நான் வில்லனா? எல்சியூவில் இணைய ஆசையா இருக்கு.. ஆனா யாரும் என்ன கூப்பிடலையே! பென்ஸ் படம் குறித்து மாதவன் கருத்து

மாதவன் விளக்கம்

தமிழ் சினிமாவில் சாக்லேட் பாய் ஹீரோவாக இருந்து வந்த மாதவன்,சில படங்களில் வில்லனாகவும் நடித்துள்ளார். இதையடுத்து பென்ஸ் படத்தில் அவர் வில்லனாக நடிக்க இருப்பதாகவும், இந்த படம் லோகேஷ் கனகராஜ் எல்சியூ உடன் தொடர்புடையதாக இருக்கும் எனவும் கூறப்பட்டது. இந்த தகவல் ரசிகர்களை குஷிப்படுத்திய நிலையில் ரசிகர்களும் ஃபயர் விட்டு கொண்டாடியதோடு, படம் மீது ஆர்வம் ஏற்பட்டிருப்பதாக கூறி வந்தனர்.

இதைத்தொடர்ந்து நடிகர் மாதவன் தனது எக்ஸ் பக்கத்தில், பென்ஸ் படத்தின் தான் நடிப்பது குறித்து வெளியாகியிருக்கும் செய்தியை பகிர்ந்து "என்னை பற்றிய இந்த செய்தி பார்க்க ஆர்வமாக உள்ளது. நான் இந்த யூனிவெர்சஸில் அங்கம் வகிக்க விரும்புகிறேன். ஆனாலும் இந்த செய்தி எனக்கு ஆச்சர்யம் அளிப்பதாக உள்ளது. இந்த செய்து பற்றி எந்த யூகமும் இல்லை" என சிரிப்பு எமோஜியுடன் பகிர்ந்துள்ளார்.

இதன் மூலம் அவர் எல்சியூ யுனிவெர்ஸிலும், பென்ஸ் படத்திலும் கமிட்டாகவில்லை என்பதை உறுதிபடுத்தியுள்ளார்.

ரசிகர்கள் கருத்து

மாதவனின் இந்த எக்ஸ் பதிவை அடுத்த ஷாக்கான ரசிகர்கள் பலர், லோகேஷ் கனகராஜை டேக் செய்து, "நீங்கள் மேற்கூறிய தகவலை உண்மையாக்க வேண்டும். மாதவனை உங்கள் யுனிவெர்ஸில் கொண்டு வர வேண்டும். இதை எப்படியாவது செய்யுங்கள்" என ரசிகர் ஒருவர் தனது விருப்பத்தை தெரிவித்துள்ளார். அதேபோல் மற்றொரு " இந்த வதந்தியை நிஜமாக்க வேண்டும். லேகேஷ் கனகராஜ் மட்டும் இதை சாத்தியமாக்க முடியும்" என்று குறிப்பிட்டுள்ளார்.

அதேசமயம் மற்றொரு ரசிகர் தனது ஏமாற்றத்தை , "அடடா, உங்களை ஒரு தீய வில்லனாக பார்ப்பது வேடிக்கையாக இருந்திருக்கும்" என தெரிவித்துள்ளார். "உங்களுக்கும் #ரோலெக்ஸுக்கும் இடையே கடுமையான சண்டையை எதிர்பார்க்கிறோம்" என மற்றொரு ரசிகரும் கருத்து தெரிவித்துள்ளார்.

பென்ஸ் படம்

லேகேஷ் கனகராஜ் இயக்காமல் அவரது எல்சியூ யுனிவெர்ஸில் உருவாகும் முதல் படமாக பென்ஸ் இருந்து வருகிறது. அவர் படம் இயக்காவிட்டாலும் கதை எழுதியிருப்பதுடன், படத்தை தயாரிக்கவும் செய்கிறார். இந்த ஆண்டு ஏப்ரல் மாதம் படம் குறித்து அறிவிக்கப்பட்டது. அக்டோபர் மாதம் ராகவா லாரன்ஸ் பிறந்தநாளில் படத்தின் ஃபர்ஸ்ட் லுக் வெளியிடப்பட்ட ரசிகர்கள் மத்தியில் வரவேற்பை பெற்றது.

லோகேஷ் கனகராஜ் தற்போது சூப்பர் ஸ்டார் ரஜினிகாந்தை வைத்து கூலி படத்தை இயக்கி வருகிறார். அதேபோல் நடிகர் மாதவன் டெஸ்ட் என்ற தமிழ் படத்திலும் ஷங்கரா, துரந்தர் போன்ற பாலிவுட் படங்களிலும் நடித்து வருகிறார். இந்த ஆண்டில் மாதவன் நடிப்பில் வெளியான சைத்தான் ரசிகர்கள் மத்தியில் வரவேற்பை பெற்றது. திகில் கலந்த திரில்லர் படமாக அமைந்திருந்த சைத்தான் படத்தில் அவர் வில்லத்தனமான கதாபாத்திரத்தில் தோன்றியிருப்பார்.