ஜெயிலர் 2 அப்டேட்..நிறைவேறும் கனவு படம் ஆசை! மரண மாஸ் வெயிடிங்கில் இருக்கும் தனுஷ் படங்கள்

சூப்பர் ஸ்டார் ரஜினிகாந்துடன் இணைந்து நடிக்கும் தனுஷ்?

இதையடுத்து ஜெயிலர் 2 படத்தில் முக்கிய வேடத்தில் நடிகர் தனுஷ் நடிக்கவுள்ளதாக தகவல்கள் உலா வருகின்றன. இந்த படத்தின் ப்ரீ புரொடக்சன் பணிகளில் இயக்குநர் நெல்சன் ஈடுபட்டு வருவதாகவும், தற்போது படத்தில் தனுஷை நடிக்க வைக்க பேச்சு வார்த்தை நடைபெற்று வருவதாக கூறப்படுகிறது. ஜெயிலர் 2 படத்தில் நடிக்க தனுஷும் சம்மதம் தெரிவித்துள்ளாராம்.

ஏற்கனவே ரஜினியுடன் இணைந்து பல முறை தனுஷ் நடிக்க இருப்பதாக தகவல்கள் வெளிவந்துள்ளன. ஆனால் இதுவரை அது நடக்கவே இல்லை. தற்போது மீண்டும் சூப்பர் ஸ்டார் ரஜினிகாந்துடன் இணைந்து தனுஷ் நடிக்கவுள்ளதாக கூறப்படும் நிலையில், தற்போது கூலி படத்தில் நடித்து வரும் ரஜினியின் அடுத்த படம் யாருடன் என்பது சஸ்பென்ஸாகவே உள்ளது.

இதற்கிடையே ரஜினியுடன் இணைந்து ஒரு படத்திலாவது நடிக்க வேண்டும் என தனுஷ் பல்வேறு பேட்டிகளில் தனது விருப்பத்தை வெளிப்படுத்தியுள்ளார். எனவே தனுஷுன் ஆசை நிறைவேறுவதற்கான சூழல் ஜெயிலர் 2 படத்தில் உருவாகியுள்ளது.

கடந்த ஆண்டு வெளியான ஜெயிலர் படத்தில் மலையாள சூப்பர் ஸ்டார் மோகன்லால், கன்னட சூப்பர் ஸ்டார் ஷிவ்ராஜ் குமார், பாலிவுட் நடிகர் ஜாக்கி ஷெராஃப், தெலுங்கு நடிகர் சுனில் ஆகியோர் நடித்திருந்தனர்.

எனவே ஜெயிலர் 2 படத்திலும் இதுபோல் பல சர்ப்ரைசான கேரக்டர்களை நெல்சன் வைத்திருப்பதாக தகவல்கள் தெரிவிக்கின்றன. அதில் ஒன்றுதான் தனுஷ் எனவும் கூறப்படுகிறது

ஆயிரத்தில் ஒருவன் 2 படத்தில் தனுஷ்

கடந்த 2020இல் போஸ்டருடன் ஆயிரத்தில் ஒருவன் 2 குறித்த அப்டேட்டை பகிர்ந்திருந்தார் இயக்குநர் செல்வராகவன். இதில் நடிகர் தனுஷ் முக்கிய கேரக்டரில் நடிக்கவுள்ளதாகவும் தெரிவிக்கப்பட்டிருந்தது.

அவர் அறிவித்தாறு 2025 தொடங்க இன்னும் 2 மாதங்கள் மட்டுமே பாக்கியிருக்கும் நிலையில், தற்போது புதிய தொடக்கம் என இயக்குநர் செல்வராகவன், இசையமைப்பாளர் ஜி.வி. பிரகாஷ் குமார் இருக்கும் புகைப்படங்களை பகிர்ந்துள்ளனர்.

இதை பார்த்த ரசிகர்கள் பலரும் ஆயரித்தில் ஒருவன் 2 என கருத்து தெரிவித்துள்ளனர்.

ஆனால் இதுபற்றி செல்வராகவன், ஜி.வி. பிரகாஷ் குமார் தரப்பில் எந்த விளக்கமும் தரப்படவில்லை. இதற்கிடையே தனுஷ் நடிப்பில் மிகவும் எதிர்பார்க்கப்பட்ட படங்களில் ஒன்றாக ஆயிரத்தில் ஒருவன் 2 படமும் இருந்து வரும் நிலையில், இந்த படம் தொடங்கும் பட்சத்தில் அடுத்த ஆண்டு தனுஷ் ரசிகர்களுக்கு சிறப்பான, தரமான விருந்து காத்திருக்கிறது என்றே கூறலாம்.

வடசென்னை 2

பொல்லாதவன், ஆடுகளம் படத்தை தொடர்ந்த தனுஷ் - வெற்றிமாறன் கூட்டணியில் உருவாகி 2017இல் வெளியான கேங்ஸ்டர் படம் வட சென்னை. இந்த படம் தொடங்குவதற்கு முன்னரே படம் மூன்று பாகங்களாக உருவாகும் என அறிவிக்கப்பட்டிருந்தது.

இதையடுத்து வட சென்னை படம் ரசிகர்களை வெகுவாக கவர்ந்து சூப்பர் ஹிட்டான நிலையில், அதன் இரண்டாம் பாகம் எப்போது உருவாகும் என தொடர்ந்து ரசிகர்கள் கேள்வி எழுப்பி வந்தனர். இந்த சூழ்நிலையில், இயக்குநர் வெற்றிமாறன், தனுஷ் ஆகியோர் தங்களது அடுத்தடுத்த படங்களில் பிஸியான வட சென்னை 2 உருவாக்கம் தள்ளி போய்கொண்டே வந்தது.

சமீபத்தில் நிகழ்ச்சி ஒன்றில் பேசிய வெற்றிமாறன், தற்போது தான் கமிட்டாகியுள்ள படங்களை முடித்த பின்னர் வட சென்னை படத்தை இயக்கும் எண்ணம் இருப்பதாக தெரிவித்துள்ளார். தனுஷும் அவ்வாறே இருந்து வருவதாக கூறப்படுகிறது.

வெற்றிமாறன் தற்போது இயக்கி வரும் விடுதலை 2 டிசம்பரில் ரிலீசாகிறது. இதன் பின்னர் சூர்யாவை வைத்து அவர் வாடிவாசல் படத்தை இயக்க உள்ளாராம். அதன் பின்னரே தனுஷின் வட சென்னை படத்தை கையில் எடுப்பார் என தெரிகிறது.