தமிழர்களைக் குறிவைக்கும் தக் ஃலைப்.. மணிரத்னம் போடும் பிளான்.. முடிவான ரிலீஸ் தேதி

 தீபாவளி ரேஸ்

தீபாவளி ரேஸில் சிவகார்த்திகேயனின் அமரன், கவனின் பிளடி பெக்கர், துல்கர் சல்மானின் லக்கி பாஸ்கர் போன்ற திரைப்படங்கள் உள்ள நிலையில், தக் ஃலைப் திரைப்படத்தின் ரிலீஸ் தள்ளிப் போனது. இதையடுத்து, சூர்யாவின் கங்குவா, அஜித்தின் விடாமுயற்சி போன்ற படங்கள் திரைக்கு வரும் என அறிவிக்கப்பட்டதால் கமல் ஹாசன்- மணிரத்னம் கூட்டணியில் உருவான தக் ஃலைப் திரைப்படம் எப்போது வெளியாகும் என்ற தகவல் வெளியாகாமலே இருந்தது.

தக் ஃலைப் ரிலீஸ்

இந்நிலையில், தற்போது தக் ஃலைப் திரைப்படம் தமிழ் புத்தாண்டை முன்னிட்டு வரும் ஏப்ரல் மாதம் 10ம் தேதி வெளியாகும் என தகவல்கள் கசிந்த வண்ணம் உள்ளது. ஆனால், தற்போது வரை இதுகுறித்து எந்த அதிகாரப்பூர்வமான தகவல்களும் வெளிவரவில்லை.

மீண்டும் இணைந்த கூட்டணி

மணிரத்னம் இயக்கும் படங்களுக்கு மக்கள் மத்தியில் பயங்கர எதிர்பார்ப்பு இருக்கும் நிலையில் நடிகர் கமல்ஹாசன்- இயக்குநர் மணிரத்னம் கூட்டணியில் 30 ஆண்டுகளுக்குப் பிறகு உருவாகிவரும் திரைப்படம் தக் லைஃப். இவர்கள் இருவரின் கூட்டணியில் இதற்கு முன் வெளியான நாயகன் படம் இன்றளவும் மக்களிடம் நல்ல வரவேற்பை பெற்ற நிலையில், இந்தப் படத்திற்கான எதிர்பார்ப்பும் ரசிகர்களிடையே அதிகரித்துள்ளது.

படப்பிடிப்பு

கேங்ஸ்டர் கதைக்களத்தில் உருவாகிவரும் தக் லைஃப் திரைப்படத்தின் படப்பிடிப்பு சென்னை, ஹைதராபாத், பாண்டிச்சேரி, ரஷ்யா உள்ளிட்ட பகுதிகளில் நடைபெற்று வந்த நிலையில், மொத்த படத்திற்கான படப்பிடிப்பும் நிறைவடைந்து விட்டதாக படக்குழு தற்போது அறிவித்துள்ளது. இதையடுத்து, டப்பிங், எடிட்டிங் உள்ளி போஸ்ட் ப்ரொடக்ஷன் பணிகளையும் படக்குழு தீவிரப் படுத்தியுள்ளது.

கதாநாயகியே இல்லாத கமல்

தக் லைஃப் படத்தில் கமல் ஹாசனின் வளர்ப்பு மகனாக சிம்பு நடிப்பதாகவும், சிம்புவின் ஜோடியாக திரிஷா நடிப்பதாகவும் தகவல்கள் வெளியாகியுள்ளது. இதையடுத்து, படத்தில் கமல் ஹாசனுக்கு ஜோடியாக யாரும் இல்லை எனவும் தெரிகிறது. இந்தப் படத்திற்கான அறிவிப்பில் கமல் ஹாசன் தனது பெயரை ரங்கராய சக்திவேல் நாயக்கர் என குறிப்பிடும் வசனமே பலராலும் பேசப்பட்டது.

இப்படத்தில் அபிராமி, வையாபுரி உள்ளிட்டோர் முக்கிய கதாப்பாத்திரங்களை ஏற்று நடிக்கின்றனர். மேலும் இப்படத்திற்கு ஏ.ஆர். ரஹ்மான் இசையமைக்கும் நிலையில், ரவி கே. சந்திரன் இதற்கு ஒளிப்பதிவு செய்கிறார்.

கொண்டாட்டம்

தக் லைஃப் படத்தின் நாயகனான கமல் சினிமாவிற்கு அறிமுகமாக 65 ஆண்டுகள் ஆனதை படக்குழுவினர் சிறப்பாக கொண்டாடினர். இந்திய சினிமாவில் தவிர்க்க முடியாத பெரும் புள்ளியாக உள்ள கமல் ஹாசன் இதுவரை 233 படங்களில் நாயகனாக நடித்துள்ளார் என்பது குறிப்பிடத்தக்கது.

புதிய சாதனை

இந்நிலையில், இந்த தக் லைஃப் திரைப்படத்தின் டிஜிட்டல் உரிமத்தை நெட்பிளிக்ஸ் நிறுவனம் 149 கோடியே 70 லட்ச ரூபாய்க்கு பெற்றுள்ளது. இதுவரை நெட்பிளிக்ஸ் தளத்தில் மற்ற படங்கள் பெற்ற டிஜிட்டல் உரிமைக்கான தொகையைக் காட்டிலும் இது மிக அதிகம் என்பதால் படக்குழுவினர் உற்சாகத்துடன் படத்தின் இறுதிகட்ட பணிகளில் ஈடுபட்டு வருகின்றனர்.