OPS symbol: ஓபிஎஸ்க்கு பலாப்பழம் சின்னம் ஒதுக்கீடு! மற்ற ஓபிஎஸ்களுக்கு என்ன சின்னம் தெரியுமா?

6 ஓபிஎஸ்கள் போட்டி!

ராமநாதபுரம் தொகுதியில் சுயேச்சை வேட்பாளராக போட்டியிடும் முன்னாள் முதலமைச்சர் ஓ.பன்னீர் செல்வத்திற்கு பதிலாக ஓ.பன்னீர் செல்வம் என்ற பெயர்களை கொண்ட 5 பேர் வேட்புமனுத்தாக்கல் செய்துள்ளனர். 

இந்த நிலையில் தான் வாளி அல்லது திரட்சை சின்னத்தை கேட்க உள்ளதாக முன்னாள் முதலமைச்சர் ஓ.பன்னீர் செல்வம் அறிவித்து இருந்த நிலையில் சுயேச்சை வேட்பாளராக போட்டியிட்ட ஓ.பன்னீர் செல்வங்கள் வாளி மற்றும் திராட்சை சின்னங்களை கேட்டு வேட்புமனுத்தாக்கல் செய்து இருந்தனர். 

இதனால் சின்னங்களை சீட்டுப்போட்டு குலுக்கி வேட்பாளர்களுக்கு ஒதுக்கீடு செய்ய வேண்டிய நிலை ஏற்பட்டது. இதில் முன்னாள் முதலமைச்சர் ஓ.பன்னீர் செல்வத்திற்கு பலா பழம் சின்னம் கிடைத்தது. 

பன்னீர் செல்வங்களுக்கு என்னென்ன சின்னங்கள்?

• சோலை அழகுபுரத்தை சேர்ந்த ஒய்யாத் தேவர் மகன் ஓ பன்னீர் செல்வத்திற்கு திராட்சை சின்னம் ஒதுக்கீடு செய்யப்பட்டுள்ளது. 
• ராமநாதபுரத்தை ஒய்யாரம் மகன் ஓ.பன்னீர் செல்வத்திற்கு கண்ணாடி டம்ளர் சின்னம் ஒதுக்கீடு செய்யப்பட்டுள்ளது. 
• கங்கை கொண்டானை சேர்ந்த மலையாண்டி மகன் ஓ.பன்னீர் செல்வத்திற்கு பட்டாணி சின்னம் ஒதுக்கீடு செய்யப்பட்டுள்ளது. 
• வாகை குளம் பகுதியை சேர்ந்த ஒச்சத்தேவர் மகன் ஓ.பன்னீர் செல்வத்திற்கு வாளி சின்னம் ஒதுக்கீடு செய்யபட்டுள்ளது.
• உசிலம்பட்டியை சேர்ந்த ஒச்சப்பன் மகன் ஓ.பன்னீர் செல்வத்திற்கு கரும்பு விவசாயி சின்னம் ஒதுக்கீடு செய்யப்பட்டுள்ளது. 

மன்சூர் அலிகானுக்கு பலாப்பழம் சின்னம்

இந்திய ஜனநாயக புலிகள் கட்சி சார்பில் வேலூர் நாடாளுமன்றத்தொகுதியில் சுயேச்சையாக போட்டியிடும் நடிகர் மன்சூர் அலிகானுக்கும் பலாப்பழம் சின்னம் ஒதுக்கீடு செய்யப்பட்டு உள்ளது.