உலக முட்டாள்கள் தினம் இன்று! பிடித்தவர்களிடம் வரம்பு மீறாத பிராங்க் செய்யுங்கள்

முட்டாள்கள் நாள் வரலாறும் பின்னணியும்

இந்த நாள் உருவானது பற்றி சரியான ஆதாரங்கள் இல்லாவிட்டாலும், 1582இல் போப் ஆண்டவராக இருந்த 13ஆம் கிரிகோரி, வழக்கமாக கடைப்பிடிக்கப்பட்டு வந்த நாள்காட்டியை மாற்றியமைத்தார். கிரிகோரியன் காலண்டர் என்று அழைக்கப்பட்ட இந்த காலண்டரில் புத்தாண்டு ஜனவரி 1ஆம் தேதி என்று இருந்தது.

புதிய புத்தாண்டு நாளை ஏற்றக்கொண்டவர்கள் ஜனவரி 1ஆம் தேதி புத்தாண்டை கொண்டாட, ஏற்க மறுத்தவர்கள் அதற்கு முன்பு இருந்த ஏப்ரல் 1ஆம் தேதியை புத்தாண்டாக கொண்டாடுவதை தொடர்ந்தனர். ஆனால் புதிய தேதியை பின்பற்றுவோர் அதிகமாகி, பழைய தேதியை பின்னபற்றுவோர் ஏமாளி, முட்டாள் என கேலி செய்ய தொடங்கினர். அவர்களுக்கு ஏமாற்றம் அளிக்கும் விதமாக பரிசுகளை வழங்கினர். இதுதான் முட்டாள்கள் தினம் கொண்டாடுவதற்கான காரணங்களில் ஒன்று என்று நம்பப்படுகிறது.

மற்றொரு நிகழ்வாக ரோமானிய திருவிழாவான ஹிலாரியா, (லத்தீன் மொழியில் மகிழ்ச்சிகரமான) கொண்டாட்டத்தை முட்டாள்கள் தினம் என்று அழைக்கிறார்கள். இந்த நாளில் ரோமானிய மக்கள் மாறுவேடங்கள் அணிந்து ஒருவருக்கொருவர் கேலி செய்தும், ஏமாற்றியும் விளையாடி கொள்கிறார்கள்.

அதேபோல் பிரான்ஸ் நாட்டில் ஏப்ரல் 1ஆம் தேதி ஏப்ரல் மீன் என்று அழைக்கப்படுகிறது. இந்த காலகட்டத்தில் அங்குள்ள ஆறுகளில் மீன்கள் அதிகம் இருக்கும் நிலையில், பேப்பர் போன்று மீன் செய்து அதை மற்றவர்களின் முதுகில் ஒட்டி ஏமாற்றி சிறுவர்கள் கிண்டலடித்து ஜாலி செய்வார்கள்.

வட துருவத்தின் வசத்த காலத்தின் தொடக்கமாக இந்த நாள் கருதப்படுகிறது. இந்த நாளிலிருந்து அங்கும் பகலும் இரவும் சமமாக இருக்கும் என கூறப்படுகிறது.

18ஆம் நூற்றாண்டில் பிரபலமான இந்த நாளுக்கு பல்வேறு விதமான வரலாற்று சான்றுகள் இருந்தாலும், ஏமாற்றுவதென்பது பொதுவான விஷயமாக இருந்து வருகிறது.

இந்த நாளில் யாரையும் புண்படுத்தாதவாறும், பாதிக்காதவாறும் ஜோக்குகள் சொல்வது, புரளி கிளப்புவது, குறும்பாக விளையாடுவது போன்றவற்றை மேற்கொள்ளலாம்.

பலரும் ஏப்ரல் 1 முட்டாள்கள் தினம் என்ற நினைவுக்கு வருவதற்கு முன்பு அவர்களை நன்கு பிராங்க் செய்து கலட்டா பண்ணலாம். அதேசமயம் குறும்புத்தனத்தையும், வேடிக்கையும் வெளிப்படுத்தும் நாளாக முட்டாள்கள் நாள் இருப்பதால் வரம்பு மீறாமல் தீங்கு விளைவிக்காமல் பிராங்குகளை மற்றவர்களிடம் வெளிப்படுத்த வேண்டும்.

அந்த வகையில் வரம்பு மீறாத சில பிராங்க் ஐடியாக்களை பார்க்கலாம்:

ஆட்டோ கரெக்ட் பிராங்க்: உங்கள் நண்பரின் செல்போனில் செட்டிங் சென்று சில வார்த்தைகள் ஆட்டோ கரெக்ட் செய்து விடுங்கள். அவ்வளவுதான் அவர்கள் அடிக்கும் டெக்ட்க்கு வேறொரு எழுத்து தோன்றுவதை பார்த்து ஏமாறுவதை கிண்டல் செய்யலாம்.

ராங் கால் பிராங்: பழைய கான்செப்டாக இருந்தாலும் இந்த நாளில் நீங்கள் இதை செய்வது ஸ்பெஷலாக அமையும். வேறொறு எண்ணில் இருந்து அழைத்து அல்லது குறும்பத்தனமான மெசேஜ் செய்து ஏமாற்றுங்கள்.

வார்த்தைகளை தப்பு தப்பாக குறிப்பட்டு மெசேஜ் செய்வது, போலியான ஸ்கீரின்ஷாட் அனுப்புவது போன்ற சிறு சிறு கேலி, கிண்டலுடன் இந்த நாளை ஜாலியாக கொண்டாடுங்கள்.