படப்படிப்பில் நிஜமாக நடந்த விபத்து..! மாதவன் வீட்டில் அஜித்குமார்..ஷாலினியுடன் செஃல்பி - வைரல் புகைப்படம்

அதாவது பரஸ்பரம் இருவரும் முறையே வீட்டு விசேஷங்களில் பங்கேற்பது, குடும்பத்தினர் ஒன்று கூடி நேரத்தை கழிப்பது என திரையில் முட்டி மோதும் ஹீரோக்கள் பலரும் இருந்து வருகிறார்கள்.

அந்த வகையில் சினிமாவுக்கு வெளியே நடிகர்கள், டெக்னீஷியன்கள் என சினிமாத்துறையை சேர்ந்த பலரிடமும் நட்பு பாராட்டும் ஹீரோக்களில் முக்கியமானவராக அஜித்குமார் இருந்து வருகிறார். சினிமா பிரபலங்கள் பல்வேறு பேட்டிகளில், சினிமாவுக்கு வெளியே அஜித் பழகும் விதம் குறித்து வெளிப்படையாக பேசி இருப்பதே இதற்கு சான்று

மாதவன் வீட்டில் அஜித்

விஜய் - அஜித் என இருவரும் தமிழ் சினிமாவில் முன்னணி நடிகர்களாக உருவெடுத்த காலகட்டத்தில் ஹீரோவாக அறிமுகமான மாதவன், தனக்கென தனியொரு ரசிகர் வட்டத்தையும் உருவாக்கி கொண்டவராக மாறினார்.

தற்போது தனக்கு பொருத்தமான கதைகளை தேர்ந்தெடுத்து நடித்து வரும் மாதவனுக்கு துபாயில் வீடு உள்ளது. இதையடுத்து மாதவனின் வீட்டுக்கு அஜித்குமார் திடீர் விசிட் அடித்துள்ளார்.

இந்த சந்திப்பின்போது மாதவன் குடும்பத்தினருடன் இணைந்து அஜித்குமார் புகைப்படம் எடுத்துக்கொண்டார். இந்த புகைப்படம் சமூக வலைத்தளங்களில் வெளியாகி வைரலாகியுள்ளன. தீபாவளி கொண்டாட்டத்தின்போது இந்த சந்திப்பு நிகழ்ந்திருப்பதாக கூறப்படுகிறது. மாதவனுடன் இணைந்து அஜித்தும் தனது குடும்பத்துடன் தீபாவளி கொண்டாட்டத்தில் ஈடுபட்டதாக தகவல்கள் உலா வருகின்றன.

இருவரும் இணைந்து சினிமாக்களில் நடிக்கவில்லை என்றாலும், சினிமாவுக்கு வெளியே நல்ல நட்புடனே இருந்து வருவது இரு நடிகர்களின் ரசிகர்களையும் மகிழ்ச்சியில் ஆழ்த்தியுள்ளது.

என்றென்றும் புன்னகை

இதற்கிடையே ஏற்கனவே தனது இன்ஸ்டா பதிவில் அஜித்தின் மனைவியும், நடிகையுமான ஷாலினி, "என்றென்றும் புன்னகை" என்று கேப்ஷனில் மாதவனுடன் எடுத்துக்கொண்ட செஃல்பி புகைப்படத்தை பதிவிட்டுள்ளார்.

மாதவன் தமிழில் ஹீரோவாக அறிமுகமான அலைபாயுதே படத்தில் அவருடன் ஜோடியாகத நடித்தது ஷாலினிதான். அந்த வகையில் தமிழில் தனது முதல் ஹீரோயினான ஷாலினியோடு எடுத்துக்கொண்ட இந்த செஃல்பியும் இணையத்தில் வட்டமடித்து வருகிறது.

பிஸியாக நடித்து வரும் அஜித்

அஜித்குமார் தற்போது விடாமுயற்சி, குட் பேட் அக்லி என இரு படங்களிலும் நடித்து வருகிறார். இதில் விடா முயற்சி படம் முடியும் தருவாயில் உள்ளது. படம் வரும் பொங்கலுக்கு ரிலீஸ் செய்ய திட்டமிட்டு வருகிறார்களாம். இதற்கிடையே சர்வதேச ரேஸ் போட்டியில் பங்கேற்க போவதாக அறிவித்திருக்கும் அஜித், அதற்கான பயிற்சி, புதிய கார்கள் வாங்குவது என துபாயில் முகாமிட்டுள்ளதாக தகவல்கள் தெரிவிக்கின்றன. இந்த நேரத்தில் தீபாவளி கொண்டாட்டத்துக்காக சென்னை வருகை புரியாமல் துபாயில் வைத்தே, மாதவன் வீட்டில் அஜித் கொண்டாடியிருப்பதாக தெரிகிறது.

படப்பிடிப்பில் நிஜமாகவே நடந்த விபத்து

அஜித்குமார் நடிப்பில் உருவாகி வரும் விடாமுயற்சி படம் குறித்து ஸ்டண்ட் மாஸ்டர் சுப்ரீம் சுந்தர் அளித்த பேட்டியில், "விடாமுயற்சி படம் தாமதத்துக்கு லொகேஷன் தான் காரணம். தட்பவெப்ப நிலை காரணமாக பல நாட்கள் படப்பிடிப்பு ஒத்திவைக்கப்பட்டது. படப்பிடிப்பின் போது உண்மையாகவே விபத்து நடந்தது, ஆனால் அந்த விபத்தையும் ஆக்சன் ஆக மாற்றி மெருகேற்றுகிறோம்.

அஜித்தை ஒவ்வொரு காட்சியிலும் இயக்குனர் மகிழ் திருமேனி செதுக்கியுள்ளார், கதைக்கான விஷயத்தில் எந்த காம்ப்ரமைஸும் செய்யாமல் முழு ஈடுபாட்டுடன் படம் எடுக்கப்பட்டது. விரைவில் படம் வெளியாகும். அப்போது பார்க்கும் போது ரசிகர்களுக்கு பிரமிப்பாக இருக்கும். படத்தில் நீங்கள் வேற லெவலில் ஒரு அஜித்தை பார்க்கலாம், இது ஒரு கொண்டாடப்படும் படமாக விடாமுயற்சி இருக்கும்" என்றார்.