்ளது, 2 நாட்களில் வீடு திரும்புவார்”  என அந்த அறிக்கையில் குறிப்பிடப்பட்டுள்ளது.

உடல் ரீதியாக சில சிக்கல்கள்

ரஜினிக்கு  உடல் ரீதியாக சில சிக்கல்கள் இருந்ததாக சொல்லப்படுகிறது. அதன்படி, அவருக்கு அடி வைத்து பகுதியில் வலி, முதுகு வலி உள்ளிட்ட அறிகுறிகள் இருந்த நிலையில், வீக்கம் அதிகமானதையடுத்து, ரஜினிகாந்த் இந்த சிகிச்சை முறையை மேற்கொண்டு இருக்கிறார் என்று மருத்துவமனை வட்டாரத்தில் சொல்லப்படுகிறது. 

கூலி படத்திற்கு ஏதேனும் சிக்கலா?

ரஜினிக்கு உடல்நலக்குறைவு ஏற்பட்டு இருப்பதால் கூலி படத்திற்கு ஏதேனும் சிக்கல் வருமா என்ற சந்தேகம் ரசிகர்கள் மத்தியில் இருந்து வந்தது. ஆனால் லோகேஷ் கூலி படப்பிடிப்பை திட்டமிட்டபடி நடத்தி வருகிறாராம். ரஜினி இல்லாத காட்சியை தற்போது லோகேஷ் படமாக்கி வருகிறாராம். மேலும் அக்டோபர் 17 ஆம் தேதி கூலி படத்தின் அடுத்தகட்ட படப்பிடிப்பு சென்னையில் நடைபெற இருக்கின்றதாம். 

அந்த படப்பிடிப்பில் ரஜினி கலந்துகொள்ள இருப்பதாக தகவல்கள் வெளியாகி வருகிறது. ஒரு வாரம் ஓய்வில் இருந்துவிட்டு ரஜினி அக்டோபர் 17 ஆம் தேதி கூலி படப்பிடிப்பில் கலந்துகொள்வார் என தகவல் வந்துள்ளது. ஆனால் இந்த தகவல் எந்தளவிற்கு உண்மை என தெரியவில்லை. 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.