Thug Life: இனி அடுத்த கட்டம் தான்... தகவல் சொல்லி வீடியோ வெளியிட்ட தக் லைஃப் படக்குழு
Thug Life: இயக்கநர் மணிரத்னம்- நடிகர் கமல்ஹாசன் கூட்டணியில் தயாராகி வரும் தக் லைஃப் படத்தின் படப்பிடிப்புகள் அனைத்தும் நிறைவடைந்தது. இனிஅடுத்தகட்ட பணிகள் நடைபெறும் என படக்குழு அறிவித்துள்ளது.
இயக்குநர் மணிரத்னம் இயக்கத்தில் கமல்ஹாசன், சிம்பு உள்ளிட்ட நடிகர்கள் நடித்துள்ள தக் லைஃப் திரைப்படத்தின் படப்பிடிப்பு நிறைவு பெற்றதாக படக்குழு வீடியோ வெளியிட்டு அறிவித்துள்ளது.அந்த வீடியோவில் படப்பிடிப்பு தொடங்கியதிலிருந்து, முடியும் வரை எடுத்த சில புகைப்படங்களை வெளியிட்டுள்ளது.
மீண்டும் இணைந்த கூட்டணி
மணிரத்னம் இயக்கும் படங்களுக்கு மக்கள் மத்தியில் பயங்கர எதிர்பார்ப்பு இருக்கும் நிலையில் நடிகர் கமல்ஹாசன்- இயக்குநர் மணிரத்னம் கூட்டணியில் 30 ஆண்டுகளுக்குப் பிறகு உருவாகிவரும் திரைப்படம் தக் லைஃப். இவர்கள் இருவரின் கூட்டணியில் இதற்கு முன் வெளியான நாயகன் படம் இன்றளவும் மக்களிடம் நல்ல வரவேற்பை பெற்ற நிலையில், இந்தப் படத்திற்கான எதிர்பார்ப்பும் ரசிகர்களிடையே அதிகரித்துள்ளது.
படப்பிடிப்பு
கேங்ஸ்டர் கதைக்களத்தில் உருவாகிவரும் தக் லைஃப் திரைப்படத்தின் படப்பிடிப்பு சென்னை, ஹைதராபாத், பாண்டிச்சேரி, ரஷ்யா உள்ளிட்ட பகுதிகளில் நடைபெற்று வந்த நிலையில், மொத்த படத்திற்கான படப்பிடிப்பும் நிறைவடைந்து விட்டதாக படக்குழு தற்போது அறிவித்துள்ளது. இதையடுத்து, டப்பிங், எடிட்டிங் உள்ளி போஸ்ட் ப்ரொடக்ஷன் பணிகளையும் படக்குழு தீவிரப் படுத்தியுள்ளது.