Vetrimaaran: கிரீன் சிக்னல் கொடுத்த வெற்றிமாறன்... கேட்டது கிடைத்த சந்தோஷத்தில் நடிகர்
Vetrimaaran: இயக்குநர் வெற்றிமாறனுடன் இணைந்து பணியாற்ற வேண்டும் என தெலுங்கு நடிகர் ஜூனியர் என்டிஆர் விரும்பம் தெரிவித்திருந்த நிலையில் அதற்கு பச்சை கொடியை அசைத்துள்ளார் வெற்றிமாறன்.
நடிகர் ஜூனியர் என்டிஆர் தமிழில் தனக்கு இயக்குநர் வெற்றி மாறனுடன் இணைந்து பணியாற்ற வேண்டும் என்ற விருப்பம் உள்ளது என தெரிவித்திருந்த நிலையில், சென்னையில் நிகழ்ச்சி ஒன்றில் பங்கேற்க வந்த இயக்குநர் வெற்றி மாறன் அதற்கு பதிலளிக்கும் விதமாக பேசியுள்ளார்.
ஜூனியர் என்டிஆரின் விருப்பம்
தெலுங்கு திரையுலகின் முன்னணி நடகர் ஜூனியர் என்டிஆர், ஜான்வி கபூர் நடிப்பில் தமிழ், தெலுங்கு உள்ளிட்ட மொழிகளில் உருவாகியுள்ள திரைப்படம் தேவாரா-1. இத்திரைப்படம் இம்மாதம் திரைக்கு வரவுள்ள நிலையில், அதற்கான ப்ரொமோஷன் நிகழ்ச்சி சென்னையில் நடைபெற்றது. அதில் பேசிய ஜூனியர் என்டிஆர் தமிழில் தன்னுடைய விருப்பமான இயக்குநர் என்றால் அது வெற்றிமாறன் தான். அவருடன் இணைந்து படம் செய்ய வேண்டும் என்பது என்னுடைய ஆசை. அந்தப் படத்தை தமிழில் எடுத்து தெலுங்கில் டப் செய்யலாம் எனக் கூறியிருந்தார்.
வெற்றி மாறனின் பதில்
இந்நிலையில், சென்னையில் நிகழ்ச்சி ஒன்றில் பங்கேற்க வந்த இயக்குநர் வெற்றி மாறனிடம் இந்த சம்பவம் குறித்து கேள்வி எழுப்பப்பட்டது. அப்போது பேசிய இயக்குநர் வெற்றி மாறன், நான் ஜூனியர் என்டிஆரை முன்னதாகவே சந்தித்து பேசினேன். நாங்கள் இருவரும் ஒரு கதைக்கான ஐடியா குறித்து விவாதித்தோம். நாங்கள் இருவரும் வெவ்வேறு கமிட்மெண்டுகளில் உள்ளோம். அதை முடித்தப் பின் இந்த திரைப்படத்திற்கான பணிகளை தொடங்குவோம் எனக் கூறினார்.