Reservation: இடஒதுக்கீட்டின் மிகப்பெரிய ஆதரவாளர் பிரதமர் மோடிதான்: அமித் ஷா

"நான் ஒன்றைத் தெளிவுபடுத்த விரும்புகிறேன். பாஜக இடஒதுக்கீட்டை ரத்து செய்யப் போகிறது என்று காங்கிரஸ் கட்சி தவறான கருத்தை குறிப்பாக தலித் மற்றும் பழங்குடியின சகோதரர்கள் மத்தியில் பரப்பி வருகிறது என கூறினார். 

“காக்கா காலேல்கர் அறிக்கையை அடக்கி வைத்தது, மண்டல் கமிஷன் அறிக்கையை அடக்கி வைத்தது, ஓபிசி கமிஷனுக்கு அரசியல் சாசன அங்கீகாரம் கொடுக்க மோடி வந்து பாடுபட்டார்.

மத்திய அரசின் அனைத்து ஆட்சேர்ப்புகளிலும் ஓபிசி சமூகத்தினருக்கு 27 சதவீத இடஒதுக்கீடு வழங்கும் பணியை மோடி செய்துள்ளார்.

பிரதமர் மற்றும் 27 மத்திய அமைச்சர்கள் ஓபிசி சமூகத்தைச் சேர்ந்தவர்கள் என்று  கூறிய அமித் ஷா,  மோடி தனது 10 ஆண்டுகால ஆட்சியில் பல "சாத்தியமற்ற" பணிகளை நிறைவேற்றியதாக கூறினார். 

"மோடி ஜி மூன்றாவது முறையாக பிரதமராக வேண்டும். ... பத்து ஆண்டுகளில், மோடிஜி செய்ய முடியாது என்று தோன்றிய பல விஷயங்களைச் செய்துள்ளார். மோடி ஜி 10 ஆண்டுகள் மற்றும் 25 ஆண்டுகளாக திட்டமிட்டு சாதனை படைத்துள்ளார்," என்று அவர் கூறினார்.

“70 ஆண்டுகளாக காங்கிரஸ் கட்சி ராமர் கோயிலை தாமதப்படுத்தியது, திசை திருப்பியது, முட்டுக்கட்டை போட்டு வந்தது” 500 ஆண்டுகளுக்குப் பிறகு முதன்முறையாக ஏப்ரல் 17-ம் தேதி ராமநவமி அன்று ராம்லாலா தனது பிறந்தநாளை பிரமாண்ட கோவிலில் கொண்டாடுகிறார். இது நம் அனைவருக்கும் பெருமை சேர்க்கும் விஷயம்.

"மோடி ஜி ஆகஸ்ட் 5, 2019 அன்று சட்டப்பிரிவு 370ஐ ஒரே அடியில் ரத்து செய்தார். மேலும் காஷ்மீரில் மூவர்ணக் கொடியை ஏற்றினார்," என அமித்ஷா கூறினார். 

காங்கிரஸைக் கிண்டல் செய்த அவர், "மோடிஜி 'மகளைக் காப்பாற்றுங்கள் - மகளைப் படிக்கவும்' என்று கூறுகிறார், அதே நேரத்தில் 'மகனைக் காப்பாற்றுங்கள் - பிரதமராக்குங்கள்' என்று காங்கிரஸ் கூறுகிறது" என்றார்.

"சோனியா ஜியின் முழு கவனமும் ராகுலை பிரதமராக்குவதிலேயே உள்ளது, உங்கள் மகன்கள் மற்றும் மகள்கள் மீது அல்ல என அமித் ஷா கூறினார். 

ராஜஸ்தானில் மக்களவைத் தேர்தல் ஏப்ரல் 19 மற்றும் 26 ஆகிய தேதிகளில் இரண்டு கட்டங்களாக நடைபெற உள்ளது. முதல் கட்டமாக கங்காநகர், பிகானேர், சுரு, ஜுன்ஜுனு, சிகார், ஜெய்ப்பூர் ரூரல், ஜெய்ப்பூர், அல்வார், பரத்பூர், கரௌலி-தோல்பூர், தௌசா மற்றும் நாகௌர் ஆகிய 12 தொகுதிகளில் வாக்குப்பதிவு நடைபெறுகிறது.

இரண்டாம் கட்டமாக டோங்க், அஜ்மீர், பாலி, ஜோத்பூர், பார்மர், ஜலோர், உதய்பூர், பன்ஸ்வாரா, சித்தோர்கர், ராஜ்சமந்த், பில்வாரா, கோட்டா மற்றும் ஜலாவர் ஆகிய 13 தொகுதிகளில் வாக்குப்பதிவு நடைபெறுகிறது.