பிக்பாஸ் வீட்டிற்குள் செல்லும் சூர்யா.. ஸ்வீட் சர்ப்ரைஸ் தர இருக்கும் வாரிசு.. வெளியாகும் அடுத்தடுத்த அப்டேட்!
நடிகர் விஜய் சேதுபதியின் மகன் சூர்யா பிக்பாஸ் வீட்டிற்குள் செல்ல இருப்பதாக தகவல்கள் வெளியாகியுள்ளது.
நடிகர் விஜய் சேதுபதியின் மகன் சூர்யா ஃபீனிக்ஸ் வீழான் எனும் திரைப்படத்தின் மூலம் கதாநாயகனாக அறிமுகமாகியுள்ளார். இந்தப் படம் அடுத்த மாதம் திரைக்கு வரவுள்ள நிலையில் அதற்கான இறுதிக்கட்ட பணிகள் நடந்து வருகிறது. இந்த நிலையில், விஜய் சேதுபதியின் மகன் சூர்யா, தனது படத்தின் புரொமோஷனுக்காக பிக்பாஸ் வீட்டிற்குள் செல்ல உள்ளதாக தகவல் வெளியாகியுள்ளது.
பிக்பாஸ் தொகுப்பாளரான விஜய் சேதுபதி
விஜய் டிவியில் ஒளிப்பரப்பாகி வரும் பிக்பாஸ் நிகழ்ச்சியின் 8 வது சீசன் அக்டோபர் 6ம் தேதி தொடங்கி, பரபரப்பாக போய்க்கொண்டிருக்கிறது. இம்முறை கமல்ஹாசனுக்கு பதிலாக, நடிகர் விஜய்சேதுபதி களமிறங்கி இருக்க, அவருக்கே உரித்தான பாணியில் ஆரம்பித்த முதல் நாளிலேயே கவுண்டர்களை அடுக்கி, தன்னை நோக்கி வந்த பால்கள் அனைத்தையும் சிக்சர்களாக பறக்க விட்டார்.
கலவரமாகும் பிக்பாஸ் வீடு
பிக்பாஸில் முதன்முறையாக பெண்கள் அணியும், ஆண்கள் அணியும் தனித்தனியாக பிரிக்கப்பட்டு இருக்கும் நிலையில், பெண்கள் அணியில் இருந்து அபியும், ஆண்கள் அணியில் இருந்து முத்துக்குமரனும் வீட்டை மாற்றி இருக்கின்றனர். இதையடுத்து, பல சண்டைகள், பிராங்குகள், தங்கள் அணிக்குள்ளேயே மோதல், எதிரணியுடன் மோதல் என சென்று கொண்டிருக்கிறது.
முதல் வாரம் முடிவு
இந்நிலையில், பிக்பாஸ் வீட்டின் முதல் வார இறுதியில் விஜய் சேதுபதி போட்டியாளர்களிடம் பல கேள்விகளை முன்வைத்து பேசினார். மேலும், பிக்பாஸ் வீட்டிற்குள் போட்டியாளர்கள் செய்யும் சில தவறுகளை சுட்டிக்காட்டினார்.
பிக்பாஸிற்குள் நுழையும் விஜய் சேதுபதி மகன்
அப்படி இருக்க பிக்பாஸ் வீட்டில் அடுத்து நடக்க இருக்கும் சில நிகழ்வுகள் குறித்த தகவல்கள் வெளியாகியுள்ளது. அதில், விஜய் சேதுபதியின் மகன் சூர்யா பிக்பாஸ் வீட்டிற்குள் செல்ல உள்ளார் என்றும், அவர் முதல் முறையாக கதாநாயகனாக அறிமுகமாகும் ஃபீனிக்ஸ் வீழான் படத்தின் புரொமோஷன் நிகழ்ச்சியை அவர் பிக்பாஸ் வீட்டில் ஆரம்பிக்கிறார் என்றும் தகவல்கள் வெளியாகியுள்ளன.
ஃபீனிக்ஸ் வீழான்
விஜய் சேதுபதியின் மகன் சூர்யா நடிக்கும் ஃபீனிக்ஸ் வீழான் திரைப்படம் வரும் நவம்பர் 14-ம் தேதி திரையரங்குகளில் வெளியாகும் என அறிவிக்கபட்டுள்ளது. விஜய் சேதுபதி நடித்த நானும் ரவுடி தான், சிந்துபாத் படங்களில் அவரது மகன் சூர்யா சின்ன சின்ன கதாபாத்திரங்களில் நடித்திருந்தார். தற்போது அவர் ஃபீனிக்ஸ் வீழான் என்ற படத்தின் மூலம் நாயகனாக அறிமுகமாகிறார். இந்தப் படத்தை பிரபல சண்டை இயக்குநர் அனல் அரசு இயக்குகிறார். ஆக்ஷன் - ஸ்போர்ட்ஸ் ட்ராமாவாக உருவாகும் இப்படத்துக்கு சாம்.சி.எஸ் இசையமைக்கிறார்.
விஜய் சேதுபதிக்கான கண்டிஷன்
முன்னதாக, தொகுப்பாளராக களமிறக்கப்பட உள்ள விஜய் சேதுபதி பிக்பாஸ் நிகழ்ச்சி முடியும் வரை எந்தப் படத்தையும் புரொமோட் செய்யக்கூடாது என அறிவுறுத்தப்பட்டதாக தகவல் வெளியானது. இதையடுத்து, அவரது மகன் சூர்யா போட்டியாளராக அல்லாமல், தான் நடித்துள்ள படத்தின் புரொமோஷன் வேலைக்காக பிக்பாஸ் வீட்டிற்குள் வரவுள்ளார் என்பது குறிப்பிடத்தக்கது.
பொறுப்புத் துறப்பு:
இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.
டாபிக்ஸ்