Vetrimaran: இவரைப் போல் ஆகிடுமோ? உச்சகட்ட அப்செட்டில் டைரக்டர் வெற்றிமாறன்!
Vetrimaran: விடுதலை திரைப்படத்தின் 2ம் பாகம் வெளியாவதில் தொடர்ந்து சிக்கல் ஏற்பட்டு வருவதால் இயக்குநர் வெற்றிமாறன் படத்தின் வெளியீடு குறித்து அப்செட்டில் உள்ளதாகத் தெரிகிறது.
வனப்பகுதியில் வசிக்கும் மக்களின் வாழ்க்கை, வாழ்வாதாரம் குறித்து இயக்குநர் வெற்றிமாறன் விடுதலை திரைப்படத்தை இயக்கினார். இத்திரைப்படம் குறித்த அறிவிப்பின் போதே இது 2 பாகங்களாக வெளியாகும் என அறிவிக்கப்பட்டது. இந்நிலையில், விடுதலை 2ம் பாகம் வெளியாவதில் தொடர்ந்து சிக்கல் ஏற்பட்டு வருகிறது.
இயக்குநர் வெற்றிமாறன் காமெடி மற்றும் குணச்சித்திர நடிகராக வலம்வந்த சூரியை கதாநாயகனாக வைத்து திரைப்படம் ஒன்றை இயக்கிவருவதாக அறிவித்தார். மேலும், நடிகர் விஜய் சேதுபதி முக்கிய கதாபாத்திரத்தில் நடிக்க உள்ளதாகவும் அறிவிப்பு வெளியானது. இந்த அறிவிப்பு வந்த உடனே இப்படம் மீதான ஆவல் ரசிகர்களுக்கு அதிகரிக்கத் தொடங்கியது. காரணம் வெற்றிமாறன் இதற்கு முன் இயக்கிய பொல்லாதவன், ஆடுகளம், விசாரணை, வடசென்னை, அசுரன் போன்ற திரைப்படங்களை ரசிகர்கள் மத்தியில் ஏற்படுத்திய தாக்கம். கூடுதலாக சூரியை கதாநாயகனாக அறிவித்ததால் எதிர்பார்ப்பு அதிகரித்தது.
யோசனையில் விடுதலை 2 படக்குழு
விடுதலை முதல் பாகத்தின் படபிடிப்பின் போதே 2ம் பாகத்திற்கான பாதி படப்பிடிப்பு பணிகள் எடுக்கப்பட்டது. இந்த காட்சிகளுக்கு ஏற்றார் போல முதல் பாகம் வடிவமைக்கப்பட்டது. ஆனால், படக்குழு எதிர்பார்த்த அளவில் விடுதலை 1 படத்திற்கு வரவேற்பு கிடைக்கவில்லை. இத்திரைப்படம் கலவையான விமர்சனத்தையே பெற்றது.