Rajnikanth: இது உண்மை தான்.. ரஜினியின் உடல்நிலை.. அறிக்கை வெளியிட்ட அப்பல்லோ.. இதுதான் முக்கியம்
Rajnikanth: நடிகர் ரஜினிகாந்த் உடல்நிலை குறைத்து அப்பல்லோ மருத்துவமனை அறிக்கை வெளியிட்டுள்ளது. அதில், ரஜினிகாந்திற்கு செய்யப்பட்ட சிகிச்சைகள் குறித்தும், அவரது உடல்நலம் குறித்தும் தெளிவாக கூறியுள்ளது.
உடல்நலக் குறைவால் சென்னை அப்பல்லோ மருத்துவமனையில் அனுமதிக்கப்பட்டிருந்த நடிகர் ரஜினிகாந்த்திற்கு ரத்த நாளத்தில் வீக்கம் ஏற்பட்டிருந்தது. அதற்கு அறுவை சிகிச்சை அற்ற முறையில், சிகிச்சை அளிக்கப்பட்டது. பின் அவரின் பெரு நாடியில் தற்போது ஸ்டெண்ட் பொறுத்தப்பட்டுள்ளது. சிகிச்சைகள் அனைத்தும் திட்டமிட்டபடி நடந்ததால், நடிகர் ரஜினிகாந்த் நலமுடன் உள்ளார். அவர் இன்னும் 2 நாட்களில் நலமுடன் வீட்டிற்கு திரும்புவார் என அப்பல்லோ மருத்துவமனை அறிக்கை வெளியிட்டுள்ளது.
நடிகர் ரஜினிகாந்த் உடல்நலக் குறைவு ஏற்பட்டு சென்னை அப்பல்லோ மருத்துவமனையில் நேற்று இரவு அனுமதிக்கப்பட்டார். திடீரென்று அவர் மருத்துவமனையில் அனுமதிக்கப்பட்டதை கேள்விப்பட்ட அவரது ரசிகர்கள், கவலையடைந்து, அவர் உடல்நிலை தற்போது எப்படி இருக்கிறது என்பது தொடர்பான கேள்விகளை, சமூகவலைதளங்களில் எழுப்பி எழுப்பினர்.
மருத்துவமனையில் ரஜினிகாந்த்
ரஜினிகாந்த் சென்னையில் இருக்கக்கூடிய அப்பல்லோ மருத்துவமனையில் அனுமதிக்கப்பட்டிருக்கிறார். அவரது உடல்நிலை தற்போது சீராக இருக்கிறது. ரசிகர்கள் கவலைப்படும் அளவிற்கு அவருக்கு எந்தவிதமான சிக்கலும் இல்லை என்று மருத்துமனை வட்டாரத்தில் தெரிவிக்கப்பட்டிருக்கிறது.