கமலின் அடையாளம்..சென்னை மக்களை வெறுக்கிறேன்! பெயரையே மாற்றிக்கொண்டேன் - குண்டை தூக்கி போட்ட ஸ்ருதிஹாசன்

பிரபல யூடியூப்பரான மதன் கெளரியின் சாட் ஷோ ஒன்றில் தனது வாழ்ககை, சினிமா பயணம் குறித்த பல்வேறு விஷயங்களை பகிர்ந்திருந்தார் ஸ்ருதிஹாசன். அப்போது, எங்கு சென்றாலும் கமல்ஹாசனின் மகள் என்ற நிழல் என்னை சுற்றியே வந்ததால் சென்னை இருப்பதை வெறுத்ததாகவும், பிடிவாதமான பெற்றோர்களின் வளர்ப்பு எனது மற்றும் தங்கை அக்‌ஷ்ரா வாழ்க்கையில் தாக்கத்தை ஏற்படுத்தியது என்று நடிகை ஸ்ருதிஹாசன் கூறியுள்ளார்.

மதன் கெளரியுடனான உரையராடலின் போது நடிகை ஸ்ருதிஹாசன், "எனது பெற்றோராக கமல்ஹாசனும், சரிகாவும் இருப்பது பெருமை தான் என்றாலும், எனது தந்தையின் புகழ் சில சமயங்களில் சுமையாக உணர்கிறேன்.

என் பெயரை மாற்றிக்கொண்டேன்.

வளர்ந்து வரும் காலகட்டத்தில் கமல்ஹாசனை பற்றிய கேள்விகள் அடிக்கடி எதிர்கொண்டேன். பலரும் கமலின் மகள் என்று குறிப்பிடுவார்கள். இது ஒரு வித்தியாசமான அடையாளத்தை வழிவகுத்தது.

நான் ஸ்ருதி, எனக்கு என் சொந்த அடையாளம் வேண்டும் என்று நினைப்பேன். யாராவது கேட்டால், ‘இல்லை, என் அப்பா டாக்டர் ராமச்சந்திரன், அது எங்கள் பல் மருத்துவரின் பெயர். ‘நான் பூஜா ராமச்சந்திரன்’ என்று நான் என பெயரை உருவாக்கினேன்.

சென்னையில் இருப்பது பிடிக்கவில்லை

பிடிவாதமான நபர்களாக எனது தந்தை கமல் மற்றும் சரிகா ஆகியோர் இருந்தார்கள். இவர்களால் வளர்க்கப்பட்டது என்னையும், என் சகோதரியையும் கடுமையாக பாதித்தது. பெற்றோர்கள் பிரிந்த பிறகு மும்பைக்கு குடிபெயர்ந்தேன். இது சென்னைக்கு வெளியே வாழ்க்கையை அனுபவிக்க வாய்ப்பளித்தது.

எனது தந்தையின் புகழ் வெளிச்சத்திலிருந்து தப்பிப்பது கிட்டத்தட்ட சாத்தியமற்றதாக இருந்தது. இதன் காரணமாக சென்னையில் இருப்பதே எனக்கு பிடிக்கவில்லை. இங்குள்ளவர்களை பார்த்து வெறுப்பாக உணர்ந்தேன். இருப்பினும் எனக்கு கிடைத்திருக்கும் தந்தையின் மரபு ரீதியிலான பெருமையை ஒப்புக்கொள்கிறேன். "கமல் இல்லாமல் ஸ்ருதியை நான் கற்பனை கூட செய்ய விரும்பவில்லை." என்று கூறியுள்ளார்.

ரிலேஷன்ஷிப் குறித்து கோபமடைந்த ஸ்ருதி

சமூக வலைத்தளங்களில் ஆக்டிவ் ஆக இருக்கும் ஸ்ருதிஹாசன் ஒரு முறை இன்ஸ்டா லைவ் வந்தபோது, ரசிகர் ஒருவர் அவரது ரிலேஷன்ஷிப் ஸ்டேட்டஸ் குறித்து கேட்டார். அதற்கு கோபமான ஸ்ருதிஹாசன், “ இந்த கேள்விக்கு பதிலளிப்பதில் எனக்கு மகிழ்ச்சி இல்லைதான். ஆனால்...நான் இப்போது சிங்களாக இருக்கிறேன். வேறு ஒருவருடன் மிங்கிளாக தயாராக இருக்கிறேன்.

நான் என்னுடைய வேலையை மட்டும் பார்த்துக்கொண்டிருக்கிறேன். வாழ்க்கையை சந்தோஷமாக கழித்துக்கொண்டிருக்கிறேன்.. போதுமா” என்று பேசினார். இதன் மூலம் அவர், டூடுல் கலைஞர், ஓவியரான சாந்தனு ஹசாரிகாவுடனான எனபவருடன் உறவில் இருந்து வந்த ஸ்ருதிஹாசன், அவரை பிரேக் அப் செய்திருப்பதை உறுதி செய்தார்.

ஸ்ருதிஹாசன் படங்கள்

ஸ்ருதிஹாசன் தற்போது லோகேஷ் கனகராஜ் இயக்கி வரும் கூலி படத்தில் சூப்பர் ஸ்டார் ரஜினிகாந்துடன் இணைந்து நடித்து வருகிறார். ஆங்கிலம் மற்றும் தமிழில் உருவாகும் சென்னை ஸ்டோரி என்ற படத்திலும் நடிக்கிறார். அத்துடன் தெலுங்கு மற்றும் தமிழில் உருவாகி வரும் டகோயிட்: ஏ லவ் ஸ்டோரி என்ற படத்திலும் நடித்துள்ளார்.

கடந்த ஆண்டு வெளியாகி சூப்பர் ஹிட்டான சலார் முதல் பாகத்தில் நடித்திருந்த ஸ்ருதிஹாசன், அதன் இரண்டாம் பாகத்திலும் நடிக்கவுள்ளார்.