Dhanush: இதுவரைக்கும் யாரைப் பார்த்தும் இப்படி சொன்னதில்லை.. நடிகையை தனியாக அழைத்து பேசிய தனுஷ்..

இந்த பெயர்களை எல்லாம் மாற்ற வேண்டும் என்ற எண்ணத்தில், காதல் கொண்டேன் தொடங்கி திருடா திருடி, புதுக்கோட்டையிலிருந்து சரவணன், சுள்ளான், தேவதையைக் கண்டேன் போன்ற படங்களில் நடித்தார். ஆனால், இவருக்கு கோலிவுட்டில் மாஸ் என்ட்ரி கொடுக்க வைத்த திரைப்படம் என்றால் அது புதுப்பேட்டை தான். இந்தப் படம் வெளியான சமயத்தில் பெரிதாக கண்டுக்கொள்ளப்படவில்லை. ஆனால், பின்னாளில் இந்தப்படம் ரசிகர்களால் பெரிதும் கொண்டாடப்பட்டு, ரீ ரிலீஸும் செய்யப்பட்டது.

சூப்பர் ஸ்டாருக்கு மருமகன்

இதனால், காமெடி, காதல், குடும்ப சென்டிமெண்ட் திரைப்படங்களில் நடித்து வந்தவர் மாஸ் ஹூரோ படங்களில் கவனம் செலுத்தினார். இதற்கிடையில், கோலிவுட் சூப்பர் ஸ்டாரான ரஜினிகாந்தின் மூத்த மகள் ஐஸ்வர்யாவை காதலித்து இருவீட்டார் சம்மதத்துடன் திருமணம் செய்துகொண்டார். இவர்களுக்கு 2 மகன்களும் உள்ளனர்.

இன்றைய காலகட்டத்தில் தனுஷ் தான் கோலிவுட்டில் விஜய், அஜித்திற்கு பிறகு அதிகம் விரும்பப்படும் நடிகராக உள்ளார். இருந்தும் இவருக்கு சினிமாவில் நிறைவேறாத ஆசை உள்ளதாக கூறியுள்ளார்.

நிறைவேறாத ஆசை

நடிகர் தனுஷ், ரஜினிகாந்தின் தீவிர ரசிகராம். இவர், ரஜினிகாந்தின் மகளையே காதலித்து திருமணம் செய்திருந்தாலும், பலநாட்களை அவருடன் கழித்திருந்தாலும் அவருடன் ஒரு படத்திலாவது இணைந்சு நடிக்க வேண்டும் என்ற ஆசை உள்ளதாம் தனுஷுக்கு. ஆனால், இன்றுவரை இந்த ஆசை நிறைவேறவில்லையாம்.

இதற்கு மத்தியில், தனுஷ்- ஐஸ்வர்யா தம்பதி தங்களுக்குள் ஏற்பட்ட தொடர் கருத்து வேறுபாடுகளால் விவாகரத்து பெற்றனர். அப்படி இருந்தும் தனுஷுக்கு ரஜினிகாந்த் மீதான ஈர்ப்பு துளி அளவும் குறையவில்லையாம். எப்படியாவது அவருடன் இணைந்து நடித்துவிட வேண்டும் என பல முயற்சிகள் செய்துவருகிறாராம்.

நடிகையிடம் கொட்டித் தீர்த்த தனுஷ்

இந்நிலையில் தான், நடிகை துஷாரா விஜயனிடம் தனும் இந்த நிறைவேறாத ஆசை குறித்து கூறியுள்ளார். அதாவது, நடிகை துஷாரா விஜயன், தனுஷே இயக்கி நடித்த அவரது 50வது படமான ராயனில், அவரது தங்கையாக நடித்தார். அதேசமயத்தில் தான் அவர், ரஜினிகாந்தின் வேட்டையன் திரைப்படத்திலும் நடித்தார்.

வேட்டையன் படத்தில் தனக்கான முதல்நாள் படப்பிடிப்பை முடித்துவிட்டு, ராயன் பட சூட்டிங்கிற்கு வந்த துஷாராவை தனுஷ் தனியே அழைத்து பேசினாராம். அப்போது, சினிமாவில் இதுவரை யாரைப் பார்த்தும் தனுக்கு பொறாமை ஏற்பட்டது இல்லை. ஆனால் உண்மைப் பார்த்தால் எனக்கு பொறாமையாக இருக்கிறது. எனக்கு ரஜினிகாந்த்துடன் ஒரு படத்தில் அல்லது ஒரு காட்சியிலாவது நடிக்க வேண்டும் என பல வருடங்களாக ஆசை இருக்கிறது. ஆனால், அந்த ஆசா இன்றுவரை நிறைவேறாமலே உள்ளது எனக் கூறியுள்ளாராம்.

தனுஷ், நடிகை துஷாராவிடம் கூறிய இந்த வார்த்தை தற்போது கோலிவுட் வட்டாரத்தில் மிகவும் வைரலாகி வருகிறது. ரஜினிகாந்த்துடன் நடிக்க முடியவில்லை என்றாலும் அவரின் காலா படத்தை தனுஷ் தயாரித்துள்ளார். மேலும், தனுஷும் அவரது மனைவியும் குழந்தைகளின் நலனைக் கருத்தில் கொண்டு மீண்டும் ஒன்றாக வாழப் போவதாக முடிவெடுத்துள்ளனர் என்ற தகவலும் வெளியாகியுள்ளது.

இந்தத் தகவல் உண்மையாக மாறினால், தனுஷின் ஆசை விரைவில் நிறைவேறும் என அவரது ரசிகர்கள் கருத்து தெரிவித்து வருகின்றனர்.