கலவரத்துக்கு மத்தியில் கோவில் விசிட் அடித்த த்ரிஷா.. பக்தியா? பயமா? நெட்டிசன்கள் கிண்டல்..
கோவையில் உள்ள மருதமலை முருகன் கோவிலில் நடிகை த்ரிஷா சாமி தரிசனம் செய்த நிலையில், நெட்டிசன்கள் அவரை கிண்டல் செய்து வருகின்றனர்.
நடிகை கீர்த்தி சுரேஷின் திருமணம் டிசம்பர் 12ஆம் தேதி கோவாவில் நடைபெற்றுள்ளது. நடிகை கீர்த்தி சுரேஷ் தனது 15ஆண்டுகால நண்பர் ஆண்டனி தட்டில் என்பவரை காதலித்து மணமுடித்துள்ளார்.
கீர்த்தி திருமணத்தில் த்ரிஷா
கோவாவில் நடைபெற்ற கீர்த்தி சுரேஷின் திருமணத்திற்கு நெருங்கிய நண்பர்களுக்கும் உறவினர்களுக்கும் மட்டும் அழைப்பு விடுக்கப்பட்டதாக தெரவிக்கப்பட்ட நிலையில், இந்த திருமணத்தில் நடிகர் விஜய்யும் த்ரிஷாவும் பங்கேற்றனர். இது தமிழ் சினிமா ரசிகர்கள் மத்தியில் பேசு பொருளான நிலையில், தற்போது இவர்கள் இருவரும் ஒரே விமானத்தில் பயணம் செய்தது தான் எங்கு பார்த்தாலும் செய்தியாக இருந்து வருகிறது.
விஜய்யை விமர்சித்த கட்சியினர்
சமீபத்தில் திருவண்ணாமலை மலைச்சரிவு, விழுப்புரம், கள்ளக்குறிச்சி, கடலூர் பகுதிகளில் ஏற்பட்ட வெள்ளப்பெருக்கின்போது, பாதிக்கப்பட்ட களத்திற்குச் செல்லாத தமிழக வெற்றிக் கழகத்தின் தலைவரும் நடிகருமான விஜய், பாதிக்கப்பட்ட மக்களை அழைத்து அவரது பனையூர் அலுவலகத்தில் வைத்து நிவாரணப்பொருட்களை வழங்கினார். இதை சில அரசியல் கட்சியினர் விமர்சித்தனர்.