Rajnikanth: ரஜினி யூத் மாதிரி.. யூத் இல்ல.. பாடாய்படுத்திய இயக்குநர்.. அதிர்ச்சியூட்டும் அந்தணன்
Rajnikanth: நடிகர் ரஜினி காந்த் இளைஞர் மாதிரி தான். அவர் இளைஞரே அல்ல. இயக்குநர்கள் அதை மனதில் வைத்துக் கொண்டு படம் எடுக்க வேண்டும் எனக் கூறிய பத்திரிகையாளர் அந்தணன், இயக்குநர் ஒருவராலே ரஜினிக்கு உடல்நலம் பாதித்தது எனக் கூறி அதிர்ச்சியூட்டிள்ளார்.
நடிகர் ரஜினி காந்த் உடல் நலக்குறைவு காரணமாக சென்னை அப்பல்லோ மருத்துவமனையில் சிகிச்சை பெற்று வரும் நிலையில், அவரின் இந்த நிலைக்கு இயக்குநர் லோகேஷ் கனகராஜ் தான் காரணம். அவர், கூலி படத்தின் படப்பிடிப்பில் மழை, வெயில் என பாராமல் ஷீட் செய்துள்ளார். மேலும், விசாகப்பட்டினத்தின் தண்ணீர் ரஜினிக்கு ஒப்புக் கொள்ளவில்லை எனவும் கூறி ரசிகர்கள் மத்தியில் பரபரப்பை ஏற்படுத்தியுள்ளார் பத்திரிகையாளர் அந்தணன்.
நடிகர் ரஜினிகாந்த் உடல்நலக் குறைவு ஏற்பட்டு சென்னை அப்பல்லோ மருத்துவமனையில் நேற்று இரவு அனுமதிக்கப்பட்டார். திடீரென்று அவர் மருத்துவமனையில் அனுமதிக்கப்பட்டதை கேள்விப்பட்ட அவரது ரசிகர்கள், கவலையடைந்து, அவர் உடல்நிலை தற்போது எப்படி இருக்கிறது என்பது தொடர்பான கேள்விகளை, சமூகவலைதளங்களில் எழுப்பி எழுப்பினர்.
ரஜினிகாந்த் சென்னையில் இருக்கக்கூடிய அப்பல்லோ மருத்துவமனையில் அனுமதிக்கப்பட்டிருக்கிறார். அவரது உடல்நிலை தற்போது சீராக இருக்கிறது. ரசிகர்கள் கவலைப்படும் அளவிற்கு அவருக்கு எந்தவிதமான சிக்கலும் இல்லை என்று மருத்துமனை வட்டாரத்தில் தெரிவிக்கப்பட்டிருக்கிறது.