வட சென்னை 2 எப்போது? - அப்டேட் கொடுத்த தனுஷ்!
வடசென்னை படத்தின் இரண்டாம் பாகம் எப்போது தொடங்கும் என்ற கேள்விக்கு தனுஷ் பதிலளித்துள்ளார்.
நடிகர் தனுஷ் தமிழ், தெலுங்கு மற்றும் பாலிவுட் படங்களில் பிஸியாக உள்ளார். 2018 ஆம் ஆண்டு தனுஷ், ஐஸ்வர்யா ராஜேஷ், சமுத்திரக்கனி, அமீர் நடித்த வடசென்னை திரைப்படம் ரசிகர்களின் அமோக வரவேற்பை பெற்றது.
சமீபத்தில் அவர் நடித்த ஹாலிவுட் படமான தி கிரேமேன் திரைப்படம் வெளியாகி நல்ல வரவேற்பை பெற்று வருகிறது. இதனை தொடர்ந்து திருச்சிற்றம்பலம், வாத்தி, நானே வருவேன் ஆகிய படங்களிலும் பிஸியாக உள்ளார்.
இந்நிலையில் தனுஷ் நடித்த ஹாலிவுட் படமான தி க்ரே மேன் திரைப்படம் சமீபத்தில் வெளியானது. அப்படத்தின் ப்ரோமோஷன்களில் கலந்துகொண்ட தனுஷ் பல கேள்விகளுக்கு பதிலளித்தார். அப்போது தனுஷிடம் வடசென்னை படத்தின் இரண்டாம் பாகம் பற்றி கேள்வி கேட்கப்பட்டது.
அதற்கு பதிலளித்த தனுஷ், ”ஏற்கனவே வடசென்னை படத்தின் இரண்டாம் பாகத்திற்காக ஐம்பது நிமிட காட்சிகள் படமாக்கப்பட்டது. வெற்றிமாறன் தனது அடுத்தடுத்த படங்களில் பிஸியாகிவிட்டார். எனவே தான் வடசென்னை இரண்டாம் பாகத்தின் படப்பிடிப்பு நிறுத்தப்பட்டுள்ளது.
வெற்றிமாறன் தற்போது கமிட்டாகியுள்ள படங்களை முடித்திவிட்டு வடசென்னை படத்தின் வேலைகளை தொடங்குவார். அவ்வாறு வெற்றிமாறன் வடசென்னை படத்தை தொடங்கும் பட்சத்தில் நான் வடசென்னை படத்தின் படப்பிடிப்பில் இணைந்துவிடுவேன்” என்றார்.
டாபிக்ஸ்