தீபாவுக்கு திரும்பி வராத நினைவுகள்.. ஐஸ்வர்யாவை சுற்றி வளைக்கும் போலீஸ் - கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9:00 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் தீபாவுக்கு சைக்கலாஜிக்கல் ட்ரீட்மென்ட் தான் தேவைப்படுகிறது என அவளை பாடுவதற்காக மேடை ஏற்றி உட்கார வைத்த நிலையில் இன்று நடக்கப்போவது என்ன என்பது குறித்து பார்க்கலாம் வாங்க.

அதாவது தீபா மேடை ஏற்றப்பட்ட பிறகும் சுயநினைவு வராமல் பித்து பிடித்தார் போல் உட்கார்ந்து இருக்க தீபாவின் அம்மா ஜானகி, மைதிலி, அபிராமி ஆகியோர் அவளிடம் உருக்கமாகப் பேசி நினைவுகளை திருப்பி கொண்டு வர முயற்சி செய்கின்றனர்.

ஐஸ்வர்யாவின் அலப்பறைகள்:

இன்னொரு பக்கம் போலீஸ் ஐஸ்வர்யாவைச் சுற்றி வளைக்க முயற்சி செய்ய, அதன்பின் ஒரு ரூமுக்குள் சென்று அங்கிருக்கும் பைக்குள் துப்பாக்கியை மறைத்து வைத்து விட்டு போலீஸிடம் இருந்து எஸ்கேப் ஆகி விடுகிறாள்.

பிறகு போலீஸ் அங்கிருந்து சென்ற பிறகு மீண்டும் அந்த ரூமுக்கு வந்து பார்க்க அங்கே அந்த பை இல்லாமல் போக பையின் உரிமையாளரை தேடிக் கண்டுபிடித்து உங்களிடம் தனியாக பேச வேண்டும் என ரூமுக்கு அழைத்து அந்த பெண்மணியை அடித்து பேக்குக்குள் இருந்து துப்பாக்கியை எடுத்துக்கொண்டு வெளியே வருகிறாள்.

தீபாவுக்கு ட்ரீட்மென்ட் கொடுத்த நர்ஸ் டாக்டர் சக்தியைப் பார்ப்பதற்காக ஆசிரமத்திற்கு வருகிறார். சக்தி வெளியே சென்றிருப்பதாக தகவல் கிடைக்க, தான் கொண்டு வந்த மருத்துவ ரிப்போர்ட்டை அவரிடம் கொடுத்து விடுங்கள் எனக் கொடுத்துவிட்டு அங்கிருந்து வெளியேறுகிறார்.

அதைத்தொடர்ந்து தீபாவிடம் அவரது அப்பா தர்மலிங்கத்தின் போட்டோவை காட்டி, அவர்களது பாசத்தைப் பற்றியும், பாடகி கனவு பற்றியும் எடுத்து சொல்லி தீபாவுக்கு பழைய நினைவை கொண்டுவர முயற்சி செய்கின்றனர். அப்போதும் எந்தப் பயனும் இல்லாமல் தீபா அப்படியே பிரமை பிடித்தவராக இருக்கிறாள்.

பிறகு சக்தியின் நர்ஸ் உள்ளே வர, ஜானகி - மைதிலி ஆகியோர் தீபா கிடைக்க நீங்கள்தான் முக்கியக் காரணம் என நன்றி சொல்கின்றனர். இப்படியான நிலையில் அடுத்ததாக நடக்கப்போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

நேற்றைய எபிசோட்:

கச்சேரி அரங்கத்தில் தேடுதல்:

கச்சேரி நடக்கும் இடத்திற்கு வந்த போலீஸ் ஐஸ்வர்யா துப்பாக்கியுடன் தப்பி வந்துவிட்டதாக சொல்லி அதிர்ச்சி கொடுக்கின்றனர். போலீஸ் கச்சேரி நடக்கும் அரங்கம் முழுவதும் தேடுதல் வேட்டை நடத்துகின்றனர்.

மாறுவேடத்தில் இருக்கும் ஐஸ்வர்யா போலீஸிடம் சிக்கக் கூடாது என இங்கும் அங்கும் ஓடி ஒளிகிறாள். இதற்கிடையில் கார்த்திக் தீபாவுடன் வந்து சேர்கிறான். தீபாவை பார்த்ததும் எல்லாரும் அவளைக் கட்டியணைத்து அன்பை கொட்டுகின்றனர். ஆனால், தீபா எதுவும் உணராமல் பித்துப் பிடித்தது போல் இருக்கிறாள்.

மனரீதியான பாதிப்பில் தவிக்கும் தீபா:

பிறகு தீபாவை ரூமுக்கு அழைத்துச்செல்கின்றனர். தீபாவுக்கு தற்போது சைக்கலாஜிக்கல் ரீதியான ட்ரீட்மென்ட் தான் தேவை என்பதால் கச்சேரி கெட்டப்பை பார்த்ததும் அவள் சரியாகி பாடுவாள் என்று நம்பிக்கை கொள்கின்றனர். அதன் பிறகு தீபாவை மேடைக்கு அழைத்து வந்து உட்கார வைக்கின்றனர்.